بەلگييالىق Janssen (Johnson & Johnson برەندٸنە تيەسٸلٸ) كومپانيياسى جاساپ جاتقان كوروناۆيرۋسقا قارسى ەكپەسٸنٸڭ بٸر دوزاسى سىناق كەزٸندە 66 پايىز تيٸمدٸلٸك كٶرسەتكەن. بۇل تۋرالى كومپانييا 29 قاڭتاردا حابارلادى, دەپ جازادى ازاتتىق.
Janssen فارماتسەۆتيكالىق كومپانيياسىنىڭ مەلٸمەتٸنشە, حالىقارالىق سىناققا قاتىسقان 44 مىڭداي ادامنىڭ ٸشٸندە ەشكٸم اۋرۋحاناعا تٷسپەگەن, قايتىس بولعاندار دا جوق. سىناققا قاتىسقان 468 ادامعا ۆيرۋس جۇققان.
كومپانييا ەكپەنٸڭ بٸر دوزاسىنىڭ ٶزٸ كوروناۆيرۋستان جاقسى قورعايدى دەپ مەلٸمدەدٸ. قازٸر Janssen ەكٸ دوزانىڭ قانشالىقتى تيٸمدٸ بولاتىنىن تەكسەرٸپ جاتىر. بٸراق بۇل ۆاكتسينا وڭتٷستٸك افريكا مۋتاتسيياسىنا قارسى تيٸمدٸلٸگٸ سەل تٶمەن – 57 پايىز.
Janssen بيىل بٸر ميلليارد دوزا شىعارۋدى جوسپارلاپ وتىر. اقش بۇل كومپانيياعا الدىن الا 100 ميلليون دوزاعا, كانادا 38 ميلليون دوزاعا, ۇلىبريتانييا 30 ميلليون دوزاعا تاپسىرىس بەرٸپ قويعان.
29 قاڭتاردا اقش-تىڭ Novavax كومپانيياسى دايىنداپ جاتقان ەكپەسٸنٸڭ ۇلىبريتانيياداعى سىناعى 89,3 پايىز تيٸمدٸلٸك كٶرسەتكەنٸن مەلٸمدەدٸ. سىناقتىڭ ٷش كەزەڭٸنەن كەيٸن بۇل ەكپە ۆيرۋستىڭ ۇلىبريتانييالىق مۋتاتسيياسىنان دا قورعاي الاتىنىن كٶرسەتكەن. ٷشٸنشٸ سىناق كەزەڭٸنە 18-84 جاستاعى 15 مىڭ ادام قاتىسقان. سىناق ەكپەسٸن العانداردىڭ 27 پايىزى – 65 جاستان ٷلكەن ادامدار. Novavax ەكپەسٸ ەكٸ دوزادان تۇرادى. بۇل ۆاكتسينا وڭتٷستٸك افريكا مۋتاتسيياسىنا قارسى 60 پايىز تيٸمدٸلٸك كٶرسەتكەن.
ەلەمدە Janssen مەن Novavax ەكپەسٸ ٷشٸنشٸ سىناق كەزەڭٸنەن ٶتٸپ, نەتيجەسٸن رەسمي تٷردە جارييالاعان بەس ۆاكتسينانىڭ قاتارىنا ەندٸ. بۇعان دەيٸن Pfizer/BioNTech (اقش/گەرمانييا), Moderna (اقش), Oxford/AstraZeneca (ۇلىبريتانييا) ەكپەلەرٸ سىناق كەزٸندە جوعارى تيٸمدٸلٸك كٶرسەتكەن. بۇل ٷش ەكپە ەلەمنٸڭ بٸراز ەلٸندە, سونىڭ ٸشٸندە اقش پەن ەۋروپادا ماقۇلدانىپ, حالىققا سالىنىپ جاتىر.
- Pfizer/BioNTech ەكپەسٸنٸڭ تيٸمدٸلٸگٸ 95 پايىز دەپ حابارلاندى. ەكٸنشٸ دوزانى 21 كٷنٸ سالۋ كەرەك. ۆاكتسينانى -70 گرادۋستا ساقتاۋ كەرەك. بۇل – ەكپەنٸڭ ەڭ ٷلكەن مينۋسى. Pfizer/BioNTech ەكپەسٸن دٷنيەجٷزٸلٸك دەنساۋلىق ساقتاۋ ۇيىمى ماقۇلداعان.
- Moderna ۆاكتسيناسىنىڭ تيٸمدٸلٸگٸ 95 پايىز دەپ جارييالاندى. ەكٸنشٸ دوزانى 28 كٷنٸ سالۋ قاجەت. ەكپەنٸ -20 گرادۋستا 6 اپتا ساقتاۋعا بولادى.
- Oxford/AstraZeneca ۆاكتسيناسىنىڭ تيٸمدٸلٸگٸ 62-90 پايىز دەپ جارييالاندى. ەكٸنشٸ دوزانى 4-12 اپتانىڭ ٸشٸندە سالۋ قاجەت. ەكپەنٸ قولدانىستاعى توڭازىتقىشتا, 2-8 گرادۋس سالقىندا ساقتاۋ كەرەك.
بۇدان بٶلەك, رەسەيدٸڭ "سپۋتنيك V" ەكپەسٸ دە بٸرنەشە ەلدە حالىققا جاپپاي سالىنىپ جاتىر. بۇل ۆاكتسينانىڭ ٷشٸنشٸ سىناق كەزەڭٸنٸڭ نەتيجەسٸ جارييالانباعان. بٸراق رەسەي بيلٸگٸ جەلتوقساندا "سپۋتنيك V" ەكپەسٸنٸڭ 92 پايىز تيٸمدٸلٸك كٶرسەتكەنٸن حابارلاعان. قازاقستان بيلٸگٸ 1 اقپاننان باستاپ حالىققا "سپۋتنيك V" ەكپەسٸن سالماق.
