كەشە, 1 شٸلدەدە قازاقستاننىڭ يزرايلدەگٸ ەلشٸلٸگٸ تەل-اۆيۆ مەريياسىنىڭ جەنە «كازتسينك» كورپوراتسيياسىنىڭ قولداۋىمەن قالانىڭ ەڭ تانىمال تۋريستٸك ايماقتارىنىڭ بٸرٸ – تەڭٸز پورتىنىڭ جاعالاۋىندا ورنالاسقان ساياباقتا قازاق كيٸز ٷيٸن تٸگٸپ, كٶرمە اشتى, دەپ حابارلايدى "ۇلت اقپارات" يزرايلدەگٸ قر ەلشٸگٸنە سٸلتەمە جاساپ.
ەكسپوزيتسييانىڭ اشىلۋى قازاقستان رەسپۋبليكاسى تەۋەلسٸزدٸگٸنٸڭ 30 جىلدىعىنا جەنە ۇلتتىق دومبىرا كٷنٸنە ورايلاستىرىلدى.
سالتاناتتى شاراعا تەل اۆيۆ – ياففو قالالىق كەڭەسٸنٸڭ مٷشەلەرٸ, يەرۋساليم پاتريارحى III تەوفيل, سىرتقى ٸستەر مينيسترلٸگٸنٸڭ, ديپلوماتييالىق كورپۋس, يزرايلدٸڭ قوعامدىق جەنە ٸسكەر توپتارىنىڭ, بۇقارالىق اقپارات قۇرالدارىنىڭ ٶكٸلدەرٸ مەن قازاقستاندىق دياسپورا قاتىستى.
ٶز سٶزٸندە قازاقستان ەلشٸسٸ ساتىبالدى بۇرشاقوۆ 2014 جىلى كيٸز ٷي مەن دومبىرا يۋنەسكو-نىڭ ادامزاتتىڭ ماتەريالدىق ەمەس مەدەني مۇراسىنىڭ كٶرنەكٸ تٸزٸمٸنە ەنگٸزٸلگەنٸن, سونداي-اق حالقىمىز ٷشٸن كيەلٸ كيٸز ٷيدٸڭ قاسيەتٸ مەن قاستەرلٸ مەنٸ تۋرالى ەگجەي-تەگجەيلٸ ايتىپ بەردٸ. ديپلومات حالقىمىزدىڭ مەدەني مۇراسىن تانىستىرۋ قازاقستان مەن يزرايل اراسىنداعى مەدەني-گۋمانيتارلىق بايلانىستاردى ودان ەرٸ نىعايتۋعا ىقپال ەتەتٸندٸگٸن اتاپ ٶتتٸ.
تەل-اۆيۆ مەرٸنٸڭ ورىنباسارى گال شارابي 1999 جىلى تەل-اۆيۆ پەن الماتى اراسىندا باۋىرلاستىق بايلانىس ورناتىلعانىنا توقتالىپ, قالىڭ بۇقاراعا ون كٷن بويى ەسٸگٸ اشىق تۇراتىن كيٸز ٷي ەكسپوزيتسيياسى تەل-اۆيۆ تۇرعىندارى مەن قوناقتارىنا قازاق حالقىنىڭ دەستٷرٸ مەن مەدەنيەتٸن تانىپ-بٸلۋگە مٷمكٸندٸك بەرەتٸنٸن ايتتى.
سونىمەن قاتار, شارا اياسىندا قازاقتىڭ ۇلى اقىنى ابايدىڭ 175 جىلدىعىنا وراي شىعارىلعان ەۆرەي تٸلٸندەگٸ «قارا سٶزدەرٸ» كٸتابىنىڭ تۇساۋكەسەرٸ ٶتتٸ. س.بۇرشاقوۆ كٸتاپتىڭ اۋدارماشىسى پولينا برۋكمان مەن «بەيت نەللي مەديا» باسپا ٷيٸنٸڭ ديرەكتورى اللا سەرەبرينسكاياعا قازاقستان مەدەنيەت جەنە سپورت مينيسترٸنٸڭ العىس حاتتارىن تابىستادى.
مەرەكە بارىسىندا قازاقستاننان شىققان ەۆرەي قاۋىمداستىعىنىڭ ٶكٸلدەرٸ ىستىق ىقىلاسپەن جەنە زور ريزاشىلىقپەن ەلٸمٸز تۋرالى جىلى ەستەلٸكتەرٸمەن بٶلٸستٸ.
شاعىن كونتسەرتتٸك باعدارلاما قويىلىپ, وندا بار يلان ۋنيۆەرسيتەتٸنٸڭ ستۋدەنتٸ ەمٸرلان ناجميتدينوۆ مەن بەكجان قوڭىرباەۆ تانىمال قازاق كومپوزيتورلارىنىڭ شىعارمالارىن دومبىرادا ورىنداپ بەردٸ. ابايدىڭ «كٶزٸمنٸڭ قاراسى» ەنٸن قازاق تٸلٸندە شىرقاعان يزرايل ازاماتى يرەنا ارزيۋتوۆا ەرەكشە قۇرمەتكە بٶلەندٸ.
كيٸز ٷي الماتى وبلىسىندا تٸگٸلٸپ, «كازتسينك» كورپوراتسيياسىنىڭ دەمەۋشٸلٸگٸمەن يزرايلگە جەتكٸزٸلدٸ.
كيٸز ٷي 2 - 10 شٸلدە ارالىعىندا تەل-اۆيۆ پورتىنىڭ ساياباعىندا بارشا جۇرتشىلىققا اشىق بولادى.
