فوتو: قر مەدەنيەت جەنە اقپارات مينيسترلٸگٸ
2025 جىلدىڭ 24 قاڭتار كٷنٸ قۇرمانعازى اتىنداعى قازاق ۇلتتىق كونسەرۆاتوريياسىندا ميلان مۋزىكالىق كونسەرۆاتوريياسىنىڭ اكادەمييالىق ۆوكال كافەدراسىنىڭ پروفەسسورى, باريتون دەمەتريو كولاچي (يتالييا) «بەلكانتو تەحنيكاسى جەنە وپەرا پارتييالارىن ينتەرپرەتاتسييالاۋ» تاقىرىبىندا شەبەرلٸك ساباعىن ٶتكٸزدٸ, دەپ حابارلايدى Ult.kz. قر مەدەنيەت جەنە اقپارات مينيسترلٸگٸنە سٸلتەمە جاساپ.
ماەسترو دەمەتريو كولاچي — ەلەمنٸڭ جەتەكشٸ ساحنالارىندا ٶنەر كٶرسەتكەن, وقىتۋشىلىق قىزمەتپەن اينالىسقان تانىمال ورىنداۋشى جەنە پەداگوگ. ونىڭ شەبەرلٸك ساباقتارى ەلەمنٸڭ تٷكپٸر-تٷكپٸرٸنەن كەلگەن مۋزىكالىق وقۋ ورىندارىنىڭ ستۋدەنتتەرٸ اراسىندا زور سۇرانىسقا يە, ٶيتكەنٸ پروفەسسور تەك تەحنيكالىق داعدىلاردى عانا ەمەس, مۋزىكالىق ينتەرپرەتاتسييانى تەرەڭ تٷسٸنۋدٸ دە ٷيرەتەدٸ.
الماتىدا ٶتكەن شەبەرلٸك ساباعى اكادەمييالىق ۆوكالدىڭ قىر-سىرىن جەنە ەيگٸلٸ وپەرالارداعى باستى پارتييالاردى ورىنداۋدىڭ ەرەكشەلٸكتەرٸن تالقىلاۋعا ارنالدى. اتالمىش ٸس-شارا كونسەرۆاتورييانىڭ ۆوكالدىق ٶنەر كافەدراسىنىڭ ستۋدەنتتەرٸ مەن ماگيسترانتتارىنا جەنە وقىتۋشىلارىنا ۆوكالدىق تەحنيكا مەن ورىنداۋشىلىق شەبەرلٸكتەرٸن شىڭداۋعا ارنالعان. قاتىسۋشىلار داۋىسپەن جۇمىس ٸستەۋ, تىنىس الۋدى دۇرىس قويۋ جەنە ەن ايتۋ تەحنيكاسىنىڭ ەرەكشەلٸكتەرٸن ەلەمدٸك دەڭگەيدەگٸ مامانمەن بٸرگە جۇمىس جاساۋ ارقىلى ماشىقتاندى.
كەزدەسۋ ماەسترونىڭ قۇرمانعازى اتىنداعى قازاق ۇلتتىق كونسەرۆاتوريياسىمەن تابىستى ىنتىماقتاستىعىنىڭ جالعاسى. بۇل 2024 جىلدىڭ مامىر ايىندا ۆوكالدىق ٶنەر كافەدراسىنىڭ ستۋدەنتتەرٸمەن ٶتكٸزٸلگەن ەكٸ كٷندٸك ينتەنسيۆتٸ ساباقتاردان باستالعان ەدٸ. دەمەتريو كولاچيدٸڭ ساباقتارىنا قاتىسقان ستۋدەنتتەر مەن وقىتۋشىلار ونىڭ كەسٸبيلٸگٸ مەن پەداگوگيكالىق ەدٸستەرٸنە تاڭدانۋشىلىقپەن جوعارى باعا بەردٸ.
