الماتىداعى الماسيتي شاعىناۋدانى التىن ورداداعى ٷيدە قۇرىلىسشى كٸشكەنتاي ۇلدى ٷيٸنە الداپ كٸرگٸزٸپ, زورلاماق بولعان. سول ٷيدٸڭ تۇرعىندارى كٷدٸكتٸنٸ تەرگەۋ يزولياتورىنان بوساتىپ جٸبەرگەنٸنە نارازى.
Stan.kz جازۋىنشا, 20 سەۋٸردە كٷندٸز الماتىلىق كاميلا تٸلەۋقابىلقىزىنىڭ ۇلى 1-2 ساعاتقا دالاعا ويناۋعا شىققان. بٸر توپ بالا ويناپ جاتقان كەزدە جاندارىنا ەر ادام كەلگەن. ايتۋلارىنشا, ول – وسى جەرگە قۇرىلىس ٸستەۋگە كەلگەن قاراقالپاقستان ازاماتى. 45 جاستاعى ەر ادامنىڭ 7 بالاسى بار ەكەن.
"ەر ادام بالالارعا تٷرلٸ سۇراقتار قويعان, سٶزگە تارتقان. باسقا بالالار تاراپ جاتقاندا, مەنٸڭ ۇلىمدى الىپ قالىپ, كٶمەك سۇراپتى. “قوقىستاردى تٶگۋگە كٶمەكتەسشٸ” دەپ ٷيٸنە كٸرۋدٸ سۇراعان. ول ماعان دا قولعابىس ەتٸپ جٷرگەندٸكتەن, وعان دا كٶمەك بەرۋگە كەلٸسكەن. نەگە كٸردٸڭ دەپ سۇراسام, “كٶمەكتەسپەسەم, ۇرىسا ما دەپ ويلادىم” دەيدٸ. ونىڭ ٷستٸنە ەڭگٸمە اراسىندا “مەن سپورت شەبەرٸمٸن, ۇرىپ تاستايمىن” دەپتٸ", – دەيدٸ بالانىڭ اناسى.
ٷيگە كٸرگەن كەزدە “بەلٸم اۋىرىپ قالدى” دەپ, بالادان ماسساج جاساپ بەرۋٸن ٶتٸنگەن. بالا ارقاسىن ۋقالاپ جاتقان كەزدە ەر ادام ونى تارتىپ, ۇلدىڭ قولىن ٶزٸنٸڭ ٸش كيٸمٸنە سالعان. باقىتىنا وراي, بالا ايقايعا باسىپ, تەۋٸپ, قاشىپ ٷلگەرگەن.
"بالام كٸرٸپ كەلگەندە, “قايدا جوعالىپ كەتتٸڭ?” دەسەم, كٶزٸ باقىرايىپ, الاڭعاسارلانىپ, جىلاعىسى كەلٸپ تۇر. تٶبەلەسٸپ قالدىڭ با, نە بولدى دەپ سۇراعانىمدا, دٸرٸلدەپ تۇر. قۇشاقتاپ, جايمەن سۇراپ ەدٸم, ەرەڭ ەنتٸگٸپ ايتتى. “قورقامىن” دەپ جىلاپ, ٶز دەنەسٸن سيپالاي بەردٸ, ٶز-ٶزٸنەن جيٸركەنٸپ تۇرعانى بايقالدى. “وعان بارما, ول سەنٸ ٶلتٸرٸپ قويادى, سەبەبٸ ول سپورت شەبەرٸ” دەپ ەبدەن ٷرەيلەنٸپ قالعان", – دەدٸ كاميلا.
ول بٸردەن پوليتسيياعا حابارلاعان ەكەن, پودەزدەگٸ بەينەباقىلاۋ كامەرالارىن تەكسەرٸپتٸ. سٶزٸنشە, بالا وسىدان كەيٸن قورقىپ, تٸپتٸ كٶشەگە شىعۋدان قالعان.
سوراقىسى – پوليتسەيلەر ەيەلدٸ بٶلەك شىعارىپ الىپ, ارىز جازباۋعا كٶندٸرگەن. ول ناۋرىزباي اۋداندىق پوليتسييا بٶلٸمشەسٸنە بارعان.
"شۋلاتىپ نە قىلاسىز, اتىڭىزعا كٸر كەلەدٸ. ارىز جازباساڭىز قايتەدٸ, ويلانىپ كٶرٸڭٸز?” دەدٸ. سوندا ول جازاسىز قالا ما? ۇلىمنىڭ جولى بولىپ, قاشىپ ٷلگەردٸ. ەرتەڭ ول ادام بٸرەۋدٸ ٶلتٸرەدٸ عوي. سوندا ماعان “سٸزدە دەلەل جوق قوي, 5 اي بويى اندا-مىندا سٷيرەلەيمٸز, سوسىن بەرٸبٸر ونى بوساتىپ جٸبەرەدٸ” دەدٸ. ەرتٷرلٸ كابينەتتەرگە جٸبەرە بەردٸ. بٸر كەزدە “بالاڭىزدىڭ ەش جەرٸ سىرىلماعان, كٶگەرمەگەن” دەيدٸ, سوندا ٶلگەندە عانا, زورلاعاندا عانا كەلۋ كەرەك پا? دەپ ايقايعا باستىم", – دەدٸ انا.
سودان كەيٸن ەيەلدٸڭ ارىزىن قابىلداپ, كٷدٸكتٸ تەرگەۋ يزولياتورىنا جابىلعانىن ايتقان. بٸراق كەلەسٸ كٷنٸ ونى كٶرشٸلەر ٷيدٸڭ ماڭىنان كٶرٸپتٸ. ەر ادامدى قاماۋدان بوساتىپ جٸبەرگەن.
تۇرعىنداردىڭ ايتۋىنشا, بۇعان دەيٸن دە ەر ادام ەرسٸ قىلىقتار ٸستەگەن.
"بٸر اپتا بۇرىن سول كٸسٸ پەتەرٸمە كٸلتٸن تىعىپ, اشقىسى كەلدٸ. كٷيەۋٸم ەكەۋمٸز ٷيدە بولدىق. كٷيەۋٸم ەسٸكتٸ اشتى دا, “نە ٸستەپ جاتىرسىڭ?” دەگەندە انا كٷدٸكتٸ “شاتاسىپ كەتتٸم” دەدٸ. ول بٸزدەن جوعارى قاباتتا تۇرادى. تەرەزەمٸز اشىق ەكەنٸن بٸلٸپ, بالالار بارىپ بٸلٸپ, ەدەيٸ كەلگەن عوي. مەن دە ارىز جازىپ, جەبٸرلەنگەن بالانىڭ اناسىنا قولداۋ كٶرسەتەمٸن. ول بالانىڭ ورنىنا كەز كەلگەنٸمٸزدٸڭ بالاسى بولىپ قالۋى مٷمكٸن ەدٸ", – دەدٸ التىن وردا تۇرعىنى فاريزا قاناتوۆا.
تۇرعىندار كٷدٸكتٸڭ بوستاندىقتا جٷرگەنٸنە نارازى. ول تاعى دا قيتۇرقى ەرەكەتٸن قايتالايدى دەپ قورقادى.
"جەر سٸلكٸنٸسٸ, سۋ تاسقىنى, ەندٸ پەدوفيل. نە سۇمدىق مىناۋ? 6 بالام بار, مەن ولاردى اسىراۋىم ٷشٸن جۇمىس ٸستەيمٸن. ەندٸ مىنانداي بولسا, مەن ەر بالامنىڭ ارتىنان جٷرٸپ, ٷنەمٸ ەرٸپ جٷرە المايمىن عوي. ەگەر پوليتسييا جازالاماسا, بٸز ٶزٸمٸز جازاسىن بەرەمٸز", – دەدٸ تاعى بٸر تۇرعىن.
ٷيگە جاۋاپتى Home Servise كومپانيياسىنىڭ ديرەكتورى اسحات قاناەۆ تۇرعىن ٷيدٸڭ قاۋٸپسٸزدٸك شارالارىن كٷشەيتەتٸنٸن ايتىپ ۋەدەسٸن بەردٸ. ول بەينەباقىلاۋ كامەرالارىن كٶبەيتٸپ, ٷيگە, بالالار الاڭىنا قورشاۋ سالاتىنىن ايتتى. ايتۋىنشا, تۇرعىن ٷيگە جاۋاپتى پوليتسييا بٶلٸمشەسٸ جوق جەنە ولاردىڭ جۇمىسىنىڭ ەلسٸزدٸگٸنەن كومپانيياعا شاعىم كٶپ تٷسەدٸ.
"ۋچاسكەلٸك پوليتسييا 10 كٷن سايىن اۋىسادى. 7-8 ۋچاسكەلٸك پوليتسييا اۋىسقان بولار. جاۋاپسىز قالادى. ولاردى شاقىرۋعا 2-3 ساعات كەتەدٸ. 28 ٷيگە بٸر پوليتسييا جەتپەيدٸ عوي. ناۋرىزباي اۋداندىق پوليتسيياسىنان ٶتٸنەرٸم, پوليتسەيلەر سانىن كٶبەيتسە ەكەن", – دەدٸ ول.
جەبٸرلەنگەن بالانىڭ اناسى وقيعا بولعان جەردٸ, كٷدٸكتٸنٸڭ ٷيٸن, پودەزدٸن كٶرسەتتٸ. قازٸر ٷي بوس تۇر.
سٶز اراسىندا بالانىڭ اناسى بۇعان دەيٸن دە قۇرىلىسشىلاردىڭ بٸرٸ وعان شابۋىلداماق بولعانىن, ليفتٸدە قورقىتقانىن ايتادى. سٶزٸنشە, بۇل جاعداي بٸر جىل بۇرىن بولىپتى.
بٸر توپ كٶرشٸ پوليتسييا بٶلٸمشەسٸنە جول تارتقان كەزدە وقيعا ورنىنا پوليتسييا قىزمەتكەرٸ ەدٸلبەك قوزىبەكوۆ كەلدٸ.
"سوت ساراپتاماسى تاعايىندالدى. قىلمىستىق كودەكستٸڭ 121-بابى 3-تارماعى “سەكسۋالدىق سيپاتتاعى زورلىق-زومبىلىق ەرەكەتتەر” بويىنشا تەرگەۋ جٷرٸپ جاتىر. پروكۋراتۋرانىڭ قاۋلىسىمەن ونى يزولياتوردان بوساتتى. باسشىلىق قۇرامنىڭ باقىلاۋىندا", – دەدٸ قوزىبەكوۆ.
