ٸرٸ كەسٸپورىن قاۋىمداستىقتارىنىڭ ۋەجٸنە قاراماستان ەكولوگييا كودەكسٸ ۋاقىتىندا قابىلدانادى. ەكولوگييا, گەولوگييا جەنە تابيعي رەسۋرستار ۆيتسە-مينيسترٸ احمەتجان پٸرٸمقۇلوۆ وسىلاي دەپ مەلٸم ەتتٸ, دەپ حابارلايدى قازاقپارات.
«ەكولوگيياعا قاتىستى مەسەلەلەر قاشان دا ماڭىزدى. تٶتەنشە جاعداي رەجيمٸ – ول مەسەلەنٸ ۇمىتا تۇراتىن كەزەڭ ەمەس. الايدا قازٸرگٸ تاڭدا ٸرٸ ٶنەركەسٸپتٸك قاۋىمداستىقتار ەكولوگييا كودەكسٸن قاراۋ مەرزٸمٸن باسقا ۋاقىتقا اۋىستىرۋدى سۇراپ جاتىر. ولاردىڭ نەگٸزگٸ ۋەجٸ – كوروناۆيرۋس پاندەميياسىنىڭ سالدارىن ەڭسەرٸپ الساق دەيدٸ. قازٸر بەرٸنە دە وڭاي ەمەس. ونى تٷسٸنٸپ وتىرمىز. الايدا ەكولوگييا كودەكسٸ مەن ونىڭ قابىلدانۋ مەرزٸمٸ قازٸرگٸ احۋالدى كٷردەلەندٸرمەيتٸنٸن اتاپ ٶتكٸمٸز كەلەدٸ», - دەدٸ احمەتجان پٸرٸمقۇلوۆ وكق-دا ونلاين رەجيمدە ٶتكەن باسپاسٶز مەسليحاتىندا.
ۆيتسە-مينيستردٸڭ ايتۋىنشا, قازاقستاندا ەكولوگييا جاعدايى ٶتە ناشار.
«كەيٸنگٸ جاڭالىقتارعا عانا قۇلاق تٷرەيٸك. تەڭٸزدە پەشتٸڭ توقتاپ قالۋىنان اۋاعا گاز تارالىپ كەتتٸ. ال «ارسەلور ميتتال تەمٸرتاۋ» كومپانيياسىنداعى جىلۋ ەلەكتر ورتالىعىنىڭ شاتىرىنىڭ ٶرتەنۋٸنەن اتموسفەرالىق اۋا لاستاندى. كەيٸنگٸ بٸر جىلدى الىپ قاراساڭىز, مۇنداي مىسالداردى كٶپتەپ كەلتٸرۋگە بولادى. سول سەبەپتٸ ەكولوگييا سالاسىنداعى جاڭا ەرٸ قاتاڭ تالاپتاردى بٷگٸننەن باستاپ ەنگٸزۋ كەرەكتٸگٸن تٷسٸنۋ كەرەك», - دەدٸ ول.
