يراك پرەمەر-مينيسترٸ حايدار ەل-ابادي سەگٸز ايعا جالعاسقان ەسكەري وپەراتسييا نەتيجەسٸندە ەلدٸڭ ەكٸنشٸ ٷلكەن قالاسى موسۋلدى "يسلام مەملەكەتٸ" ەكسترەميستٸك توبىنان ازات ەتكەن ٷكٸمەت ەسكەرٸن "ۇلى جەڭٸسپەن" قۇتتىقتادى. بۇل تۋرالى ٷكٸمەت جەتەكشٸسٸ كەڭسەسٸ بٷگٸن تاراتقان مەلٸمدەمەدە ايتىلعان.
ەل-ابادي شٸلدەنٸڭ 9-ى كٷنٸ جيحادشىلار ٷش جىل باقىلاۋىندا ۇستاپ, قازٸر ازات ەتٸلگەن موسۋل قالاسىندا بولعانى ايتىلعان. پرەمەردٸڭ Twitter ەلەۋمەتتٸك جەلٸسٸندەگٸ پاراقشاسىندا قارا تٷستٸ ەسكەري كيٸمدەگٸ حايدار ەل-اباديدٸڭ يراك قارۋلى كٷشتەرٸ قىزمەتكەرلەرٸمەن تٷسكەن سۋرەتٸ جارييالانعان.
ٷكٸمەت ەسكەرٸ اقش باستاعان حالىقارالىق كواليتسييا كٷشتەرٸنٸڭ قولداۋىمەن موسۋل قالاسىن "يسلام مەملەكەتٸ" ەكسترەميستٸك توبىنان ازات ەتۋ وپەراتسيياسىن ٶتكەن جىلعى قازاندا باستاعان. الدىمەن موسۋلدىڭ شىعىس بٶلٸگٸن العان يراك ەسكەرٸ قالانىڭ باتىس بٶلٸگٸنە بەكٸنگەن جيحادشىلارعا قارسى بٸرنەشە اي بويى قيىن-كەسكٸ شايقاس جٷرگٸزگەن. نەتيجەسٸندە موسۋلدىڭ تاريحي بٶلٸگٸ دە يم سودىرلارىنان ازات ەتٸلگەن.
بۇۇ مەلٸمەتٸ بويىنشا, موسۋلدى ازات ەتۋ وپەراتسيياسى بارىسىندا قالانىڭ بەيبٸت تۇرعىندارى قاتتى زارداپ شەككەن: مىڭداعان ادام قازا تاۋىپ, ميلليونعا جۋىق ادام مەكەن-جايىن تاستاپ كەتۋگە مەجبٷر بولعان.
سونىمەن قاتار يراك بيلٸگٸنٸڭ رەسمي كٶزدەرٸ موسۋلدان ىعىستىرىلعان جيحادشىلار قالا ماڭىنداعى اۋدانداردان شابۋىلدار جاساۋى ىقتيمال دەپ ەسكەرتەدٸ.
