قازاقستاندىق «التىن ادام» انيماتسييالىق فيلمٸ يوردانييادا ٶتكەن IV حالىقارالىق بالالار كينوفەستيۆالٸندە كٶرەرمەن كٶزايىمى جٷلدەسٸن جەڭٸپ الدى, دەپ حابارلايدى Ult.kz.
قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸنٸڭ حابارلاۋىنشا فيلم قر مەدەنيەت جەنە اقپارات مينيسترلٸگٸنٸڭ تاپسىرىسى بويىنشا, ۇلتتىق كينونى قولداۋ مەملەكەتتٸك ورتالىعىنىڭ قولداۋىمەن ش. ايمانوۆ اتىنداعى «قازاقفيلم» كينوستۋديياسىندا تٷسٸرٸلگەن. رەجيسسەرلەرٸ – تۇردىبەك مايدان مەن تٸلەك تٶلەۋعازى, ستسەناريي اۆتورلارى – ەنناس باعدات پەن ۇلاربەك نۇرعالىم.
اتالعان فەستيۆال 15-21 تامىز ارالىعىندا يوردانييانىڭ كورولدٸك كينوكوميسسيياسىنىڭ ۇيىمداستىرۋىمەن, جەليلە بينت ەلي حانشايىمنىڭ قولداۋىمەن ٶتتٸ. بايقاۋ باعدارلاماسىندا قازاقستان, قىتاي, نيدەرلاندى, لاتۆييا سىندى ەلدەردەن كەلگەن بالالار مەن جاسٶسپٸرٸمدەرگە ارنالعان ٷزدٸك فيلمدەر كٶرسەتٸلدٸ.
«التىن ادام» فيلمٸ وتاندىق كينوتەاترلاردا 5 ماۋسىمنان باستاپ پروكاتتا بولعان. تۋىندىدا حان تەڭٸرٸ شىڭىنا شىققان ساق جاۋىنگەرٸنٸڭ ساپارى باياندالادى.
كارتينا باتىلدىق پەن ەرلٸك, ادالدىق پەن ار-نامىس جايىندا. جوبانىڭ باستى ماقساتى – بالالار مەن جاسٶسپٸرٸمدەردٸ ٸزگٸلٸككە باۋلىپ, رۋحاني قۇندىلىقتاردى بويىنا سٸڭٸرۋ.
