سەنات دەپۋتاتى سەۋلە ايتباەۆا ينتەرنەتتە دييسەرتاتسييانى اقىلى جازۋ جٶنٸندەگٸ جارمانانىڭ تولىپ جٷرگەنٸنە الاڭداۋشىلىق بٸلدٸردٸ, دەپ حابارلايدى "ۇلت اقپارات".
«ينتەرنەتكە كٸرٸپ «دوكتورلىق نەمەسە كانديداتتىق ديسسەرتاتسييانى ساتىپ الۋ» دەپ تەرٸپ قالىپ ەدٸم, 46 سەكۋندتتىڭ ٸشٸندە وسىنداي قىزمەتتٸ ۇسىناتىن 3300 نەتيجە شىعا كەلدٸ. Zakaz-kz سايتىنىڭ ٸشٸندە تٸپتٸ «ۋاقىتىڭىزدى ٷنەمدەپ, كەرەكتٸ ديسسەرتاتسييانى الاسىز, ونى بٸلٸكتٸلٸگٸ جوعارى ماماندار جازادى» دەپ, باعاسىنا دەيٸن كٶرسەتٸلگەن. تٸپتٸ سول عىلىمي جۇمىستاردى جاساعان ادامداردى ماقتاۋ سٶزدەرٸنە دەيٸن سالىپ قويىپتى. بۇل باعىتتا پلاگيات كٶبەيٸپ, ساپا تٶمەندەپ كەتتٸ. ال قازاقستاننىڭ عىلىمى تۋرالى ماقالا ينتەرنەتتە ٶتە از. وسىنى قالاي شەكتەيمٸز?» - دەپ سۇرادى دەپۋتات بٸلٸم جەنە عىلىم ۆيتسە-مينيسترٸ شولپان قارينوۆادان.
بۇل سۇراققا جاۋاپ بەرگەن ۆيتسە-مينيستر بۇل مەسەلەدەن بٸلٸم جەنە عىلىم مينيسترلٸگٸ حاباردار ەكەنٸن مەلٸم ەتتٸ.
«قازٸر بۇل پروبلەماعا مونيتورينگ جاساپ وتىرمىز. بٸلٸم جەنە عىلىم مينيسترلٸگٸ جىل سايىن قابىلدانىپ جاتقان نورماتيۆتٸ-قۇقىقتىق قۇجاتتار عىلىمي ۇيىمداردىڭ ٶزٸنە, عىلىمي اتاق الۋ تەرتٸبٸنە قويىلاتىن تالاپتاردى تالداۋعا باعىتتالعان. بۇعان دەيٸن قانداي شارۋالار اتقارىلدى? پلاگيات جەنە عىلىمي قىزمەتكەرلەردٸڭ مويىندالۋى تۇرعىسىنان بٸرقاتار تالاپ كٷشەيتٸلدٸ. عىلىمي قىزمەتكەرلەر اراسىندا بۇل مەسەلەنٸ كەڭٸنەن تالقىلادىق. مەلٸمەتتەردٸ قاراپ وتىرساق, جىل سايىن دوكتورانتۋرعا بٶلٸنەتٸن گرانتتار سانى 2 مىڭدى قۇرايدى. ودان بٶلەك ٶز قاراجاتىمەن تٷسەتٸن ادامداردىڭ سانى 200-دەن اسادى. شامامەن وسىنىڭ ٸشٸندە 200-گە تارتا عىلىمي ەڭبەك باعالانىپ, ولاردى جازعان ادامدارعا عىلىمي اتاقتار بەرٸلٸپ جاتىر», - دەدٸ ول.
ۆيتسە-مينيستر وسىلايشا تالاپتاردى كٷشەيتە وتىرىپ, عىلىمي ەڭبەكتەردٸڭ الدىمەن شەتەلدٸك جۋرنالداردا مويىندالۋىنا ماڭىز بەرٸلەتٸنٸن اتاپ ٶتتٸ.
«ەڭبەكتٸڭ اعىلشىن تٸلٸندە جارييالانۋىن دا تالاپتاردىڭ بٸرٸ ەتٸپ الدىق. سەبەبٸ ەلەمدەگٸ عالىمدار دا بٸر مەسەلەنٸ زەرتتەۋ كەزٸندە وسى ەڭبەكتەردٸ وقي الاتىنداي بولۋى كەرەك», - دەدٸ ول.
