ينفلياتسييانى تەجەپ, باعالاردى ۇستاپ تۇرۋ ٷشٸن قوسىمشا ٸس-شارالاردى ەزٸرلەۋ قاجەت. بۇل تۋرالى ٷكٸمەت وتىرىسىندا قر پرەمەر-مينيسترٸ ەليحان سمايىلوۆ ايتتى, دەپ حابارلايدى قازاقپارات.
«قازٸرگٸدەي كٷردەلٸ كەزەڭدە ەكونوميكانىڭ ٶسۋ قارقىنىن ساقتاي وتىرىپ, ەرٸ قاراي جەدەلدەتۋ – اسا ماڭىزدى مٸندەت. حالىقتىڭ تابىسىن ارتتىرۋ, جۇمىس ورىندارىن قۇرۋ جەنە ەكونوميكانى ەرتاراپتاندىرۋ جۇمىستارىن بارىنشا كٷشەيتۋ قاجەت. بۇل ٷشٸن مەملەكەت باسشىسىنىڭ تاپسىرماسىنا سەيكەس ٷكٸمەت 2022 جىلعا ارنالعان ٸس-قيمىل باعدارلاماسىن ٸسكە اسىرۋدا. سونداي-اق, حالىقتىڭ تابىسىن ارتتىرۋ باعدارلاماسى ەزٸرلەندٸ. مەملەكەتتٸك ورگانداردىڭ بٸرٸنشٸ باسشىلارى مەن ەكٸمدەرگە وسى قۇجاتتارداعى ٸس-شارالاردىڭ ساپالى جەنە تيٸمدٸ ورىندالۋىن قاتاڭ باقىلاۋعا الۋدى تاپسىرامىن», - دەدٸ ەليحان سمايىلوۆ.
سونىمەن قاتار, ٷكٸمەت باسشىسى ەكٸمدەر ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن تۇراقتاندىرۋعا ەرەكشە كٶڭٸل بٶلۋٸ تيٸستٸگٸن, ول ٷشٸن قاجەتتٸ مەحانيزمدەردٸڭ بارلىعى بار ەكەندٸگٸن باسا ايتتى.
«سونداي-اق نارىقتاعى قۇبىلمالى جاعدايدى ەسكەرە وتىرىپ, ۇلتتىق ەكونوميكا مينيسترلٸگٸ مٷددەلٸ مەملەكەتتٸك ورگاندار جەنە ەكٸمدٸكتەرمەن بٸرگە ينفلياتسييانى تەجەپ, باعالاردى ۇستاپ تۇرۋ ٷشٸن قوسىمشا ٸس-شارالاردى ەزٸرلەۋٸ قاجەت. قازٸرگٸ جاعدايدا ٸسكەرلٸك بەلسەندٸلٸكتٸ ەرٸ قاراي دامىتۋ ٷشٸن يندۋسترييالاندىرۋ جۇمىستارىن تيٸمدٸ جٷرگٸزۋدٸڭ, ەكونوميكاعا, ەسٸرەسە, شيكٸزاتتىق ەمەس سەكتورعا ٸشكٸ جەنە سىرتقى ينۆەستيتسييالاردى تارتۋدىڭ, سونداي-اق شاعىن جەنە ورتا بيزنەستٸ دامىتۋدىڭ ماڭىزى زور. يندۋسترييا, اۋىل شارۋاشىلىعى, ۇلتتىق ەكونوميكا مينيسترلٸكتەرٸ مەن ەكٸمدٸكتەر بۇل جۇمىستى ايرىقشا باقىلاۋدا ۇستاۋى قاجەت», - دەدٸ پرەمەر-مينيستر.
