فوتو: Tengrinews.kz/تۇرار قازانعاپوۆ
قازاقستاندا ينفلياتسييا بٸرنەشە اي قاتارىنان باياۋلاپ كەلەدٸ. بۇل تۋرالى ۇلتتىق بانك تٶراعاسى عالىمجان پٸرماتوۆ مەلٸمدەدٸ, دەپ حابارلايدى Sputnik قازاقستان.
ونىڭ ايتۋىنشا, جىلدىق مەندەگٸ ازىق-تٷلٸك ينفلياتسيياسى اقپان ايىنداعى ەڭ جوعارى كٶرسەتكٸش 26,2%-تەن 16,5%-كە دەيٸن باياۋلاعان. ازىق-تٷلٸككە جاتپايتىن تاۋارلار ينفلياتسيياسى – 17,2%-كە, اقىلى قىزمەتتەر ينفلياتسيياسى 13,5%-كە دەيٸن بەسەڭدەدٸ.
پٸرماتوۆ ازىق-تٷلٸككە جاتپايتىن تاۋارلار بويىنشا بەنزين مەن ديزەل وتىنىنىڭ شەكتٸ باعالارى كٶتەرٸلگەندٸكتەن, جانار-جاعارماي باعاسى ٶسكەنٸن اتاپ ٶتتٸ.
"قازاقستانداعى ينفلياتسييا ٷش اي قاتارىنان باياۋلاپ, مامىر ايىندا جىلدىق مەندە 15,9%-كە دەيٸن تٶمەندەدٸ. ينفلياتسييانىڭ ايلىق دەڭگەيٸ 0,6%-تٸ قۇرادى. ۇلتتىق بانك ينفلياتسييانىڭ باياۋلاۋ ٷردٸسٸ ودان ەرٸ جالعاسادى دەپ كٷتەدٸ", - دەدٸ عالىمجان پٸرماتوۆ ٷكٸمەت وتىرىسىندا.
ايتۋىنشا, سىرتقى ەكونوميكالىق كونيۋنكتۋرانىڭ جاقسارۋى ينفلياتسييانى تەجەۋگە ىقپال ەتەدٸ. ول ازىق-تٷلٸكتٸڭ ودان ەرٸ ارزانداۋىنان جەنە ساۋدا-سەرٸكتەس ەلدەردەگٸ تٶمەن ينفلياتسييادان بايقالادى.
پٸرماتوۆ بيىل 26 مامىردا ۇلتتىق بانك تەۋەكەلدەر بالانسىن ەسكەرە وتىرىپ, بازالىق مٶلشەرلەمەنٸ 16,75% دەڭگەيٸندە ساقتاۋ تۋرالى شەشٸم قابىلداعانىن ەسكە سالدى. ايتۋىنشا, بۇل ەلدەگٸ ينفلياتسييانى ودان ەرٸ باياۋلاتۋعا ىقپال ەتەدٸ.
