يندونەزييا بيلٸگٸ جەكسەنبٸدە شىعىس يندونەزييا مەن كٶرشٸلەس جاتقان شىعىس تيموردا سۋ تاسقىنى مەن كٶشكٸن سالدارىنان 70-تەن استام ادام قايتىس بولدى دەپ مەلٸمدەدٸ جەنە قۇربان بولعانداردىڭ سانى ارتۋى مٷمكٸن ەكەنٸن ەسكەرتتٸ. 42 ادام ەلٸ حابارسىز كەتكەن دەپ سانالادى, دەپ حابارلايدى "ۇلت اقپارات" The Guardian باسىلىمىنا سٸلتەمە جاساپ.
نٶسەر جاڭبىر يندونەزيياداعى فلورەس ارالىنان يندونەزييا ارحيپەلاگىنىڭ شىعىسىنداعى شاعىن مەملەكەت - شىعىس تيمورعا دەيٸنگٸ ارالداردا ٷيلەردٸ قيراتىپ, زوبالاڭ تۋدىردى. شىعىس تيمور استاناسى ديليدەگٸ سۋ تاسقىنىنان 11 ادام قايتىس بولدى دەپ حابارلانادى. بيلٸك قازا تاپقاندار مەن جارالانعانداردىڭ سانى ەلٸ دە ارتۋى مٷمكٸن دەپ ەسكەرتتٸ.
شىعىس فلورەس وكرۋگٸندە 60 ادام قايتىس بولدى, ولاردىڭ كٶپشٸلٸگٸ لەمانەلە اۋىلىنان. بۇل دەرەكتەر ەلٸ رەسمي راستالعان جوق. زارداپ شەككەندەر كٶرشٸ اۋىلدارعا ەۆاكۋاتسييالاندى.
جەكسەنبٸدە كٶرشٸلەس باتىس نۋسا-تەنگارا پروۆينتسيياسىنداعى بيما قالاسىندا تاعى ەكٸ ادام سۋ تاسقىنىنان قايتىس بولدى, دەپ حابارلايدى تٶتەنشە جاعداي اگەنتتٸگٸ.
تٶرت اۋدانداعى بٶگەتتەر دە ٸستەن شىعىپ, بيماداعى 10 000 ٷيدٸ 9 ساعات قاتارىنان جاۋعان نٶسەر سالدارىنان سۋ باستى. ماۋسىمدىق جاڭبىر كٶبٸنەسە يندونەزييا ارحيپەلاگىندا سۋ تاسقىنى مەن جەر كٶشكٸنٸن تۋدىرادى. قاڭتاردا يندونەزييانىڭ باتىس ياۆا قالاسىنداعى سۋمەدانگ قالاسىندا سۋ تاسقىنى بولىپ, 40 ادام قازا تاپقان ەدٸ. ٶتكەن جىلدىڭ قىركٷيەگٸندە بورنەوداعى كٶشكٸن سالدارىنان 11 ادام قايتىس بولدى. ەلدٸڭ تٶتەنشە جاعدايلار اگەنتتٸگٸ 125 ميلليون يندونەزييالىق (ەل حالقىنىڭ جارتىسىنا جۋىعى) كٶشكٸن قاۋپٸ بار جەرلەردە تۇرادى دەپ ەسەپتەيدٸ.
ەكولوگتاردىڭ پٸكٸرٸنشە, تابيعي اپاتتار كٶبٸنەسە ورماندى وتاۋ سالدارىنان بولادى. ەسكە سالايىق, اقپان ايىندا يندونەزييا استاناسىنىڭ 1300-دەن استام تۇرعىنى نٶسەر جاڭبىردىڭ سالدارىنان بولعان سۋ تاسقىنى ٷشٸن ٷيلەرٸن تاستاپ كەتۋگە مەجبٷر بولدى.
بٸرنەشە ٶزەن بٸر مەزەتتە ارناسىنان شىقتى.
