ەزەربايجان پرەزيدەنتٸ يلحام ەليەۆ (وڭ جاقتا) پەن ونىڭ ەيەلٸ - ەزەربايجان ۆيتسە-پرەزيدەنتٸ مەحريبان ەليەۆا.
ەزەربايجان پرەزيدەنتٸ يلحام ەليەۆ ەيەلٸ مەحريبان ەليەۆانى ۆيتسە-پرەزيدەنت لاۋازىمىنا تاعايىندادى. ول تۋرالى جارلىق اقپاننىڭ 21-ٸ كٷنٸ پرەزيدەنتتٸڭ رەسمي سايتىندا جارييالاندى.
2017 جىلى اقپاننىڭ 21-ٸ كٷنٸ ەزەربايجان پرەزيدەنتٸ يلحام ەليەۆتٸڭ رەسمي سايتىندا ونىڭ ەيەلٸ مەحريبان ەليەۆانى ۆيتسە-پرەزيدەنت لاۋازىمىنا تاعايىنداۋ تۋرالى جارلىعى جارييالاندى.
"م.ا.ەليەۆانى ەزەربايجان رەسپۋبليكاسىنىڭ بٸرٸنشٸ ۆيتسە-پرەزيدەنتٸ لاۋازىمىنا تاعايىنداۋ تۋرالى" جارلىقتا يلحام ەليەۆتٸڭ "ەزەربايجان كونستيتۋتسيياسىنىڭ 103-بابىنىڭ 1-تارماعىنا سٷيەنگەنٸ" جازىلعان.
الايدا يلحام ەليەۆتٸڭ رەسمي سايتىنداعى ەزەربايجان كونستيتۋتسيياسىنىڭ 103-بابى "ەزەربايجان پرەزيدەنتٸ بولىپ سايلانعان تۇلعانىڭ انت بەرۋٸ" دەپ اتالادى جەنە 1-تارماعىندا "ەزەربايجان پرەزيدەنتٸ بولىپ سايلانعان ادامنىڭ ٷش كٷن ٸشٸندە... ەزەربايجان پرەزيدەنتٸ قىزمەتٸن اتقارا وتىرىپ, كونستيتۋتسييانى, ەل ەگەمەندٸگٸ مەن اۋماقتىق تۇتاستىعىن ساقتاۋ, حالىققا ادال قىزمەت ەتۋگە انت بەرەتٸنٸ" ايتىلعان.
كٷيەۋٸنٸڭ بۇل جارلىعى ارقىلى 52 جاستاعى مەحريبان ەليەۆانىڭ ەزەربايجان ساياسي جٷيەسٸندەگٸ ورنى كٶتەرٸلە تٷستٸ. بۇعان دەيٸن ول ەزەربايجان پارلامەنتٸ - ميللي مەجٸلٸستٸڭ دەپۋتاتى عانا بولىپ كەلگەن ەدٸ. ەزەربايجان پرەزيدەنتٸ يلحام ەليەۆتٸڭ جۇبايى مەحريبان ەليەۆا بۇدان بٶلەك يۋنەسكو جەنە يسەسكو ەلشٸسٸ, ەزەربايجاننىڭ بۇرىنعى پرەزيدەنتٸ - بۇل ەلدٸڭ قازٸرگٸ باسشىسى يلحام ەليەۆتٸڭ ەكەسٸ گەيدار ەليەۆ اتىنداعى قوردىڭ پرەزيدەنتٸ.
مەحريبان ەليەۆانىڭ ٶمٸر جولى
مەحريبان ەليەۆانىڭ نەگٸزگٸ ماماندىعى - مەديتسينا سالاسىنداعى كٶز دەرٸگەرٸ. ول 1988 جىلى م.سەچەنوۆ اتىنداعى مەسكەۋ مەملەكەتتٸك مەديتسينا ينستيتۋتىن بٸتٸرگەن. 1988-1992 جىلدار ارالىعىندا اكادەميك كراسنوۆتىڭ جەتەكشٸلٸگٸمەن مەسكەۋدەگٸ كٶز اۋرۋلارىن زەرتتەيتٸن عىلىمي ينستيتۋتتا جۇمىس ٸستەگەن. 1995 جىلدان بەرٸ ٶزٸ قۇرعان ەزەربايجان مەدەنيەتٸ قورىنىڭ پرەزيدەنتٸ.
ەزەربايجان پرەزيدەنتٸ يلحام ەليەۆ ەيەلٸ مەحريبان ەليەۆاعا ەكەسٸ گەيدار ەليەۆتٸڭ اتىنداعى وردەن تاپسىرىپ تۇر. باكۋ, 29 ماۋسىم 2015 جىل.
ول يلحام ەليەۆكە 1983 جىلى تۇرمىسقا شىققان. 2003 جىلى ەزەربايجاندى 1993 جىلدان بەرٸ باسقارعان گەيدار ەليەۆ قايتىس بولدى, بيلٸكتٸ ونىڭ ۇلى يلحام قولىنا الدى.
كٷيەۋٸ پرەزيدەنت بولعان مەحريبان ەليەۆانىڭ دا ەزەربايجانداعى ىقپالى كٷشەيە تٷستٸ. مەحريبان وتباسىنىڭ بارلىق مٷشەلەرٸ اكادەمييالىق ورتادا, ساياساتتا جوعارى مەرتەبە يەلەندٸ. ونىڭ اتاسى مير دجالال - تانىمال جازۋشى. ەكەسٸ اريف - باكۋدەگٸ ۇلتتىق اۆياتسييا اكادەميياسىنىڭ رەكتورى. ەپكەسٸ نارگيز - مەسكەۋ مەملەكەتتٸك ۋنيۆەرسيتەتٸنٸڭ باكۋدەگٸ فيليالىن باسقارادى.
ساياسي بولجامدار
ەزەربايجاندا مەحريبان ەليەۆاعا قاتىستى ساياسي بولجامدار 2013 جىلى جازدا, ول «جاڭا ەزەربايجان» پارتيياسىنىڭ تٶراعا ورىنباسارى بولىپ تاعايىندالعاندا كٶبەيگەن ەدٸ. ٶيتكەنٸ, يلحام ەليەۆ بيلٸككە كەلەر الدىندا ەكەسٸ گەيدار ەليەۆ ونى وسى «جاڭا ەزەربايجان» پارتيياسىنىڭ تٶراعا ورىنباسارى ەتٸپ تاعايىنداپ, وعان پرەزيدەنتتٸك لاۋازىمدى ٶتكٸزٸپ بەرۋ ٷشٸن سايلاۋ ۇيىمداستىرعان بولاتىن.
2013 جىلى جازدا, ەزەربايجاندا پرەزيدەنت سايلاۋى ٶتەر قارساڭدا وسى ەلدەگٸ شاعىن ەرٸ مەملەكەتكە تەۋەلدٸ "ەزەربايجاننىڭ ەلەمدٸك دەموكراتييالىق پارتيياسى" پرەزيدەنت سايلاۋىنا ەليەۆانى ۇسىناتىندارىن مەلٸمدەدٸ. كەيٸن پارتييا ٶكٸلدەرٸ بۇل مەلٸمدەمەنٸ پارتييادان بٶلٸنٸپ شىققان شاعىن توپتىڭ جاساعانىن ايتىپ, باستارىن اراشالاي باستادى. بٸراق وسى وقيعا ەزەربايجان پرەزيدەنتٸ يلحام ەليەۆ بيلٸكتٸ ەيەلٸنە ٶتكٸزۋٸ مٷمكٸن دەگەن سارىنداعى بولجامدارعا تٷرتكٸ بولعان ەدٸ.
ەليەۆتەر مەن پاشاەۆتار ەۋلەتٸنٸڭ ىقپالى
كەي ساراپشىلار "مەحريبان ەليەۆانىڭ نەگٸزگٸ قارۋى – ەزەربايجاننىڭ مۇنايى مەن كوممۋنيكاتسيياسىن, قۇرىلىس سالاسىن, پاناما جەنە بريتاندىق ۆيرگين ارالدارىنداعى ٸرٸ وففشورلىق كومپانييالاردى قاراۋىندا ۇستاعان وتباسىلىق حولدينگتٸڭ ميللياردتاعان دوللار قارجىسى" ەكەنٸن ايتادى.
مەحريبان ەليەۆانىڭ تٶركٸنٸ - پاشاەۆتار ەۋلەتٸ پرەزيدەنتكە جاقىن بولعاننىڭ ارقاسىندا ساياسي سالماقتارىن ۇلعايتىپ, قوماقتى دەۋلەت جيناپ الدى. ەزەربايجاندىق ساراپشى زافار گۋليەۆتٸڭ ايتۋىنشا, پاشاەۆتار ەزەربايجاننىڭ بيلٸك قۇرىلىمىنىڭ ەڭ جوعارعى دەڭگەيٸنەن ورىن الۋعا ىنتالى, ولار تٸپتٸ 2008 جىلى مەحريباندى پرەزيدەنتتٸككە ۇسىنۋ تۋرالى ويلاعان. 2013 جىلى سايلاۋ قارساڭىندا زافار گۋليەۆ ازاتتىققا "ول كەزدە بۇل يدەيا ٶرٸستەمەدٸ. مٷمكٸن, وتباسى نە ٷكٸمەت توقتاۋ سالعان شىعار. بٸراق سودان بەرٸ مەحريبان ەليەۆا مەن پاشاەۆتار بارلىق جاعىنان – قارجىلىق, ەكونوميكالىق جەنە ىقپالدىلىق تۇرعىسىنان كٷشەيٸپ كەتتٸ" دەگەن پٸكٸرٸن ايتقان ەدٸ.
الايدا يلحام ەليەۆتٸڭ ٶزٸ ەشقاشاندا وتباسىلىق بيلٸككە تالاس تۋرالى ايتقان ەمەس جەنە سەن كٶشٸنەن قالمايتىن جارىن «ەزەربايجاننىڭ ەڭ سۇلۋ ەيەلٸ» دەپ اتايدى. ونىڭ «پرەزيدەنتتٸڭ ەيەلٸ بولسا دا, ەيەلدٸڭ اتى - ەيەل» دەگەن سٶزدەرٸ اقپارات قۇرالدارى ارقىلى تاراپ كەتكەن. ەليەۆ كٶبٸنەسە ەيەلدٸ «وتباسىنداعى ماحابباتتىڭ, گارمونييانىڭ, تىنىشتىقتىڭ كەپٸلٸ» رەتٸندە سيپاتتايدى.
مەحريبان ەليەۆا - يلحام ەليەۆتٸڭ جۇبايى ەرٸ ورىنباسارى
قالاي بولعاندا دا ەزەربايجاندى بيلەپ وتىرعان ەليەۆتەر ەۋلەتٸ بۇرىنعى سوۆەت وداعىنداعى رەپرەسسييالىق رەجيمدٸ ساقتاپ قالعان, ەلدەگٸ اقپارات قۇرالدارى بوستاندىعىن شەكتەۋ, سىبايلاس جەمقورلىق پەن حالىقتى قىسىپ ۇستاۋ جاعىنان ايماقتا توپ باستاپ تۇر.
2009 جىلى ەزەربايجان بيلٸگٸ كونستيتۋتسيياعا ٶزگەرٸس ەنگٸزٸپ, پرەزيدەنت مەرزٸمٸنە قاتىستى شەكتەۋ الىنىپ تاستالدى. 55 جاستاعى ەليەۆتٸڭ رەسۋرستارعا باي ەلدٸڭ مەڭگٸ پرەزيدەنتٸ بولۋىنا تەحنيكالىق تۇرعىدا جول اشىق تۇر. ال ساراپشىلار يلحام ەليەۆتٸڭ دە ۋاقىت ٶتە ەۋلەت دەستٷرٸن ساقتاپ, بيلٸكتٸ وتباسى مٷشەلەرٸنٸڭ بٸرٸنە تاپسىراتىنىن ايتادى.
مەحريبان مەن يلحام ەليەۆتەردٸڭ ەكٸ قىزى مەن بٸر ۇلى بار.
