Ázerbaijan prezidenti Ilham Áliev (oń jaqta) pen onyń áieli - Ázerbaijan vitse-prezidenti Mehriban Álieva.
Ázerbaijan prezidenti Ilham Áliev áieli Mehriban Álievany vitse-prezident laýazymyna taǵaiyndady. Ol týraly jarlyq aqpannyń 21-i kúni prezidenttiń resmi saitynda jariialandy.
2017 jyly aqpannyń 21-i kúni Ázerbaijan prezidenti Ilham Álievtiń resmi saitynda onyń áieli Mehriban Álievany vitse-prezident laýazymyna taǵaiyndaý týraly jarlyǵy jariialandy.
"M.A.Álievany Ázerbaijan Respýblikasynyń birinshi vitse-prezidenti laýazymyna taǵaiyndaý týraly" jarlyqta Ilham Álievtiń "Ázerbaijan konstitýtsiiasynyń 103-babynyń 1-tarmaǵyna súiengeni" jazylǵan.
Alaida Ilham Álievtiń resmi saityndaǵy Ázerbaijan konstitýtsiiasynyń 103-baby "Ázerbaijan prezidenti bolyp sailanǵan tulǵanyń ant berýi" dep atalady jáne 1-tarmaǵynda "Ázerbaijan prezidenti bolyp sailanǵan adamnyń úsh kún ishinde... Ázerbaijan prezidenti qyzmetin atqara otyryp, konstitýtsiiany, el egemendigi men aýmaqtyq tutastyǵyn saqtaý, halyqqa adal qyzmet etýge ant beretini" aitylǵan.
Kúieýiniń bul jarlyǵy arqyly 52 jastaǵy Mehriban Álievanyń Ázerbaijan saiasi júiesindegi orny kóterile tústi. Buǵan deiin ol Ázerbaijan parlamenti - Milli Májilistiń depýtaty ǵana bolyp kelgen edi. Ázerbaijan prezidenti Ilham Álievtiń jubaiy Mehriban Álieva budan bólek IýNESKO jáne ISESKO elshisi, Ázerbaijannyń burynǵy prezidenti - bul eldiń qazirgi basshysy Ilham Álievtiń ákesi Geidar Áliev atyndaǵy qordyń prezidenti.
MEHRIBAN ÁLIEVANYŃ ÓMIR JOLY
Mehriban Álievanyń negizgi mamandyǵy - meditsina salasyndaǵy kóz dárigeri. Ol 1988 jyly M.Sechenov atyndaǵy Máskeý memlekettik meditsina institýtyn bitirgen. 1988-1992 jyldar aralyǵynda akademik Krasnovtyń jetekshiligimen Máskeýdegi kóz aýrýlaryn zertteitin ǵylymi institýtta jumys istegen. 1995 jyldan beri ózi qurǵan Ázerbaijan mádenieti qorynyń prezidenti.
Ázerbaijan prezidenti Ilham Áliev áieli Mehriban Álievaǵa ákesi Geidar Álievtiń atyndaǵy orden tapsyryp tur. Baký, 29 maýsym 2015 jyl.
Ol Ilham Álievke 1983 jyly turmysqa shyqqan. 2003 jyly Ázerbaijandy 1993 jyldan beri basqarǵan Geidar Áliev qaitys boldy, bilikti onyń uly Ilham qolyna aldy.
Kúieýi prezident bolǵan Mehriban Álievanyń da Ázerbaijandaǵy yqpaly kúsheie tústi. Mehriban otbasynyń barlyq músheleri akademiialyq ortada, saiasatta joǵary mártebe ielendi. Onyń atasy Mir Djalal - tanymal jazýshy. Ákesi Arif - Bakýdegi ulttyq aviatsiia akademiiasynyń rektory. Ápkesi Nargiz - Máskeý memlekettik ýniversitetiniń Bakýdegi filialyn basqarady.
SAIaSI BOLJAMDAR
Ázerbaijanda Mehriban Álievaǵa qatysty saiasi boljamdar 2013 jyly jazda, ol «Jańa Ázerbaijan» partiiasynyń tóraǵa orynbasary bolyp taǵaiyndalǵanda kóbeigen edi. Óitkeni, Ilham Áliev bilikke keler aldynda ákesi Geidar Áliev ony osy «Jańa Ázerbaijan» partiiasynyń tóraǵa orynbasary etip taǵaiyndap, oǵan prezidenttik laýazymdy ótkizip berý úshin sailaý uiymdastyrǵan bolatyn.
2013 jyly jazda, Ázerbaijanda prezident sailaýy óter qarsańda osy eldegi shaǵyn ári memleketke táýeldi "Ázerbaijannyń álemdik demokratiialyq partiiasy" prezident sailaýyna Álievany usynatyndaryn málimdedi. Keiin partiia ókilderi bul málimdemeni partiiadan bólinip shyqqan shaǵyn toptyń jasaǵanyn aityp, bastaryn arashalai bastady. Biraq osy oqiǵa Ázerbaijan prezidenti Ilham Áliev bilikti áieline ótkizýi múmkin degen saryndaǵy boljamdarǵa túrtki bolǵan edi.
ÁLIEVTER MEN PAShAEVTAR ÁÝLETINIŃ YQPALY
Kei sarapshylar "Mehriban Álievanyń negizgi qarýy – Ázerbaijannyń munaiy men kommýnikatsiiasyn, qurylys salasyn, Panama jáne Britandyq Virgin araldaryndaǵy iri offshorlyq kompaniialardy qaraýynda ustaǵan otbasylyq holdingtiń milliardtaǵan dollar qarjysy" ekenin aitady.
Mehriban Álievanyń tórkini - Pashaevtar áýleti prezidentke jaqyn bolǵannyń arqasynda saiasi salmaqtaryn ulǵaityp, qomaqty dáýlet jinap aldy. Ázerbaijandyq sarapshy Zafar Gýlievtiń aitýynsha, Pashaevtar Ázerbaijannyń bilik qurylymynyń eń joǵarǵy deńgeiinen oryn alýǵa yntaly, olar tipti 2008 jyly Mehribandy prezidenttikke usyný týraly oilaǵan. 2013 jyly sailaý qarsańynda Zafar Gýliev Azattyqqa "Ol kezde bul ideia óristemedi. Múmkin, otbasy ne úkimet toqtaý salǵan shyǵar. Biraq sodan beri Mehriban Álieva men Pashaevtar barlyq jaǵynan – qarjylyq, ekonomikalyq jáne yqpaldylyq turǵysynan kúsheiip ketti" degen pikirin aitqan edi.
Alaida Ilham Álievtiń ózi eshqashanda otbasylyq bilikke talas týraly aitqan emes jáne sán kóshinen qalmaityn jaryn «Ázerbaijannyń eń sulý áieli» dep ataidy. Onyń «prezidenttiń áieli bolsa da, áieldiń aty - áiel» degen sózderi aqparat quraldary arqyly tarap ketken. Áliev kóbinese áieldi «otbasyndaǵy mahabbattyń, garmoniianyń, tynyshtyqtyń kepili» retinde sipattaidy.
Mehriban Álieva - Ilham Álievtiń jubaiy ári orynbasary
Qalai bolǵanda da Ázerbaijandy bilep otyrǵan Álievter áýleti burynǵy Sovet Odaǵyndaǵy repressiialyq rejimdi saqtap qalǵan, eldegi aqparat quraldary bostandyǵyn shekteý, sybailas jemqorlyq pen halyqty qysyp ustaý jaǵynan aimaqta top bastap tur.
2009 jyly Ázerbaijan biligi konstitýtsiiaǵa ózgeris engizip, prezident merzimine qatysty shekteý alynyp tastaldy. 55 jastaǵy Álievtiń resýrstarǵa bai eldiń máńgi prezidenti bolýyna tehnikalyq turǵyda jol ashyq tur. Al sarapshylar Ilham Álievtiń de ýaqyt óte áýlet dástúrin saqtap, bilikti otbasy músheleriniń birine tapsyratynyn aitady.
Mehriban men Ilham Álievterdiń eki qyzy men bir uly bar.
