ٸشكٸ ٸستەر مينيسترٸنٸڭ ورىنباسارى الەكسەي كالايچيدي مينيسترلٸك "اسىل ارنا" تەلەارناسىنىڭ ديرەكتورى, ايتىسكەر اقىن مۇحامەدجان تازابەكتٸڭ "پوليتسەيلەرگە ۋاعىز جٷرگٸزۋ" فاكتٸسٸن تەكسەرٸپ جاتىر دەپ حابارلادى.
بۇعان دەيٸن ينتەرنەتتە تازابەكتٸڭ پوليتسەيلەرگە ٷلكەن زالدا لەكتسييا وقىپ جاتقانى تۋرالى ۆيدەو تاراپ, قوعامدا قىزۋ تالقىلانعان. ۆيدەودا تازابەك "قوعام تىنىشتىعى" جايلى سٶز قوزعاپ, پوليتسەيلەردٸڭ زاڭ بۇزعانداردى قاتاڭ جازالاۋى سيياقتى شەتەل تەجٸريبەسٸنەن مىسال دا كەلتٸرەدٸ.
"ەربٸر مەملەكەتتٸك ورگاننىڭ اقپاراتتىق جۇمىس جٷرگٸزۋ جوسپارى بولادى. ولار سۇحبات ٶتكٸزۋگە لايىقتى دەپ تاپقان قوعام قايراتكەرلەرلەرٸن شاقىرادى. ال ناقتى جاعدايدا قازٸر بٸز بۇل كەزدەسۋدٸڭ ماڭىزدىلىعىن, مازمۇنىن, فورماتىن تەكسەرٸپ جاتىرمىز. باعا بەرگەننەن كەيٸن شەشٸم قابىلدايمىز. تەكسەرۋ اياقتالمايىنشا, تٷسٸنٸكتەمە بەرمەيمٸن" دەدٸ كالايچيدي بەيسەنبٸ كٷنٸ سەنات وتىرىسىنان كەيٸن جۋرناليستەرگە.
ەلەۋمەتتٸك جەلٸدە قىزۋ تالقىلانعان ۆيدەودان كەيٸن كەيبٸر ساراپشىلار “دٸن ساياساتقا ارالاسىپ وتىر” دەگەن قاۋٸپ ايتقان. كەيبٸر ەلەۋمەتتٸك جەلٸ قولدانۋشىلارى تازابەك "ەل تىنىشتىعىن ويلاپ وتىر" دەپ قولداسا, كەيبٸرٸ "دٸندٸ ساياسات پەن جاعىمپازدىققا ارالاستىرۋعا بولمايدى" دەپ ايىپتاعان.
ال مۇحامەدجان تازابەكتٸڭ ٶزٸ Facebook-تاعى پاراقشاسىندا "لەكتسييا مازمۇنى بۇرمالانعانىن" ايتىپ, مۇنى "كەزەكتٸ جالا" دەپ اتادى. بۇل داۋدان كەيٸن دە قازاقستاننىڭ كەيبٸر مەكتەپتەرٸندە "تازابەك لەكتسييالارى" ٶتەتٸنٸ تۋرالى حابارلامالار تارادى.
