عىلىم جەنە جوعارى بٸلٸم مينيسترٸ ساياسات نۇربەك 1-شٸ كۋرس ستۋدەنتتەرٸنە ٷش كەڭەسٸن بەردٸ, دەپ حابارلايدى Kazinform.
مينيستر ەڭ الدىمەن وقۋ پروتسەسٸن رەتتەپ الۋدى ۇسىنادى.
«بٸرٸنشٸسٸ — وقۋ پروتسەسٸ. سونى اياققا تۇرعىزىپ الىڭىز. وسى قاتەنٸ كٶپ ادام جاسايدى, مەن دە جاسادىم — جاڭا قالاعا كەلٸپ جوعالىپ كەتتٸك. بٸرٸنشٸ جىل ٶتە ماڭىزدى. وقۋ پروتسەسٸن ەۋ باستان دۇرىس جولعا قويماساڭىزدار, ودان كەيٸن قوردالانىپ قالادى, ەكٸنشٸ, ٷشٸنشٸ سەمەستردە قيىن بولادى», — دەيدٸ مينيستر.
ساياسات نۇربەك ايتقان ەكٸنشٸ كەڭەس — اقپاراتپەن جۇمىس ٸستەۋ داعدىسىن قالىپتاستىرۋ.
«قازٸر اقپارات ٶتە كٶپ. كەز كەلگەن دەرٸستەن شىققان سوڭ, بٸرنەشە سلايد, بٸرنەشە كٸتاپ پەن سٸلتەمە بولادى. ونى جٷيەگە كەلتٸرەتٸن ٶز تەرتٸبٸڭٸز بولۋى كەرەك. سوندىقتان تسيفرلىق تەرتٸپ نەمەسە تسيفرلىق قاۋٸپسٸزدٸك ٶتە ماڭىزدى. ٷشٸنشٸ كەڭەس — دەنساۋلىق. تاماعىڭىزدى, كٷندٸك تەرتٸبٸڭٸزدٸ, دەنساۋلىعىڭىزدى, سۋ مەن تاماق ساپاسىن مۇقييات قاراڭىز. سٸزدٸڭ دەنساۋلىعىڭىز — تەك قانا سٸزدٸڭ جاۋاپكەرشٸلٸگٸڭٸز», — دەيدٸ عىلىم مينيسترٸ.
ايتا كەتەيٸك, 2024-2025 وقۋ جىلىندا گرانت سانى 94 مىڭنان استى.
ونىڭ ٸشٸندە 78 مىڭ گرانت — باكالاۆريات ستۋدەنتتەرٸنە, 13 مىڭ گرانت — ماگيستراتۋراعا بەرٸلسە, 3 مىڭ گرانت بولاشاق دوكتورانتتارعا قاراستىرىلعان.
