Ǵylym jáne joǵary bilim ministri Saiasat Nurbek 1-shi kýrs stýdentterine úsh keńesin berdi, dep habarlaidy Kazinform.
Ministr eń aldymen oqý protsesin rettep alýdy usynady.
«Birinshisi — oqý protsesi. Sony aiaqqa turǵyzyp alyńyz. Osy qateni kóp adam jasaidy, men de jasadym — jańa qalaǵa kelip joǵalyp kettik. Birinshi jyl óte mańyzdy. Oqý protsesin áý bastan durys jolǵa qoimasańyzdar, odan keiin qordalanyp qalady, ekinshi, úshinshi semestrde qiyn bolady», — deidi ministr.
Saiasat Nurbek aitqan ekinshi keńes — aqparatpen jumys isteý daǵdysyn qalyptastyrý.
«Qazir aqparat óte kóp. Kez kelgen dáristen shyqqan soń, birneshe slaid, birneshe kitap pen silteme bolady. Ony júiege keltiretin óz tártibińiz bolýy kerek. Sondyqtan tsifrlyq tártip nemese tsifrlyq qaýipsizdik óte mańyzdy. Úshinshi keńes — densaýlyq. Tamaǵyńyzdy, kúndik tártibińizdi, densaýlyǵyńyzdy, sý men tamaq sapasyn muqiiat qarańyz. Sizdiń densaýlyǵyńyz — tek qana sizdiń jaýapkershiligińiz», — deidi Ǵylym ministri.
Aita keteiik, 2024-2025 oqý jylynda grant sany 94 myńnan asty.
Onyń ishinde 78 myń grant — bakalavriat stýdentterine, 13 myń grant — magistratýraǵa berilse, 3 myń grant bolashaq doktoranttarǵa qarastyrylǵan.
