گرۋزييا ٷكٸمەتٸ ۋكراينانىڭ ميحايل سااكاشۆيليگە قىزمەت ۇسىنۋىنا نارازىلىق بٸلدٸرٸپ, بۇل ەكٸ ەلدٸڭ قارىم-قاتىناسىنا كەرٸ ەسەر ەتۋٸ مٷمكٸن دەپ مەلٸمدەدٸ.
گرۋزييانىڭ پرەمەر-مينيسترٸ گەورگيي گاحارييا 24 سەۋٸردە تۋعان جەرٸندە "بيلٸك ٶكٸلەتٸن اسىرا پايدالاندى" دەپ ايىپتالىپ, ٸزدەۋ جارييالانعان ادامعا ۋكراينانىڭ جوعارى قىزمەت ۇسىنۋى "اقىلعا قونبايتىن ەرەكەت" دەدٸ.
ال گرۋزييانىڭ بۇرىنعى پرەزيدەنتٸ, ودەسسا وبلىسىنىڭ بۇرىنعى باسشىسى ميحايل سااكاشۆيلي ۋكراينا پرەمەر-مينيسترٸنٸڭ رەفورما جٶنٸندەگٸ ورىنباسارى بولۋعا كەلٸستٸ. بۇل تۋرالى ۋكراينالىق "سلۋگا نارودا" پارتيياسى ٶكٸلدەرٸمەن كەزدەسۋ كەزٸندە سااكاشۆيليدٸڭ ٶزٸ ايتتى.
سااكاشۆيليدٸڭ سٶزٸنە قاراعاندا, ول ٶزگە مەسەلەلەرمەن قاتار حالىقارالىق ۆاليۋتا قورىمەن بايلانىس مەسەلەسٸنە جاۋاپتى بولادى. گرۋزييانىڭ بۇرىنعى پرەزيدەنتٸ ەل ەكونوميكالىق داعدارىسقا ۇشىراعان كەزدە ٷكٸمەتپەن جۇمىستى نىعايتۋعا كٷش سالاتىنىن ايتتى.
"ۋكراينا ەكونوميكاسىن قۇتقارىپ قانا قويماي, ەربٸر وتباسىنا داعدارىستىڭ ىقپالىن ازايتۋ ٷشٸن ەرەكشە قادامدار جاساۋعا تۋرا كەلەدٸ" دەدٸ سااكاشۆيلي جۋرناليستەرگە. ول رادادا ٶزٸنٸڭ باعدارلاماسىن تانىستىرۋعا ۋەدە بەردٸ.
سااكاشۆيليدٸڭ كانديداتۋراسىن ۋكراينا پارلامەنتٸ ماقۇلداۋى تيٸس. داۋىس بەرۋ ايدىڭ سوڭىنا دەيٸن ٶتۋٸ مٷمكٸن. "سلۋگا نارودا" پارتيياسىنىڭ ٶكٸلدەرٸ بۇل مەسەلە بويىنشا فراكتسييادا ەزٸرگە ورتاق شەشٸم جوق ەكەنٸن ايتتى.
ديپلوماتتار سٶزٸنە سٷيەنگەن اقپارات قۇرالدارىنىڭ جازۋىنشا, گرۋزييا ۋكرايناداعى ەلشٸسٸ تەيمۋراز شاراشەنيدزەنٸ ەلگە قايتارعان.
22 سەۋٸردە ۋكراينا پرەزيدەنتٸ ۆلاديمير زەلەنسكييدٸڭ ميحايل سااكاشۆيليگە ۆيتسە-پرەمەر قىزمەتٸن ۇسىنعانى تۋرالى بەلگٸلٸ بولعان ەدٸ.
2015 جىلى سااكاشۆيلي ۋكراينا ازاماتتىعىن الىپ, سول كەزدەگٸ پرەزيدەنت پەتر پوروشەنكونىڭ جارلىعىمەن ودەسسا وبلىسىنىڭ باسشىلىعىنا تاعايىندالعان بولاتىن. وسىدان كەيٸن گرۋزييا «قوس ازاماتتىققا جول بەرٸلمەيدٸ» دەگەن ۋەجبەن سااكاشۆيليدٸ گرۋزييا ازاماتتىعىنان ايىردى.
پوروشەنكو پەن سااكاشۆيلي قاتىناسى 2016 جىلى جەمقورلىقپەن كٷرەس جەنە رەفورما جاساۋ تۋرالى باستامالاردان كەيٸن بۇزىلىپ, قاراشا ايىندا سااكاشۆيلي قىزمەتٸنەن بوساتىلدى. 2017 جىلى شٸلدە ايىندا سااكاشۆيلي «جاڭا كٷشتەر رۋحى» (ۋكراين تٸلٸندە: رۋح نوۆيح سيل – رەد.) دەپ اتالاتىن وپپوزيتسييالىق پارتييا قۇرعان سوڭ پوروشەنكونىڭ جارلىعىمەن ۋكراينا ازاماتتىعىنان ايىرىلعان.
بىلتىر مامىر ايىندا ۋكراينانىڭ جاڭا پرەزيدەنتٸ ۆلاديمير زەلەنسكيي سااكاشۆيليگە ۋكراينا ازاماتتىعىن قايتارىپ بەرگەن.
