IBF/IBO نۇسقاسى بويىنشا ورتا سالماقتاعى ەلەم چەمپيونى گەنناديي گولوۆكين (40-1-1,35 كو) قارسىلاسى كاميل شەرەمەتانى (21-0, 5 كو) تەحنيكالىق نوكاۋتپەن جەڭدٸ, دەپ حابارلايدى "ۇلت اقپارات".
گولوۆكين-شەرەمەتا جەكپە-جەگٸ تارتىستى ٶتتٸ دەپ ايتۋعا كەلمەيدٸ. 1 جەنە 2-راۋندتا-اق گەننادييدٸڭ اۋىر سوققىسىنان كاميل نوكداۋن الىپ قالدى.
ال ٷشٸنشٸ راۋندتا گولوۆكين شابۋىل قارقىنىن تٶمەندەتٸپ, قارسىلاسىنىڭ جۇدىرىقتاسۋىنا مٷمكٸندٸك بەرگەندەي كٶرٸندٸ.
تٶرتٸنشٸ جەنە جەتٸنشٸ راۋندتاردا پولشا بوكسشىسى اۋىر سوققى الىپ, تٶرەشٸ ەسەپ اشتى.
ال 8-راۋند باستالار الدىندا كاميل شەرەمەتانىڭ باپكەرلەرٸ بوكسشىسىن شارشى الاڭعا شىعارۋدان باس تارتتى. وسىلايشا, گەنناديي گولوۆكين كەزەكتٸ جەڭٸسٸنە قول جەتكٸزٸپ, 21-مەرتە چەمپيوندىق بەلبەۋٸن قورعاپ قالدى.
جەكپە-جەكتەن سوڭ جەرلەس سپورتشى قازاقستاندىقتاردى تەۋەلسٸزدٸك كٷنٸمەن قۇتتىقتادى.
ەسكە سالساق, بۇل جەكپە-جەكتە IBF جەنە IBO نۇسقالارى بويىنشا ورتا سالماقتاعى ەلەم چەمپيونىنىڭ تيتۋلى ساراپقا سالىندى.
گولوۆكين كەسٸبي كارەراسىندا بۇعان دەيٸن 40 كەزدەسۋ ٶتكٸزدٸ, 38-ٸندە جەڭٸسكە جەتتٸ (35 نوكاۋتپەن). ساۋل الۆارەسپەن بٸر جەكپە-جەگٸندە ەسەپ تەڭ بولدى. بۇدان سوڭ دەل وسى بوكسشىدان جەڭٸلدٸ.
كاميل شەرەمەتا 21 جەكپە-جەك ٶتكٸزٸپ, بەرٸندە باسىم تٷسكەن. بەسەۋٸندە قارسىلاسىن نوكاۋتقا تٷسٸردٸ.
