© AP Photo/Martin Meissner
گەرمانييانىڭ مۇناي-گاز ٶندٸرۋشٸ Wintershall Dea كونتسەرنٸ رەسەي نارىعىنان كەتەتٸنٸن مەلٸمدەدٸ.
"رەسەيدە بيزنەستٸ جالعاستىرۋ اقىلعا قونىمدى شارۋا دەپ ويلايمايمىز. باسقىنشىلىق - قۇندىلىقتارىمىزعا سەيكەس كەلمەيدٸ. ول ەۋروپا پەن رەسەي ىنتىماقتاستىعىنا سەلكەۋ تٷسٸردٸ" - دەدٸ كومپانييانىڭ باس ديرەكتورى ماريو مەرەن.
كونتسەرن ٶكٸلدەرٸنٸڭ ايتۋىنشا, رەسەي ٷكٸمەتٸ ەلدەگٸ باتىس كومپانييالارىنىڭ قىزمەتٸن شەكتەگەن. سونىڭ سالدارىنان Wintershall Dea-نٸڭ رەسەيدەگٸ اكتيۆتەرٸ "ٸس جٷزٸندە تونالعان". ال ودان كەلگەن شىعىن 5 ملرد ەۋرودان اسادى.
كٶكتەمدە Wintershall Dea باسشىلىعى رەسەي باسقىنشىلىعىنا قاراماستان, رەسەيدەگٸ اكتيۆتەرٸن ساقتاپ, "گازپروممەن" ىنتىماقتاستىقتى جالعاستىرۋعا بەكٸنگەن. سەبەبٸ رەسەي نارىعىنان تولىق كەتسە, كومپانييا "ميللياردتاعان شىعىنعا ۇشىرايدى" دەپ ويلاعان.
الايدا Wintershall Dea كەيٸنٸرەك داۋعا ٸلٸكتٸ. كونتسەرن رەسەيلٸك "گازپرومعا" ەسكەري ۇشاقتارىنا ارنالعان كوندەنسات تاسىمالدادى دەپ ايىپتالدى. مۇناي-گاز كومپانيياسى ايىپتى تەرٸستەدٸ.
2022 جىلدىڭ 24 اقپانىندا رەسەي ۋكرايناعا باسىپ كٸردٸ. سول كەزدەن بەرٸ اقش پەن ەۋروپا ەلدەرٸ رەسەيلٸك كومپانييالارمەن ىنتىماقتاستىققا تىيىم سالاتىن نەمەسە شەكتەيتٸن سانكتسييالاردى تۇراقتى تٷردە ەنگٸزٸپ كەلەدٸ.
باسقىنشىلىققا جاۋاپ رەتٸندە شەتەلدٸك كومپانييالاردىڭ شامامەن 42 پايىزى رەسەي نارىعىنان كەتەتٸنٸن مەلٸمدەگەن. 40 پايىزى قازٸر جۇمىس ٸستەپ جاتىر, قالعانى ەلدەگٸ قىزمەتٸن توقتاتقان نەمەسە شەكتەگەن.
