گەرمانييادا قازا تاپقان قازاقستاندىق بۇرىنعى سۋديا ايگٷل سايلىباەۆانىڭ تۋىستارى مەن قورعاۋشىلارى قىلمىستىق ٸسكە قاتىستى جاڭا مەلٸمەتتەردٸ جارييالادى, دەپ حابارلايدى ult.kz.
مارقۇمنىڭ اناسى شولپان باتقالوۆا مەن ادۆوكات جاننا ورازباحوۆانىڭ ايتۋىنشا, ەيەلگە قاتىستى اسا اۋىر زورلىق-زومبىلىق بەلگٸلەرٸ انىقتالعان. ولاردىڭ پٸكٸرٸنشە, قىلمىس ونىڭ كٷيەۋٸمەن بٸرگە تۇرعان پەتەردە جاسالۋى مٷمكٸن.
قورعاۋشى تاراپتىڭ مەلٸمەتٸنشە, تەرگەۋ بارىسىندا پەتەر مەن جەرتٶلەدەن ماڭىزدى ايعاقتار تابىلعان. ادۆوكاتتار بۇل دەرەكتەر قىلمىستىڭ مەن-جايىن انىقتاۋعا كٶمەكتەسۋٸ مٷمكٸن دەپ ەسەپتەيدٸ.
سونداي-اق جەبٸرلەنۋشٸ تاراپ ايگٷل سايلىباەۆانىڭ كٷيەۋٸ مەن ەنەسٸنٸڭ قىلمىسقا قاتىسى بولۋى مٷمكٸن دەگەن بولجامىن ايتتى. الايدا بۇل تۇجىرىمدار ەزٸرگە سوتپەن دەلەلدەنبەگەن.
مارقۇمنىڭ اعاسى جانات سايلىباەۆ ەيەلدٸڭ دەنەسٸ ٸزدەستٸرۋ جۇمىستارى بارىسىندا تابىلعانىن ايتىپ, كەيٸن ونىڭ جەكە باسى ساراپتاما ارقىلى راستالعانىن جەتكٸزدٸ.
ەسكە سالساق, 2024 جىلدىڭ ماۋسىم ايىندا گەرمانييادا تۇراتىن قازاقستاندىق ايگٷل سايلىباەۆانىڭ جوعالىپ كەتكەنٸ تۋرالى حابار تاراعان بولاتىن. كەيٸن ونىڭ دەنەسٸ بەنسحايم قالاسىنىڭ ماڭىنان تابىلدى.
ادام ٶلتٸرۋ فاكتٸسٸ بويىنشا گەرمانييادا قىلمىستىق ٸس قوزعالدى. گەرمانييا قۇقىق قورعاۋ ورگاندارىنىڭ مەلٸمەتٸنشە, مارقۇمنىڭ ەنەسٸ ناتاليا دونتسوۆا كٷدٸكتٸ رەتٸندە تانىلىپ, وعان حالىقارالىق دەڭگەيدە ٸزدەۋ جارييالانعان.
قازاقستاننىڭ قۇقىق قورعاۋ ورگاندارى دا ٸس بويىنشا تەرگەۋ جٷرگٸزٸپ جاتىر. مارقۇمنىڭ تۋىستارى كٷدٸكتٸلەردٸڭ جاۋاپقا تارتىلۋىن تالاپ ەتۋدە.
