قاراشانىڭ 30-ى كٷنٸ بۋەنوس-ايرەستە "ٷلكەن جيىرمالىق" (G20) ليدەرلەرٸنٸڭ سامميتٸ باستالدى. حالىقارالىق اقپارات اگەنتتٸكتەرٸ سامميتتٸڭ اشىلۋىندا G20 ليدەرلەرٸنٸڭ بٸرٸگٸپ سۋرەتكە تٷسۋٸ كەزٸندە اقش پرەزيدەنتٸ دونالد ترامپ پەن رەسەي پرەزيدەنتٸ ۆلاديمير پۋتين بٸر-بٸرٸمەن قول الىسپادى دەپ حابارلادى.
ترامپ پوديۋمعا بٸرٸنشٸ بولىپ كٶتەرٸلگەن پۋتيننٸڭ جانىنان ٶتكەندە ول تۇرعان جاققا قاراپ, بٸراق سەلەمدەسپەي ٶتە شىقتى دەپ حابارلايدى اگەنتتٸكتەر. رەسەي پرەزيدەنتٸنٸڭ باسپاسٶز حاتشىسى دميتريي پەسكوۆ ەكٸ پرەزيدەنت تە امانداستى, بٸراق سٶيلەسۋگە ۋاقىتتارى بولمادى دەيدٸ.
دونالد ترامپ ساۋد ارابيياسىنىڭ تاق مۇراگەرٸ مۇحاممەد بين سالمانمەن دە امانداسپاي, ونىڭ قاسىنان ٶتٸپ كەتكەن. پۋتين مەن سالمان قول الىسىپ, كٷلٸمسٸرەپ امانداسقان.
سامميت قارساڭىندا اقش پرەزيدەنتٸ ترامپ كەرچ بۇعازىنداعى وقيعا تۋرالى دەرەكتەرمەن تانىسقاننان كەيٸن رەسەي پرەزيدەنتٸ پۋتينمەن G20 سامميتٸندە كەزدەسۋ ٶتكٸزۋدەن باس تارتقانى تۋرالى مەلٸمدەگەن. اقش سەناتى رەسەيدٸڭ كەرچ بۇعازىندا ۋكرايناعا قارسى "ارانداتۋ سيپاتىنداعى ٸس-قيمىلىن" ايىپتايتىن قارار قابىلداعان. قاراشانىڭ 25-ٸ كٷنٸ رەسەي شەكاراشىلارى قىرىم جاعالاۋىندا ۋكراينانىڭ ٷش ەسكەري كەمەسٸنە وق اتىپ, ەكيپاجىمەن قوسا تۇتقىنداعان.
ەلەمدٸك ۇلتتىق جالپى ٶنٸمنٸڭ شامامەن 85 پايىزى, ەلەمدٸك ساۋدانىڭ 75 پايىزى "ٷلكەن جيىرمالىققا" ەنەتٸن اۆسترالييا, اقش, ارگەنتينا, برازيلييا, ۇلىبريتانييا, گەرمانييا, ٷندٸستان, يندونەزييا, يتالييا, كانادا, قىتاي, مەكسيكا, رەسەي, ساۋد ارابيياسى, تٷركييا, فرانتسييا, وڭتٷستٸك كورەيا, وڭتٷستٸك افريكا رەسپۋبليكاسى, سونىمەن بٸرگە ەۋروپا وداعىنىڭ ٷلەسٸنە تيەدٸ. ەلەم تۇرعىندارىنىڭ ٷشتەن ەكٸسٸ وسى ەلدەردە تۇرادى.
