«بٷگٸندە ەلەمدٸك ەكونوميكانى جانداندىرۋ باعىتىنداعى ساپالى شارالار رەتٸندە جاڭا يندۋسترييالىق تٶڭكەرٸسكە, ساندىق ەكونوميكا مەن يننوۆاتسيياعا باسىمدىق جاساۋ ۇسىنىلادى. بۇل امالدى تولىعىمەن قولدايمىن. بۇل مٸندەتتٸ جٷزەگە اسىرۋ ينكليۋزيۆتٸ ۇستانىمدا عانا مٷمكٸن بولماق. «G-20» مەن دامۋشى ەلدەردٸڭ اراسىنداعى سۇحبات ورتالىعىن ايقىنداپ الۋ قاجەت. بٸر نۇسقا رەتٸندە قازاقستاندا قۇرىلىپ, بارلىق قاتىسۋشىلارى ٷشٸن اشىق G-Global اقپاراتتىق-كوممۋنيكاتيۆتٸك الاڭىن ۇسىنامىن. بۇل الاڭ 140 ەلدٸڭ 30 مىڭنان استام ساراپشىسىنىڭ باسىن قوسادى», - دەدٸ ەلباسى سامميتتٸڭ بٸرٸنشٸ سەسسيياسىنىڭ اشىلۋىندا سٶيلەگەن سٶزٸندە.
مەملەكەت باسشىسى قحر تٶراعاسى سي تسزينپيندٸ سامميتكە شاقىرعانى ٷشٸن جەنە حانچجوۋ قالاسىندا قوناقجايلىلىق كٶرسەتكەنٸ ٷشٸن ريزاشىلىعىن بٸلدٸردٸ.
قر پرەزيدەنتٸنٸڭ اتاپ ٶتۋٸنشە, وسى جولعى «G-20» سامميتٸ ٶتە قيىن كەزەڭدە ٶتٸپ وتىر ەرٸ زور ٷمٸت كٷتتٸرەدٸ. ٶيتكەنٸ, ەلەمدٸك ەكونوميكانىڭ ٶسٸمٸ, ساۋدا كٶلەمٸ, كاپيتال قوزعالىسى قارقىنى تٶمەندەۋ ٷستٸندە. بۇل ميلليونداعان ادامنىڭ ەل-اۋقاتىنا ەسەر ەتۋدە.
"جاھاندىق مەسەلەلەردٸ شەشۋ جولدارى"
«جاڭا ترانسقۇرلىقتىق ساۋدا-ينۆەستيتسييالىق بٸرلەستٸك قۇرۋ دسۇ رٶلٸن تٶمەندەتۋگە جەنە ەلەمدٸك ەكونوميكانىڭ بٶلٸنۋٸنە ەكەلۋٸ ىقتيمال. بۇل ٷدەرٸستەر ەلەمدٸك نارىققا ىقپال ەتۋ جولىنداعى كٷرەستٸڭ جاڭا كەزەڭٸنٸڭ باستاۋى بولۋى دا مٷمكٸن. جاھاندىق دامۋ جٷرٸپ ٶتەتٸن جول كٶپ جاعدايدا بارلىق ەلەمدٸك قوعامداستىق ٸس-قيمىلىنىڭ رەتتٸلٸگٸنە بايلانىستى», - دەپ اتاپ ٶتتٸ ن.نازارباەۆ.
«بٸزدٸڭ كٶزقاراسىمىزشا, ەكونوميكا مەن قارجىنى جاھاندىق رەتتەۋدە بٸرىڭعاي جاھاندىق ۇيىم جەتەكشٸ رٶلگە يە بولۋى تيٸس. مۇنداي قۇرىلىمدى بۇۇ-نىڭ ەكونوميكالىق جەنە ەلەۋمەتتٸك كەڭەسٸن جاھاندىق دامۋ كەڭەسٸ دە قايتا قۇرۋ جولىمەن جاساقتاۋعا بولادى. وعان جاھاندىق ەكونوميكالىق رەتتەۋشٸ قىزمەتٸ جٷكتەلۋٸ قاجەت», - دەدٸ ەلباسى.
ن.نازارباەۆتىڭ پايىمىنشا, مونەتارلىق جەنە فيسكالدىق ساياساتتى ٷيلەستٸرۋ, قۇرىلىمدىق رەفورمالاردى تٷبەگەيلٸ جٷرگٸزۋ قاجەت. بٸراق, ول ۇزاقمەرزٸمدٸ پرەسپەكتيۆادا تۇراقتىلىقتى قامتاماسىز ەتۋ ٷشٸن جەتكٸلٸكسٸز.
«دامۋشى ەلدەردٸ قوسا العاندا بٷكٸل ەلەمدە ايىرباس كۋرسىن تۇراقتاندىرۋ بويىنشا بارىنشا ەلەۋلٸ ۇسىنىستار ەزٸرلەۋ كەرەك», - دەپ اتاپ ٶتتٸ مەملەكەت باسشىسى.
ەلباسى قازاقستان قازٸرگٸ ۋاقىتتاعى ەڭ ٶتكٸر مەسەلەلەردٸ شەشۋدەگٸ ٶز كٶزقاراسىن «ەلەم. ححٸ عاسىر» مانيفەسٸندە ۇسىنعانىن ەسكە سالىپ, «G20» تارابىنان يادرولىق قارۋدان جەنە ٶزگە دە جاپپاي قىرىپ-جويۋ قارۋىنان ازات ەلەم قۇرۋدا ەرٸ مانيفەست يدەيالارىن جٷزەگە اسىرۋدا قولداۋ بولاتىندىعىنا سەنٸم ارتاتىندىعىن باسا ايتتى.
«تەرروريزمدٸ تولىعىمەن جەڭۋ ٷشٸن G20-نىڭ بارلىق مٷشەلەرٸنٸڭ جەنە باسقا مٷددەلٸ ەلدەردٸڭ كٷشٸن بٸرٸكتٸرۋ جاقسى باستاما بولار ەدٸ. مۇنى بارشا ەلەمدٸك قوعامداستىق كٷتٸپ وتىر», - دەدٸ ن.نازارباەۆ.
"ەلٸمٸز ٷشٸن ەلەۋلٸ "ەكسپو-2017"
سونىمەن قاتار, ەلباسى نۇرسۇلتان نازارباەۆ «G-20» سامميتٸندە بارلىق مەملەكەتتەردٸ «ەكسپو-2017» حالىقارالىق مامانداندىرىلعان كٶرمەسٸنە بەلسەندٸ قاتىسۋعا شاقىرىپ, ونىڭ اياسىندا ٷلكەن جيىرمالىقتىڭ قامقورلىعىمەن ارنايى شارا ٶتكٸزۋدٸ ۇسىندى.
«قازاقستان بۇۇ-نىڭ تۇراقتى دامۋ ماقساتتارىن, پاريج كەلٸسٸمٸن جەنە «جاسىل ەكونوميكا» ۇستانىمدارىن جٷزەگە اسىرۋعا بەلسەندٸ جەردەمٸن بەرەدٸ. وعان 2017 جىلى استانادا «بولاشاق ەنەرگيياسى» تاقىرىبىمەن ٶتەتٸن «ەكسپو» حالىقارالىق كٶرمەسٸ دە سەپتٸگٸن تيگٸزەدٸ. مۇنىمەن قاتار بٸز «استانا» حالىقارالىق قارجى ورتالىعىن قۇرامىز. بارلىق مەملەكەتتەردٸ استاناداعى «ەكسپو» كٶرمەسٸنە بەلسەندٸ قاتىسۋعا شاقىرامىن. ونىڭ اياسىندا «G-20» قامقورلىعىمەن سەيكەسٸنشە ٸس-شارالار ٶتٸزۋگە دە بولار ەدٸ», - دەدٸ قر پرەزيدەنتٸ.
