«Búginde álemdik ekonomikany jandandyrý baǵytyndaǵy sapaly sharalar retinde jańa indýstriialyq tóńkeriske, sandyq ekonomika men innovatsiiaǵa basymdyq jasaý usynylady. Bul amaldy tolyǵymen qoldaimyn. Bul mindetti júzege asyrý inkliýzivti ustanymda ǵana múmkin bolmaq. «G-20» men damýshy elderdiń arasyndaǵy suhbat ortalyǵyn aiqyndap alý qajet. Bir nusqa retinde Qazaqstanda qurylyp, barlyq qatysýshylary úshin ashyq G-Global aqparattyq-kommýnikativtik alańyn usynamyn. Bul alań 140 eldiń 30 myńnan astam sarapshysynyń basyn qosady», - dedi Elbasy sammittiń birinshi sessiiasynyń ashylýynda sóilegen sózinde.
Memleket basshysy QHR Tóraǵasy Si Tszinpindi sammitke shaqyrǵany úshin jáne Hanchjoý qalasynda qonaqjailylyq kórsetkeni úshin rizashylyǵyn bildirdi.
QR Prezidentiniń atap ótýinshe, osy jolǵy «G-20» sammiti óte qiyn kezeńde ótip otyr ári zor úmit kúttiredi. Óitkeni, álemdik ekonomikanyń ósimi, saýda kólemi, kapital qozǵalysy qarqyny tómendeý ústinde. Bul milliondaǵan adamnyń ál-aýqatyna áser etýde.
"Jahandyq máselelerdi sheshý joldary"
«Jańa transqurlyqtyq saýda-investitsiialyq birlestik qurý DSU rólin tómendetýge jáne álemdik ekonomikanyń bólinýine ákelýi yqtimal. Bul úderister álemdik naryqqa yqpal etý jolyndaǵy kúrestiń jańa kezeńiniń bastaýy bolýy da múmkin. Jahandyq damý júrip ótetin jol kóp jaǵdaida barlyq álemdik qoǵamdastyq is-qimylynyń rettiligine bailanysty», - dep atap ótti N.Nazarbaev.
«Bizdiń kózqarasymyzsha, ekonomika men qarjyny jahandyq retteýde biryńǵai jahandyq uiym jetekshi rólge ie bolýy tiis. Mundai qurylymdy BUU-nyń ekonomikalyq jáne áleýmettik keńesin Jahandyq damý keńesi de qaita qurý jolymen jasaqtaýǵa bolady. Oǵan Jahandyq ekonomikalyq retteýshi qyzmeti júktelýi qajet», - dedi Elbasy.
N.Nazarbaevtyń paiymynsha, monetarlyq jáne fiskaldyq saiasatty úilestirý, qurylymdyq reformalardy túbegeili júrgizý qajet. Biraq, ol uzaqmerzimdi prespektivada turaqtylyqty qamtamasyz etý úshin jetkiliksiz.
«Damýshy elderdi qosa alǵanda búkil álemde aiyrbas kýrsyn turaqtandyrý boiynsha barynsha eleýli usynystar ázirleý kerek», - dep atap ótti Memleket basshysy.
Elbasy Qazaqstan qazirgi ýaqyttaǵy eń ótkir máselelerdi sheshýdegi óz kózqarasyn «Álem. HHI ǵasyr» Manifesinde usynǵanyn eske salyp, «G20» tarabynan iadrolyq qarýdan jáne ózge de jappai qyryp-joiý qarýynan azat álem qurýda ári Manifest ideialaryn júzege asyrýda qoldaý bolatyndyǵyna senim artatyndyǵyn basa aitty.
«Terrorizmdi tolyǵymen jeńý úshin G20-nyń barlyq músheleriniń jáne basqa múddeli elderdiń kúshin biriktirý jaqsy bastama bolar edi. Muny barsha álemdik qoǵamdastyq kútip otyr», - dedi N.Nazarbaev.
"Elimiz úshin eleýli "EKSPO-2017"
Sonymen qatar, Elbasy Nursultan Nazarbaev «G-20» sammitinde barlyq memleketterdi «EKSPO-2017» halyqaralyq mamandandyrylǵan kórmesine belsendi qatysýǵa shaqyryp, onyń aiasynda úlken jiyrmalyqtyń qamqorlyǵymen arnaiy shara ótkizýdi usyndy.
«Qazaqstan BUU-nyń turaqty damý maqsattaryn, Parij kelisimin jáne «jasyl ekonomika» ustanymdaryn júzege asyrýǵa belsendi járdemin beredi. Oǵan 2017 jyly Astanada «Bolashaq energiiasy» taqyrybymen ótetin «EKSPO» halyqaralyq kórmesi de septigin tigizedi. Munymen qatar biz «Astana» halyqaralyq qarjy ortalyǵyn quramyz. Barlyq memleketterdi Astanadaǵy «EKSPO» kórmesine belsendi qatysýǵa shaqyramyn. Onyń aiasynda «G-20» qamqorlyǵymen sáikesinshe is-sharalar ótizýge de bolar edi», - dedi QR Prezidenti.
