فرانتسييا پرەزيدەنتٸ ەممانۋەل ماكرون پرەمەر-مينيسترٸ ەدۋار فيليپپ پەن ٷكٸمەتتٸڭ وتستاۆكاعا كەتۋ تۋرالى ٶتٸنٸشٸن قاناعاتتاندىردى.
قازٸرگٸ مينيسترلەر كابينەتٸ جاڭا ٷكٸمەت تاعايىندالعانعا دەيٸن بۇرىنعى مٸندەتٸن اتقارا بەرەدٸ.
ٷكٸمەتتٸڭ اۋىساتىنى جايلى ەڭگٸمەلەردٸڭ ايتىلىپ جٷرگەنٸنە بٸراز بولدى. ەندٸ ەكٸ جىلدان كەيٸن پرەزيدەنتتٸك مەرزٸمٸ اياقتالاتىن ماكرون جاقىندا "جاڭا كوماندا" قۇرىلاتىنىن جارييا ەتكەن بولاتىن دەپ حابارلايدى Radio France Internationale. بۇعان كوروناۆيرۋس ٸندەتٸنٸڭ سالدارى دا سەبەپ بولعان.
كەي بولجامعا سٷيەنسەك, ماكرون قازٸر ٶز ساياساتىن ەلەۋمەتتٸك باعىتقا كٶبٸرەك بۇرىپ, ونىڭ كابينەتٸ ەڭ الدىمەن بيزنەستٸ قولداۋدى ماقسات تۇتادى دەگەن كٶزقاراستى جۇمسارتۋعا تىرىسادى.
ەدۋار فيليپپ پرەمەر-مينيستر قىزمەتٸنە قايتا تاعايىندالا ما, جوق پا, ەزٸرگە بەلگٸسٸز. ەليسەي سارايى (فرانتسييا پرەزيدەنتٸنٸڭ وتىراتىن جەرٸ – رەد.) جاڭا ٷكٸمەت جەتەكشٸسٸنٸڭ كٸم بولاتىنىن جاقىن ۋاقىتتا جارييالايتىنىن حابارلادى.
فيليپپ 2017 جىلدىڭ 15 مامىرىنان وسى ۋاقىتقا فرانتسييا پرەمەر-مينيسترٸ بولدى. ونىڭ الدىندا, 2010 جىلدان بەرٸ گاۆر قالاسىنىڭ مەرٸ بولدى. بيىل 28 ماۋسىمدا ەدۋار فيليپپ وسى قالا باسشىسىنىڭ سايلاۋىندا تاعى دا جەڭٸسكە جەتكەن.
