اۋزى باردىڭ بەرٸ ەنشٸ. داۋىستىڭ كەرەگٸ جوق. تٸپتٸ ٷي جانۋارلارىنىڭ دا داۋىسىن جازىپ الىپ, مۋزىكامەن سٷيەمەلدەپ, كەرەمەت حيت جاساپ جاتقاندار بار. بٷگٸندە تٸلٸ «ر»-عا ەرەڭ كەلەتٸن بالادان باستاپ ميكرافونعا جارماسادى.
نەشە تٷرلٸ كونكۋرستار ۇيىمداستىرىلعانىمەن, بٸرەن-سارانى بولماسا, بەيگەگە قاتىسۋشىلار دايىن فونوگراممالارىمەن بارادى. ال ەل ٸشٸندە دايىن فونوگراممانى قوسا سالىپ, اۋىزىن جىبىرلاتىپ اقشا تاۋىپ جٷرگەندەر قانشاما. تٸپتٸ, اتاعى دىرداي ەنشٸلەردٸڭ ٶزٸ ەل ٸشٸندەگٸ كونتسەرتتەردە ەندەرٸنٸڭ كٶبٸن فونوگراممامەن ورىندايدى.
تابىنۋشىلارى باس ۇرىپ جٷرگەن كەي ەنشٸنٸڭ تابيعي داۋىسىن ەستٸگەندە جىلاعىڭ كەلەدٸ. الاياقتىق دەگەن وسى ەمەس پە? ەگەر بٸرجان سال مەن ەستاي, ەسەت ەنشٸلەر تٸرٸلٸپ كەلٸپ قازٸرگٸ جۇرت كەرەمەت سانايتىن ەسترادا ەنشٸلەرٸنٸڭ بٸرەۋ تاقىمىنا قىل بۇراۋ سالىپ جاتقانداي شىڭعىرعان داۋىسى مەن «زىڭ-زىڭ», «بەلدۋ-بەلدۋ» دەگەن ماعناسىز سٶزگە قۇرىلعان ەندەرٸن, البا-جۇلبا نەمەسە جارتىلاي جالاڭاش تالعامسىز كيٸمدەرٸن, ەيەلدەرشە بويانعان تٷرلەرٸن كٶرسە دٷنيەدەن باز كەشٸپ كەتەر مە ەدٸ.
ەڭ سوراقىسى, ٶسٸپ كەلە جاتقان جاس ٶركەن «ٶنەر دەگەن وسىنداي حالتۋرا ەكەن عوي» دەپ قابىلدايتىن بولدى, سوعان ۇمتىلۋشىلار قاتارى ارتتى. ياعني, زاڭمەن توسقاۋىل قويماسا فونوگراممامەن حالىقتى الدايتىن الاياقتار سانى جىل ساناپ ارتا تٷسكەلٸ تۇر.
وسىنىڭ الدىن الۋ ماقساتىمەن سەنات دەپۋتاتى سەرسەنباي ەڭسەگەنوۆ تٶمەندەگٸ مەتٸندەگٸ دەپۋتاتتىق ساۋالىن جارييا ەتتٸ.
- ادامنىڭ بويىندا بيٸك پاراساتتىلىقتى, جوعارى تالعامدى, ەلٸ مەن جەرٸنە دەگەن ىستىق ىقىلاسىن قالىپتاستىرىپ, ونىڭ ەستەتيكالىق قاجەتتٸلٸكتەرٸ مەن مٷددەلەرٸن قاناعاتتاندىرۋعا باعىتتالعان مەدەني قۇندىلىقتاردىڭ ٸشٸندەگٸ ەڭ كەڭ تاراعانى – ەن. بۇل بارلىق حالىقتارعا تەن.
بٸزدٸڭ ەلٸمٸزدە دە ەن ٶنەرٸ حالىقتىڭ سۇرانىسىنا يە مۋزىكالىق شىعارما رەتٸندە جان-جاقتى دامۋدا.
عاسىرلار قويناۋىنان باستاۋ الاتىن حالىقتىق ەن مەن بٸرگە زاماناۋي ەندەر دە قاتار دامىپ قانات جايدى. تالاپتى ەرٸ تالانتتى جاس بۋىن ەنشٸلەر قالىپتاستى. حالىقتىڭ قۇرمەتٸنە بٶلەنگەن, شەت ەلدەرگە ەل اتىن شىعارعان حاس شەبەرلەر دە بار.
دەگەنمەن, قوعامدا وسى سالاعا, ەسٸرەسە ەسترادا جانرىنداعى ەنشٸلەردٸڭ ٶنەرٸنە, ەننٸڭ مەتٸنٸنە ورىندى سىندار ايتىلۋدا.
تۇرعىندارمەن كەزدەسۋلەردە ولار ەن ٶنەرٸنٸڭ بولاشاعىنا الاڭداۋشىلىقتارىن بٸلدٸرٸپ, بۇل سالانىڭ جەكەلەگەن تۇستارىن زاڭنامالىق تۇرعىدان رەتتەۋ تۋرالى ويلارىن ايتادى.
سونىڭ ٸشٸندە, ەنشٸنٸڭ شىنايلىلىعى, تابيعيلىعى, ونىڭ ٶنەرٸن تىڭداۋعا كەلگەن ادامدارعا ٶزٸنٸڭ داۋىسىمەن ەن ورىنداۋى ٶزەكتٸ مەسەلە بولىپ تۇر.
فونوگراممانىڭ جاپپاي جەنە جالپىلاما قولدانىلۋىنا حالىق نارازى. فونوگراممانى قولدانۋ كٶرەرمەننٸڭ تۇتىنۋشى رەتٸندەگٸ قۇقىعىنا نۇسقان كەلتٸرەدٸ. ەن ٶنەرٸنە ونىڭ اقىسىن تٶلەپ كەلگەن ەربٸر ادام ەنشٸنٸڭ جاندى داۋىستاعى ساپالى قىزمەتٸن العىسى كەلەدٸ. بۇل ەدٸل جەنە زاڭدى تالاپ. اقىلى قىزمەت, ساپاسى تۇرعىسىنان قۇنىنا لايىقتى بولۋى تيٸس. بۇنىمەن قوسا, فونوگراممانى جاپپاي قولدانۋ تەحنيكا مٷمكٸندٸگٸن پايدالانۋ ارقىلى ٶنەردەن الىس كەي ادامداردىڭ ساحنا تٶرٸنە شىعۋىنا جاعداي تۋعىزادى. بۇل وسى ۋاقىتتىڭ اقيقاتى, كٶپشٸلٸكتٸڭ ويىندا عانا ەمەس اۋزىندا جٷرگەن ەڭگٸمە. ەل ٸشٸ مەن بٸرگە, سىرت ەلدەردە دە تانىمال اعا بۋىن ەنشٸلەردٸڭ دە پٸكٸرٸ وسىنداي.
ەلەمنٸڭ دامىعان ەلدەرٸندە فونوگراممانى قولدانۋ مەسەلەسٸ زاڭدىلىق تۇرعىدان شەشٸلگەن. مىسالعا, اقش-دا فونوگراممانى زاڭسىز قولدانۋ, كونتسەرتتٸك ٸس-شارالاردى رۇقساتسىز ٶتكٸزۋ الاياقتىق بولىپ ەسەپتەلەدٸ جەنە زاڭمەن قۋدالانادى. ۇلىبريتانييا, مالايزييا, يندونەزييا مەملەكەتتەرٸندە بۇل سۇراق ليتسەنزييالاۋ ارقىلى رەتتەلەدٸ. سول سيياقتى, قىتاي, رەسەي فەدەراتسيياسى, ٶزبەكستان, تٷركمەنٸستان جەنە بەلارۋس ەلدەرٸندە دە فونوگرامماعا شەكتەۋ قويىلعان.
ەن ٶنەرٸندەگٸ تاعى بٸر ٶزەكتٸ مەسەلە ەننٸڭ مەتٸنٸ. ەن سٶزٸنە قويىلار تالاپ جوعارى بولۋى تيٸس.
ەننٸڭ جٷرەكتٸ جاۋلار ەۋەنٸ ونىڭ ماعىنالى مەتٸنٸمەن استاسىپ جاتسا ول رۋحاني بايلىق. ٶكٸنٸشكە وراي ماعاناسىز مەتٸندەرگە شىعارىلعان ەۋەنسٸز ەندەر كٶبەيۋدە.
مەتٸنٸ تۇرپايى, كەي جەرلەرٸندە انايىلىققا دەيٸن جەتەتٸن ەندەر قۇلاققا تٷرپٸدەي تيسە دە, جاستاردىڭ اراسىندا كەڭٸنەن تارالۋدا.
سىرلى ساز بەن ەسەم ەۋەنگە نەگٸزدەلگەن ەنگە سۋسىنداماعان جاستار بولاشاقتا قانداي قۇندىلىقتارعا دەن قويادى? ادام ٶمٸرٸندە تەربيەنٸڭ بٸلٸمنەن دە جوعارى ەكەنٸ ەرتەدەن بەلگٸلٸ. تەربيە قوعام ٷشٸن دە ماڭىزدى فاكتور.
ٷستٸمٸزدەگٸ جىلى «قازاقستان» ۇلتتىق تەلەارناسىنداعى «مەسەلە» باعدارلاماسىندا كەيبٸر ەنشٸلەردٸڭ ورىنداۋىنداعى ەندەردە قوعامعا جات, بالاعاتتاۋعا جاقىن سٶزدەردٸڭ كەزدەسەتٸنٸ ايتىلدى. وسىعان بايلانىستى ەننٸڭ مەتٸنٸنٸڭ ساپاسىنا تالداۋ جاسايتىن كەسٸبي القالى ورگان جۇمىسىن ۇيىمداستىرۋ ۋاقىتى كەلگەن سيياقتى. بٸزبەن كٶرشٸلەس كەيبٸر ەلدەردە وسىنداي تەجٸريبە بار.
سەناتور دەپۋتاتتىق ساۋالىندا ەلٸمٸزدەگٸ ەن ٶنەرٸندەگٸ قالىپتاسقان جاعدايدى زاڭنامالىق تۇرعىدان رەتتەۋدٸ قاجەت ەتەتٸنٸنە نازار اۋدارتتى. الىس جەنە جاقىن شەت ەلدەردٸڭ تەجٸريبەسٸ كٶتەرٸلٸپ وتىرعان مەسەلەلەردٸ كونتسەرتتٸك قىزمەتتٸ نەگٸزٸنەن قوعامدىق ۇيىمدار ارقىلى ليتسەنزييالاۋ جولىمەن شەشٸپ وتىرعانىن ايتقان دەپۋتات س.ەڭسەگەنوۆ ٷكٸمەت باسشىسى ب.ساعىنتاەۆتان تيٸستٸ مەملەكەتتٸك ورگاندارىنا تاپسىرما بەرٸپ, اتالعان مەسەلەلەردٸ زاڭنامالىق تۇرعىدان شەشۋ جولدارىن قاراستىرۋدى تالاپ ەتتٸ.
...سول تالعامسىز تىڭدارمانداردىڭ اراسىنا سٸز بەن بٸز دە بارمىز. ەگەر كونتسەرتكە بارساق, ماڭداي تەرٸمٸزبەن تاپقان ادال اقشامىزعا شىنايى داۋىسىمەن كٶركەم ٶنەر كٶرسەتە الاتىن تالانتتى ەنشٸلەردٸڭ لايىقتى قىزمەتٸن ساتىپ الۋعا تيٸسپٸز. ال اۋزىن جىبىرلاتىپ, ساحنادا ارى-بەرٸ سەكٸرگەن تٷرٸن كٶرٸپ, ەنٸ فونوگرامما ەكەنٸن بٸلە تۇرا الاياقتىققا كٶنۋ – ۇلتتى تالعامسىزدىققا ۇرىندىرادى. ساحنادا تەك تالانتتار قالدىرىپ, الاياقتاردى قاسيەتتٸ ٶنەردەن ىعىستىراتىن ۋاقىت جەتتٸ.
ەدٸلبەك قابا
