«فەنيكس» كينوفيلمٸنە بٶلٸنگەن قارجىنى رەجيسسەر تۇڭعىشباي جامانقۇلوۆ ۇيالى تەلەفونىنىڭ اقىسى مەن ٶز ٷيٸن كٷزەتۋگە جۇمساعان. بۇل تۋرالى سوت وتىرىسىندا «فەنيكس» كينوفيلمٸنٸڭ بۇرىنعى باس ديرەكتورى كەرٸمجان ەسباەۆ مەلٸم ەتتٸ.
كۋەگەردٸڭ ٶزٸ «فەنيكس» كينوكارتيناسىنىڭ باس ديرەكتورى بولىپ فورمالدى تٷردە تٸركەلگەنٸمەن, فيلمگە ەشقانداي قاتىسى بولماعانىن ەڭگٸمەلەپ بەردٸ.
كەرٸمجان ەسباەۆ اتالعان جۇمىسقا ٶزٸن تۇڭعىشباي جامانقۇلوۆ شاقىرىپ, تٸكەلەي تاعايىنداعانىن ايتتى. اتاپ ايتارلىعى, ونىڭ اي سايىن الاتىن جالاقىسى ت. جامانقۇلوۆتىڭ جەكە قاجەتتٸلٸكتەرٸنە جۇمسالىپ وتىرعان.
«اقشا ت. جامانقۇلوۆتىڭ ٷيٸن جٶندەۋگە, كوممۋنالدىق قىزمەت اقىسىنا, ۇيالى تەلەفونى جەنە ٷيٸنٸڭ كٷزەت قىزمەتٸنٸڭ اقىسىن تٶلەۋگە جۇمسالدى. بۇل تٶلەمدەر تٸكەلەي ت. جامانقۇلوۆتىڭ نۇسقاۋىمەن جٶنەلتٸلدٸ. ال شىعىنداردى مەن ٶز جۋرنالىما جازىپ وتىردىم, سول جۋرنالدى ٶز ەركٸممەن تەرگەۋ ورگاندارىنا بەردٸم. سونداي-اق, اقشا ت. جامانقۇلوۆتىڭ ۇلىنىڭ مەسكەۋگە بارىپ-قايتقان جولىنا جۇمسالدى», - دەپ ەڭگٸمەلەدٸ كۋەگەر.
سوت وتىرىسىندا كەرٸمجان ەسباەۆ ت. جامانقۇلوۆتىڭ شىعىندارىن راستايتىن قۇجاتتاردى سوتقا ۇسىندى.
بۇعان قوسا, كۋەگەر تۇڭعىشباي جامانقۇلوۆقا ارنالعان قارجىنىڭ قالاي قولما-قول اقشاعا اينالدىرىلعانىن ەگجەي-تەگجەيلٸ ەڭگٸمەلەدٸ. «جامانقۇلوۆ «فەنيكستٸڭ» پروديۋسەرٸ ن. يۋديناعا 6 ملن. تەڭگەنٸ قولما-قول اقشاعا اينالدىرۋعا نۇسقاۋ بەردٸ. بۇل ەڭگٸمەنٸ كارتينانىڭ رەجيسسەرٸ تالعات جەنٸبەكوۆ, رەداكتورى عيزات سۇلتانوۆ جەنە ەسەپشٸ نازگٷل جٷنٸسوۆا ٶز قۇلاعىمەن ەستٸدٸ»,- دەدٸ سوتتا ك. ەسباەۆ.
كۋەگەر سونداي-اق, قىلمىستىق ٸس سىبايلاس جەمقورلىققا قارسى ٸس-قيمىل قىزمەتٸنە بەرٸلگەن سوڭ ت. جامانقۇلوۆ فيلمدٸ تٷسٸرۋشٸلەر توبىن جيناپ الىپ, ەشكٸمنٸڭ ٶزٸنە قارسى قۇزىرلى ورگاندارعا تٷسٸنٸك بەرمەۋٸن قاداپ تاپسىرعانىن اشىق ايتتى.
«21 نەمەسە 23 قاڭتاردا جامانقۇلوۆ ماعان قوڭىراۋ شالىپ, ٶز كەڭسەسٸنە شاقىردى. كەڭسەگە كەلگەنٸمدە مەنٸ بۇرىن قۇزىرلى ورگاندارعا بەرگەن جاۋاپتارىمنان باس تارتۋدى ٶتٸندٸ, ال ەگەر باس تارتپاعان جاعدايدا مەنٸ قىلمىستىق جاۋاپكەرشٸلٸككە تارتۋ ٷشٸن قولىنان كەلگەن نەرسەنٸڭ بارلىعىن جاسايتىنىن اتىپ, قورقىتتى», - دەپ سٶزٸن اياقتادى كۋەگەر.
ەسكە سالا كەتەيٸك, سىبايلاس جەمقورلىققا قارسى ٸس-قيمىل جٶنٸندەگٸ ۇلتتىق بيۋرو «فەنيكس» كينوفيلمٸن تٷسٸرۋگە بٶلٸنگەن بيۋدجەت قاراجاتىنىڭ ۇرلانعانى تۋرالى فاكتٸلەردٸ انىقتادى. تەرگەۋدٸڭ نۇسقاسى بويىنشا, فيلمدٸ تٷسٸرۋگە بٶلٸنگەن 79 ملن. تەڭگەنٸڭ 69 ملن-ىن كارتينانىڭ پروديۋسەرٸ تۇڭعىشباي جامانقۇلوۆ جىمقىرعان. وسى ماقساتقا ول ٶزٸ قۇرىلتايشى بولىپ تابىلاتىن «T.K. TURAN UNIVERSAL BUSINESS» فيرماسىن پايدالانعان.
ايتا كەتەلٸك, تەرگەۋ بارىسىندا تۇڭعىشباي جامانقۇلوۆ ٶزٸنٸڭ قورعاۋشىسىنىڭ كٶزٸنشە بيۋدجەت قاراجاتىن ۇرلاعانىن تولىق مويىندادى. سونداي-اق, جىمقىرىلعان اقشانى قولما-قول اقشاعا اينالدىرىپ, ٶزٸنٸڭ جەكە قاجەتتٸلٸكتەرٸن قاناعاتتاندىرۋعا جۇمسالعانىن ايتتى.
