ەل ٸشٸندە مۇقاعالي مەن فاريزا تۋرالى كەيدە ەرتٷرلٸ ەڭگٸمەلەر ايتىلعان كەزدەر دە بولدى. ول — مۇقاعاليدىڭ فاريزاعا ارناپ جازعان «فاريزا قىز» ٶلەڭٸنەن كەيٸن ٶربٸدٸ. بٸرەۋلەر ايتتى:
— فاريزا مەن مۇقاعالي اراسىندا ماحاببات بولعان, — دەپ…
كەلەسٸ بٸرەۋلەر ايتتى:
— بۇل اقىن قارىنداسىنىڭ ٶلەڭٸن جەنە ٶر مٸنەزٸن باعالاعان مۇقاڭنىڭ بٸر سەتكٸ «سەزٸم نايزاعايى عوي», — دەپ…
ەلگٸ ەكٸ پٸكٸرگە كەيبٸرەۋٸ يلاندى, ال كەلەسٸ بٸرەۋلەر ٶرشٸتٸپ, وتقا ماي قۇيدى. شىنىندا, وسىنىڭ راسى قايسىسى ەدٸ?
مەن كٶڭٸل-داريياسى ۇشان-تەڭٸز وقىرمانعا فاريزا اقىننىڭ ٶز اۋزىمەن ايتقان مىنا شىندىعىن ٶزدەرٸڭٸزگە ۇسىنۋدى قالامگەرلٸك پارىزىم دەپ ساناپ وتىرعان جايىم بار.
قازٸرگٸ الماتى قالاسىنداعى جەلتوقسان مەن ماقاتاەۆ كٶشەسٸ قيىلىسىنىڭ كٷنباتىس جاعىنداعى شاعىن ساياباقتا قازٸر تۇرعان اقىن ەسكەرتكٸشٸنٸڭ ورنىندا سوناۋ بٸر زامانداردا سەلدەن قالعان 2-3 ٷلكەن قويتاس جاتاتىن. ارى-بەرٸ ٶتكەندە سول جەردٸ كٶرگەن مەن بەيباق : «شٸركٸن-اي! ٶزٸنٸڭ كٶشەسٸنٸڭ بويىندا, مىنا دەۋ تاستاردىڭ ورنىندا مۇقاعالي اعامنىڭ ەڭسەلٸ ەسكەرتكٸشٸ تۇرار ما ەدٸ», — دەپ ارماندايمىن عوي. وسى ويىمدى وبلىستىق «جەتٸسۋ» گازەتٸندە قىزمەت ٸستەپ جٷرگەن كەزدٸڭ بٸر سەتتٸ كٷنٸندە سول كەزدە رەسپۋبليكالىق بالالار باسىلىمىنىڭ باس رەداكتورى فاريزا اپاما ايتىپ قالعانىم بار. ول كٸسٸ مەن ايتقان ەلگٸ ورىندى شامالاعانىمەن, انىق بٸلمەيدٸ ەكەن.
— سونى مٷمكٸن بولسا بارىپ كٶرەيٸكشٸ, — دەدٸ.
ارادا بٸرەر كٷن ٶتكەننەن كەيٸن كەزٸندە تالاي باتىرلار مەن ٸرٸ تۇلعالاردىڭ مٷسٸنٸن سومداعان اۋىلداس ەرٸ ٸنٸ-دوسىم, مٷسٸنشٸ قۇراقباي ەگٸزباەۆتىڭ ەسكٸ كٶك «موسكۆيچٸمەن» فاريزا اقىندى جەلتوقسان مەن ماقاتاەۆ كٶشەسٸنٸڭ بويىنداعى ەلگٸ ساياباققا الىپ باردىق. مەن قييالىمداعى ەلگٸ ارمان-ويىمدى اقىن اپاما باستان-اياق ايتىپ جاتىرمىن:
— مىنا دەۋ قويتاستاردىڭ ورنىندا مۇقاعالي اعامىزدىڭ ەڭسەلٸ ەسكەرتكٸشٸ تۇرسا شٸركٸن! وبلىس ەكٸمٸ زامانبەك نۇرقادٸلوۆ — اعام بولعانىمەن, ماعان ول كٸسٸنٸڭ ەسٸگٸن اتتاتا ما بەرگٸ جاعىنداعىلار? سٸز باتىلدىق جاساپ, سول كٸسٸگە وسى مەسەلەنٸ ايتىپ كٶرسەڭٸز قايتەدٸ? تيٸستٸ ورىندارعا ۇسىنىسىن ايتسا, — دەيمٸن ٶتٸنٸپ.
— بالا! قييالعا بەرگٸسٸز ارمانىڭ دا, پٸكٸرٸڭ دە ورىندى. بٸراق, — دەدٸ دە كٷلدٸ, – بۇرىن دا اعاڭ ەكەۋمٸز جايلى وتقا ماي قۇيىپ جٷرگەن مىنا قازاقتار نە دەيدٸ? فاريزا مۇقاعاليعا ەسكەرتكٸش قويۋ كەرەك دەپ جانىن سالىپ جٷر ەكەن دەمەي مە?… — تاعى دا كٷلدٸ.
— سەن انا باۋىرلارىڭا تٷسٸندٸر! سولاردىڭ كەيبٸرەۋلەرٸ ايتىپ جٷرگەنٸندەي, مەن — مۇقاعاليعا, يا بولماسا, ول — ماعان عاشىق بولعان ەمەس. مەنٸڭ جازىعىم – مۇقاڭنىڭ شىن اقىن ەكەنٸن تانىپ, باسىمدى يگەنٸم. سەنٸڭ اعاڭنىڭ جازىعى — تاعدىرى قىزىق مەن سەكٸلدٸ جالعىزباستى اقىن قىزدىڭ پوەزيياسىنان ٷمٸت كٷتٸپ, باعالاعانى. سەن ٶزٸڭ قالاي قارايسىڭ بۇعان? — دەپ ٶزٸنٸڭ مٸنەزٸندەگٸ سىناي قاراپ تۇرىپ, كەكەسٸندەۋ كٷلەتٸن كەلبەتٸنە ٶتكٸر جانارى قوسىلىپ, جالت ەتە قالدى…
ەلگٸ جەردەن قۇراقبايدىڭ ەسٸگٸن جٸپپەن تارتىپ جاباتىن ەسكٸ كٶك «موسكۆيچٸمەن» رەداكتسيياعا قاراي قايتىپ كەلەمٸز. مانادان بەرٸ ٷندەمەي وتىرعان فاريزا اپامىز كەنەت مىرس ەتٸپ كٷلدٸ دە:
— ەلگٸندەي ٶسەكتٸڭ شىعۋىنا ەڭ الدىمەن اعاڭنىڭ ماعان ارناعان ٶلەڭٸ سەبەپ بولدى-اۋ دەيمٸن. ايتپاقشى, ٶزٸم دە وڭبايمىن… رەداكتسييانىڭ تٶمەنگٸ قاباتىندا تەرەزەگە سٷيەنٸپ, قۋ شاراپتىڭ ەسەرٸنەن اۋىرلاڭقىراپ تۇرعان مۇقاڭا تٷسكٸ ٷزٸلٸسكە بارا جاتقان جاقىن تانىستارىنىڭ دا قاراماعانىنا, ەشكٸم ول كٸسٸگە نازار سالماعانىنا نامىسىم كەلٸپ, ٷيٸنە جەتكٸزەيٸن دەگەن ويمەن قىزمەت كٶلٸگٸمە سالىپ الىپ نەم بار ەدٸ? اعالارىڭ قاتتى شارشاڭقى… ٷيٸنە جاقىنداعان سەتتە سەل ەسٸن جيعان ول ماعان قاراي بۇرىلىپ:
— ەي بالا! — دەدٸ. – شٶل قىسىپ بارادى. بٸر شٶلمەك قىزىل الدىرشى, — دەگەن سوڭ ورىس شوپىردى جۇمساپ, تاپسىرماسىن ورىندادىم. ٷيٸنٸڭ الدىنا كەلگەن سوڭ, جٷرگٸزۋشٸمە «انا كٸسٸنٸ ٷيگە كٸرگٸز» دەپ ٶتٸنٸش ايتقانىمدا مۇقاڭ:
— جوق! سەن ٶزٸڭ تابىستايسىڭ جەڭگەڭە! — دەدٸ ساڭق ەتٸپ. مۇزداعان تورعايداي بولعان مەن بايعۇس ونىڭ قولتىعىنان ۇستاپ ٷيٸنە قاراي سٷيەمەلدەپ كەلەمٸن. بٸر قولىمدا ەلگٸندە شوپىرعا العىزعان تور سەتكاداعى قىزىل اراق. بٸرٸنشٸ قاباتتاعى ٷيٸنٸڭ قوڭىراۋىن ٶزٸ باستى. ار جاقتان كٶڭٸلسٸز كەيٸپتە ٶڭٸ كٶكشٸل تارتقان جەڭگەمٸز لاشىن شىقتى. جاقتىرىڭقىراماي قارادى. قاتتى ىڭعايسىزداندىم. سوندا مۇقاڭ قايتتٸ دەيسٸڭدەر عوي?
— ەي, لاشىن! ەلگٸ مەن ايتىپ جٷرگەن بالا وسى. بٸلٸپ ال! — دەدٸ. نەگە ولاي ايتتى?…ٷرپيٸپ ٷيٸنە دەيٸن مەن نەگە كەلدٸم?. «اقىماق شىعارمىن?!» دەدٸم ٸشتەي ٶزٸمە-ٶزٸم. جازىعىم — اعالارىڭدى كٶشەگە تاستاپ كەتە الماعانىم. اقىماقتىعىم – قىز بالا باسىممەن ەلگٸندەي جاعدايداعى اقىندى تۋرا ەسٸگٸنە دەيٸن جەتەلەپ ەكەلگەنٸم عوي. مىنا ەلدٸڭ مۇقاڭ ەكەۋمٸز جايلى ٶسەگٸنٸڭ بٸر ۇشى وسىندا دا جاتقان شىعار دەپ ويلايمىن كەيدە. وبالى نە كەرەك, لاشىن جەڭگەم ارتىق سٶز ايتقان جوق,.. — دەپ كٶڭٸل تٷپكٸرٸندە جاتقان سىرىن فاريزا اقىننىڭ جاسىرماي ايتقان سول بٸر سٶزٸ «ول دٷنيەدەن ٶتتٸ!» دەگەن سۋىق حاباردى ەستٸگەن سەتتە كٶز الدىما ەلگٸندە عانا بولعانداي ەلەستەر ەكەلدٸ…
«ٶتتٸ دەۋرەن وسىلاي» دەپ ديماش قوناەۆ ەكەمٸز ايتقانداي, ەنە, ٶتتٸ ەكەۋٸ دە ٶمٸردەن… كەتتٸ مىنا جارىق جالعاننان.
ايتاقىن ەبدٸقال,
قازاقستان جازۋشىلار وداعىنىڭ مٷشەسٸ, اقىن,
مۇقاعالي ماقاتاەۆ اتىنداعى سىيلىقتىڭ لاۋرەاتى.
"الماتى اقشامى"
