يتالييادا بٸر تەۋلٸكتە 1 مىڭنان اسا كوروناۆيرۋس جۇقتىرۋ وقيعاسى تٸركەلدٸ. بۇل - كارانتين شارالارى الىنعاننان كەيٸنگٸ ەڭ جوعارى كٶرسەتكٸش. مۇنداي ستاتيستيكا يتالييادا سوڭعى رەت مامىردا تٸركەلگەن, دەپ حابارلايدى Euronews اگەنتتٸگٸ.
ساراپشىلاردىڭ پٸكٸرٸنشە, وعان دەمالىس ماۋسىمى سەبەپ. ٶيتكەنٸ دەمالۋشىلار جاز ايلارىندا الدىن الۋ شارالارىنا كٶڭٸل بٶلمەيدٸ: جاعاجايدا كٶپشٸلٸگٸ ماسكا تاعۋ تەرتٸبٸن ساقتامايدى, دەمحانا مەن مەيرامحانالارداعى جاعداي دا وسىنداي. سونداي-اق يتالييا بيلٸگٸ ينفەكتسيياعا شالدىققانداردىڭ ورتاشا جاسى 60-تان 30-عا دەيٸن تٶمەندەگەنٸن بايقاعان.
ۇلىبريتانيياداعى احۋال دا مەز ەمەس: تەۋلٸگٸنە 1200 ادام ۆيرۋس جۇقتىرعان. مانچەستەر ماڭىنداعى قالالاردا ەرەكشە سانيتارييا تەرتٸبٸ ەنگٸزٸلدٸ, ول جەردە COVID-19-دىڭ جاڭا وشاعى انىقتالعان. جەرگٸلٸكتٸ تۇرعىندارعا 20 ادامنان اساتىن ٸس-شارالارعا قاتىسۋعا تىيىم سالىنعان, سونىمەن قاتار قوعامدىق كٶلٸككە مٷمكٸندٸگٸنشە مٸنبەۋ ۇسىنىلادى.
گەرمانييادا قوعامدىق ٸس-شارالار ۇيىمداستىرۋعا رۇقسات ەتٸلگەن, بٸراق الدىن الۋ شارالارىن قاتاڭ ساقتاۋ مٸندەتتەلەدٸ.
دەگەنمەن, كٷزگٸ فەستيۆالدەردٸڭ ٶتۋ-ٶتپەۋٸ بەلگٸسٸز بولىپ تۇر, ٶيتكەنٸ ەۋروپا ەلدەرٸ سەكٸلدٸ گفر-دا دا COVID-19 ٸندەتٸ ٶرشٸپ بارادى.
