Italiiada bir táýlikte 1 myńnan asa koronavirýs juqtyrý oqiǵasy tirkeldi. Bul - karantin sharalary alynǵannan keiingi eń joǵary kórsetkish. Mundai statistika Italiiada sońǵy ret mamyrda tirkelgen, dep habarlaidy Euronews agenttigi.
Sarapshylardyń pikirinshe, oǵan demalys maýsymy sebep. Óitkeni demalýshylar jaz ailarynda aldyn alý sharalaryna kóńil bólmeidi: jaǵajaida kópshiligi maska taǵý tártibin saqtamaidy, dámhana men meiramhanalardaǵy jaǵdai da osyndai. Sondai-aq Italiia biligi infektsiiaǵa shaldyqqandardyń ortasha jasy 60-tan 30-ǵa deiin tómendegenin baiqaǵan.
Ulybritaniiadaǵy ahýal da máz emes: táýligine 1200 adam virýs juqtyrǵan. Manchester mańyndaǵy qalalarda erekshe sanitariia tártibi engizildi, ol jerde COVID-19-dyń jańa oshaǵy anyqtalǵan. Jergilikti turǵyndarǵa 20 adamnan asatyn is-sharalarǵa qatysýǵa tyiym salynǵan, sonymen qatar qoǵamdyq kólikke múmkindiginshe minbeý usynylady.
Germaniiada qoǵamdyq is-sharalar uiymdastyrýǵa ruqsat etilgen, biraq aldyn alý sharalaryn qatań saqtaý mindetteledi.
Degenmen, kúzgi festivalderdiń ótý-ótpeýi belgisiz bolyp tur, óitkeni Eýropa elderi sekildi GFR-da da COVID-19 indeti órship barady.
