فرانتسييادا سوڭعى تەۋلٸكتە COVID-19 ٸندەتٸن بەس مىڭنان استام ادامنىڭ جۇقتىرعانى انىقتالعانىنا قاراماستان, ەل مەكتەپتەرٸن اشۋعا دايىندىق جٷرٸپ جاتىر. بۇل – فرانتسييادا سەۋٸر ايىنىڭ ورتاسىنان بەرٸ تٸركەلگەن ەڭ جوعارى كٶرسەتكٸش. اۋرۋعا شالدىققانداردىڭ جالپى سانى – 250 مىڭنان استام ادام. تٶرت مىڭنان استام پاتسيەنت اۋرۋحانادا جاتىر. بۇل تۋرالى euronews اگەنتتٸگٸ حابارلادى.
حورۆاتييانىڭ سپليت-دالماتسييا ٶڭٸرٸندە بيلٸك ۆيرۋسقا شالدىققان ادامدار سانىنىڭ كٷرت ٶسۋٸنە بايلانىستى دەنساۋلىق ساقتاۋ سالاسىنداعى شارالاردى كٷشەيتتٸ. سوڭعى تەۋلٸكتە مۇندا ٸندەت جۇقتىرعانداردىڭ رەكوردتىق سانى تٸركەلدٸ (358 ادام). قازٸرگٸ كەزدە COVID-19 جۇقتىرۋدىڭ ەكٸ مىڭنان استام وقيعاسى راستالدى. حورۆاتييا دەنساۋلىق ساقتاۋ مينيسترلٸگٸنٸڭ ايتۋىنشا, جاڭا پاتسيەنتتەردٸڭ ورتاشا جاسى 35-تە.
يتالييادا – مامىر ايىنان بەرٸ تەۋلٸك ٸشٸندە سوVID-19 جۇقتىرۋدىڭ ەڭ جوعارى كٶرسەتكٸشٸ تٸركەلگەن تاعى بٸر ەل. وندا ٸندەتكە شالدىعۋدىڭ 1367 جاڭا وقيعاسى تٸركەلدٸ, ال اۋرۋعا شالدىققانداردىڭ جالپى سانى – 260 مىڭنان استام ادام.
گەرمانييا بيلٸگٸ جەرگٸلٸكتٸ تۇرعىندارعا قىركٷيەك ايىنىڭ ورتاسىنا دەيٸن ەۋرووداق سىرتىنداعى 160 ەلگە تۋريستٸك ساپار جاساۋدان باس تارتۋدى كەڭەس ەتتٸ. ەلدە ۆيرۋس جۇقتىرۋدىڭ ٶسٸمٸ قايتا باستالعان.
وسى ارادا, داۆوستا 2021 جىلدىڭ قاڭتارىندا ٶتكٸزٸلۋٸ تيٸس دٷنيەجٷزٸلٸك ەكونوميكالىق فورۋمنىڭ ۇيىمداستىرۋشىلارى ونى جازدىڭ باسىنا قالدىرعان. دەنساۋلىق ساقتاۋ سالاسىنداعى ساراپشىلار بيىل كەزدەسۋدٸ ٶتكٸزۋ ٶتە قاۋٸپتٸ دەپ سانايدى.
