Frantsiiada sońǵy táýlikte COVID-19 indetin bes myńnan astam adamnyń juqtyrǵany anyqtalǵanyna qaramastan, el mektepterin ashýǵa daiyndyq júrip jatyr. Bul – Frantsiiada sáýir aiynyń ortasynan beri tirkelgen eń joǵary kórsetkish. Aýrýǵa shaldyqqandardyń jalpy sany – 250 myńnan astam adam. Tórt myńnan astam patsient aýrýhanada jatyr. Bul týraly euronews agenttigi habarlady.
Horvatiianyń Split-Dalmatsiia óńirinde bilik virýsqa shaldyqqan adamdar sanynyń kúrt ósýine bailanysty densaýlyq saqtaý salasyndaǵy sharalardy kúsheitti. Sońǵy táýlikte munda indet juqtyrǵandardyń rekordtyq sany tirkeldi (358 adam). Qazirgi kezde COVID-19 juqtyrýdyń eki myńnan astam oqiǵasy rastaldy. Horvatiia densaýlyq saqtaý ministrliginiń aitýynsha, jańa patsientterdiń ortasha jasy 35-te.
Italiiada – mamyr aiynan beri táýlik ishinde SOVID-19 juqtyrýdyń eń joǵary kórsetkishi tirkelgen taǵy bir el. Onda indetke shaldyǵýdyń 1367 jańa oqiǵasy tirkeldi, al aýrýǵa shaldyqqandardyń jalpy sany – 260 myńnan astam adam.
Germaniia biligi jergilikti turǵyndarǵa qyrkúiek aiynyń ortasyna deiin Eýroodaq syrtyndaǵy 160 elge týristik sapar jasaýdan bas tartýdy keńes etti. Elde virýs juqtyrýdyń ósimi qaita bastalǵan.
Osy arada, Davosta 2021 jyldyń qańtarynda ótkizilýi tiis Dúniejúzilik ekonomikalyq forýmnyń uiymdastyrýshylary ony jazdyń basyna qaldyrǵan. Densaýlyq saqtaý salasyndaǵy sarapshylar biyl kezdesýdi ótkizý óte qaýipti dep sanaidy.
