قالا ورتالىقتارىنداعى ەسكٸ حرۋششەۆكالاردى سٷرٸپ, جەردٸ بيزنەسكە بەرۋدٸ تاپسىردى, - دەپ حابارلايدى "ۇلت اقپارات".
"بٸز قولجەتٸمدٸ باسپانا جايلى ايتىپ وتىرمىز, ونى ادامدارعا پايدالانۋعا بەرۋ ٷشٸن سالىپ جاتىرمىز. بٸراق ادامدار ەلٸ كٷنگە دەيٸن ەسكٸ ٷيلەردە تۇرىپ جاتىر, ال جاڭا ٷيلەردٸ جالعا بەرەدٸ - اقشا تابۋ ٷشٸن. بۇل دۇرىس تا شىعار... بٸراق بٸزگە ەسكٸ ٷيلەردٸ بۇزۋ كەرەك", - دەدٸ پرەزيدەنت.
ونىڭ ايتۋىنشا, بۇل مەسەلەگە مەملەكەتتٸك-جەكە سەرٸكتەستٸكتٸ ارالاستىرۋ كەرەك.
«مەسەلەن, 4 قاباتتى حرۋششەۆكا تۇر. مەن جاقسى بٸلەمٸن, 40-شى جىلدارى سالىنعان بولاتىن. قازٸر ولاردىڭ تۇرعانىنا 60-70 جىل بولدى. ٷي سالامىن دەگەن بيزنەسكە بٸز كرەديت ارقىلى قولداۋ كٶرسەتەمٸز عوي. ەكٸ-ٷش ٷي تۇرعان جەرگە رۇقسات بەرگٸزٸپ ٷي سالعىزىپ, انا ٷيلەردەگٸلەردٸڭ بەرٸن سوندا كٸرگٸزۋ كەرەك. ال ەسكٸ ٷيلەردٸڭ ورىنىن بيزنەسكە بەرۋ قاجەت, بۇل تيٸمدٸ», - دەدٸ مەملەكەت باسشىسى.
ەلباسىنىڭ اتاپ ٶتۋٸنشە, بۇل مەملەكەتكە دە, حالىققا دا, بيزنەسكە دە تيٸمدٸ. «بەرٸمٸز وسىمەن شۇعىلدانايىق, جەر قاراڭدار. بٸرٸنشٸدەن, بۇل قالانىڭ كەلبەتٸن ەسەمدەۋگە مٷمكٸنشٸلٸك بەرەدٸ. ەكٸنشٸدەن حالىقتىڭ جاقسى ٷيگە كٶشۋٸنە جاعداي جاسايدى. بۇل حالىقتىڭ دەنساۋلىعىنا, كٶڭٸل-كٷيٸنە دە قاتىستى جايت», - دەدٸ نۇرسۇلتان نازارباەۆ.
ايتا كەتەيٸك, كەڭەيتٸلگەن وتىرىس ٷكٸمەت عيماراتىندا ٶتٸپ جاتىر. نازارباەۆ وتىرىستىڭ جوسپارى مەن باياندامالاردىڭ كەزەگٸ جايلى ايتىپ, پرەمەر-مينيستر باقىتجان ساعىنتاەۆقا سٶز بەردٸ.
