Qala ortalyqtaryndaǵy eski hrýshevkalardy súrip, jerdi bizneske berýdi tapsyrdy, - dep habarlaidy "Ult aqparat".
"Biz qoljetimdi baspana jaily aityp otyrmyz, ony adamdarǵa paidalanýǵa berý úshin salyp jatyrmyz. Biraq adamdar áli kúnge deiin eski úilerde turyp jatyr, al jańa úilerdi jalǵa beredi - aqsha tabý úshin. Bul durys ta shyǵar... Biraq bizge eski úilerdi buzý kerek", - dedi Prezident.
Onyń aitýynsha, bul máselege memlekettik-jeke seriktestikti aralastyrý kerek.
«Máselen, 4 qabatty hrýshevka tur. Men jaqsy bilemin, 40-shy jyldary salynǵan bolatyn. Qazir olardyń turǵanyna 60-70 jyl boldy. Úi salamyn degen bizneske biz kredit arqyly qoldaý kórsetemiz ǵoi. Eki-úsh úi turǵan jerge ruqsat bergizip úi salǵyzyp, ana úilerdegilerdiń bárin sonda kirgizý kerek. Al eski úilerdiń orynyn bizneske berý qajet, bul tiimdi», - dedi Memleket basshysy.
Elbasynyń atap ótýinshe, bul memleketke de, halyqqa da, bizneske de tiimdi. «Bárimiz osymen shuǵyldanaiyq, jer qarańdar. Birinshiden, bul qalanyń kelbetin ásemdeýge múmkinshilik beredi. Ekinshiden halyqtyń jaqsy úige kóshýine jaǵdai jasaidy. Bul halyqtyń densaýlyǵyna, kóńil-kúiine de qatysty jait», - dedi Nursultan Nazarbaev.
Aita keteiik, keńeitilgen otyrys úkimet ǵimaratynda ótip jatyr. Nazarbaev otyrystyń jospary men baiandamalardyń kezegi jaily aityp, premer-ministr Baqytjan Saǵyntaevqa sóz berdi.
