قر قورعانىس مينيسترٸ نۇرلان ەرمەكباەۆ ارىستاعى قازٸرگٸ جاعداي تۋرالى باسپاسٶز مەسليحاتىن ٶتكٸزدٸ, دەپ حابارلايدى قازاقپارات تٸلشٸسٸ.
«قازٸرگٸ ۋاقىتتا قۇقىق قورعاۋ ورگاندارى تەرگەۋ جٷرگٸزٸپ جاتىر. بارلىق ىقتيمال نۇسقالار قاراستىرىلۋدا. ادامي فاكتور بولۋى مٷمكٸن, ٶرت قاۋٸپسٸزدٸگٸ تالاپتارىنىڭ بۇزىلۋى نەمەسە ەلەكتر سىمىنىڭ قىسقا تۇيىقتالۋى, حيمييالىق رەاكتسييا سىندى تەحنيكالىق سەبەپتەر, تٸپتٸ قاساقانا ٶرت قويىلعان بولۋى مٷمكٸن», - دەدٸ مينيستر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
سونىمەن بٸرگە, مينيستر جاۋاپكەرشٸلٸكتەن قاشپايتىنىن جەتكٸزدٸ.
«جەكە ٶزٸم قورعانىس ۆەدومستۆوسىنىڭ باسشىسى رەتٸندە «مەملەكەتتٸك قىزمەت تۋرالى» قر زاڭىنا سەيكەس, 2018 جىلدىڭ 7 تامىزىندا وسى لاۋازىمعا تاعايىندالعان سەتتەن باستاپ, قارۋلى كٷشتەردە بولعان بارلىق جاعدايعا جاۋاپ بەرٸپ كەلەمٸن. بۇل جاۋاپكەرشٸلٸكتەن قاشقان ەمەسپٸن جەنە قازٸر دە قاشۋعا تىرىسپايمىن. تەرگەۋ نەتيجەسٸندە انىقتالعان كٸنەلٸلەر زاڭ جٷزٸندە جاۋاپقا تارتىلادى», - دەدٸ ن. ەرمەكباەۆ.
