قر پارلامەنتٸ سەناتىندا ازاماتتىق قوعام مەسەلەلەرٸ بويىنشا ٶتكەن دٶڭگەلەك ٷستەل وتىرىسىندا دٸن ٸستەرٸ جەنە ازاماتتىق قوعام مينيسترٸ نۇرلان ەرمەكباەۆ دٸني سالاداعى زاڭ جوباسىنىڭ كەيبٸر نورمالارىنا تٷسٸنٸكتەمە بەردٸ.
«كەيبٸر ادامداردىڭ قاتە تٷسٸنٸكتەرٸ نەمەسە ەدەيٸ جاسالىپ وتىرعان جالعان, بۇرمالاعان مەلٸمەتتەرٸ بويىنشا مىنانى ايتقىم كەلەدٸ, زاڭنىڭ ٶزٸندە مەكتەپ كيٸمٸ, مٸندەتتٸ ەكپە ەگۋ نورمالارى تۋرالى سٶز قوزعالماعان, ساقال, شالبار, ت.ب. سيياقتى سٶزدەر مٷلدەم جوق», - دەپ باسا ايتتى مينيستر.
ن. ەرمەكباەۆتىڭ ايتۋىنشا, زاڭ جوباسى قوعام مەن مەملەكەت الدىندا ادامدار ٶز مٸندەتتەرٸن ساقتاي وتىرىپ, ولاردىڭ قۇقىقتارى مەن ەركٸندٸكتەرٸن قامتاماسىز ەتۋ مەسەلەسٸن باستاپقى ورىنعا قويىپ وتىر. زاڭ جوباسىنىڭ باستاپقى ۇسىنىلعان نورمالارى تٷسكەن ۇسىنىستاردى ەسەپكە الا وتىرىپ تٷزەتٸلۋ ٷستٸندە.
دٸني سالاداعى زاڭ جوباسى ەلٸمٸزدەگٸ تۇراقتىلىق پەن قاۋٸپسٸزدٸكتٸڭ بەرٸك ٸرگەتاسىن قالىپتاستىرۋعا باعىتتالعان.
«قازاقستان رەسپۋبليكاسىنىڭ ازاماتتىق قوعامدى دامىتۋ مەسەلەلەرٸ بويىنشا زاڭناماسىن جەتٸلدٸرۋ» تاقىرىبىندا ٶتكەن دٶڭگەلەك ٷستەل وتىرىسىنا دەپۋتاتتار مەن مەملەكەتتٸك ورگان ٶكٸلدەرٸ, قوعامدىق بٸرلەستٸك جەتەكشٸلەرٸ قاتىسىپ, مەملەكەتتٸك ورگاندار مەن ٷكٸمەتتٸك ەمەس ۇيىمداردىڭ اراسىنداعى ٶزارا ٸس-قيمىل مەسەلەلەرٸ بويىنشا پٸكٸر الماستى.
اتاپ ايتقاندا, قوعامدىق كەڭەستەردٸڭ مٸندەتتەرٸ, ٷكٸمەتتٸك ەمەس ۇيىمداردىڭ ەلەۋمەتتٸك ەرٸپتەستٸگٸن نىعايتۋ, مەملەكەتتٸك ەلەۋمەتتٸك تاپسىرىس ساپاسىن ارتتىرۋ, ٷكٸمەتتٸك ەمەس ۇيىمدارعا گرانتتار بٶلۋ, ۆولونتەرلىق قىزمەتتٸ دامىتۋ, «رۋحاني جاڭعىرۋ» باعدارلاماسى اياسىندا «اتامەكەن» كٸشٸ باعدارلاماسىن ٸسكە اسىرۋ بارىسى تالقىلاندى.
