ساياساتتانۋشى ەرلان سايروۆ جەرگٸلٸكتٸ مەسليحاتتاردا پارتييالاردىڭ ٶكٸلدەرٸ بەلسەندٸ جۇمىس ٸستەۋدٸڭ ماڭىزدى تۇسى تۋرالى ايتتى, دەپ حابارلايدى قازاقپارات.
«2016 جىلى پارلامەنت سايلاۋى ٶتكەن كەزدە مەسليحاتتار قۇرامىنا «اق جول», «اۋىل» پارتييالارىنىڭ ٶكٸلدەرٸ ەنگەن بولاتىن. ال بٷگٸنگٸ كٷنگە كەلەر بولساق, وبلىستىق جەنە اۋداندىق دەڭگەيدەگٸ مەسليحاتتاردا پارتييالاردىڭ قاتىسۋ كٶرسەتكٸشٸ جوعارى بولار دەگەن ويدامىن. بٸزدٸڭ ەلدەگٸ پارتييالار وسى رەسۋرستاردى پايدالانا بٸلۋٸ كەرەك. بٸر ٶكٸنٸشتٸسٸ, كٶپتەگەن پارتييا مەسليحاتتارداعى رەسۋرسىن پايدالانا بەرمەيدٸ», - دەدٸ ەرلان سايروۆ ەلوردادا ٶتكەن «SAILAU-2021: پارلامەنت سايلاۋىنىڭ الدىن الا قورىتىندىلارى» اتتى ساراپتامالىق تالقىلاۋدا.
ونىڭ ايتۋىنشا كەز كەلگەن پارتييا بولسىن, قوعامدىق ۇيىم بولسىن ەلدٸڭ دامۋىنا, تەۋەلسٸزدٸگٸن نىعايتۋعا ەڭبەك سٸڭٸرۋٸ كەرەك. ساياساتتانۋشىنىڭ ايتۋىنشا, بۇل – باستى ميسسييا.
«ەكٸنشٸ ميسسييا – حالىقتىڭ ەل-اۋقاتىن كٶتەرۋ. حالىقتىڭ ەل-اۋقاتىن كٶتەرۋ ٸسٸمەن جەرگٸلٸكتٸ اتقارۋشى مەسليحاتتار قۇرامىندا دا اينالىسۋعا بولادى. قازاقستاندا بۇعان دەيٸن قانداي پروبلەما بار ەدٸ. ەلدەگٸ باستى پروبلەما – ٶڭٸرلەردە (اۋداندىق بولسىن, وبلىستىق بولسىن) قوعامدىق-ساياسي پروتسەس جوق بولاتىن. وسى پروتسەستٸ قالىپتاستىرىپ, قۇرىپ, قالپىنا كەلتٸرۋ كەرەك», - دەدٸ ول.
