تٷركييا پرەزيدەنتٸ رەجەپ ەردوعان رەسەيلٸك C-400 زىمىران جٷيەسٸ تٷركيياعا شٸلدەنٸڭ باسىندا جەتكٸزٸلەتٸنٸن مەلٸمدەدٸ. بۇل تۋرالى تٷركييا اقپارات قۇرالدارى حابارلادى.
قۇنى شامامەن 2,5 ميلليارد دوللار بولاتىن رەسەيلٸك C-400 ەسكەري زىمىران كەشەنٸن ساتىپ الۋ تۋرالى كەلٸسٸمگە مەسكەۋ مەن انكارا 2017 جىلى قول قويعان. تٷركيياعا رەسەيلٸك ەسكەري زىمىران كەشەندەرٸ 2020 جىلى جەتكٸزٸلەدٸ دەپ جوسپارلانعان. بٸراق ەكٸ تاراپ العاشقى كەشەندٸ 2019 جىلدىڭ شٸلدە ايىندا جەتكٸزۋ تۋرالى كەلٸسكەن.
بۇل كەلٸسٸم تٷركييا مەن اقش اراسىنداعى قارىم-قاتىناسقا سالقىنىن تيگٸزدٸ. ۆاشينگتون ناتو پايدالانىپ كەلە جاتقان F-35 ەسكەري ۇشاعى جايلى قۇپييا دەرەك كرەملدٸڭ قولىنا تٷسۋٸ مٷمكٸن دەپ قاۋٸپتەنەدٸ. اقش سونىمەن بٸرگە C-400 كەشەنٸ ناتو-نىڭ زىمىرانعا قارسى قورعانىس جٷيەسٸمەن سەيكەس كەلمەيتٸنٸن دە العا تارتادى. اقش سەناتى ەگەر تٷركييا C-400 كەشەنٸن ورنالاستىرسا, وعان قارسى سانكتسييا سالاتىنىن ەسكەرتكەن.
بۇعان دەيٸن اقش قورعانىس مينيسترٸ مٸندەتٸن ورىنداۋشى پاتريك شەناحەن ەگەر انكارا رەسەيلٸك س-400 جٷيەسٸن ساتىپ الۋدان باس تارتپاسا, F-35 ەسكەري ۇشاقتارىن جەتكٸزۋ باعدارلاماسىنان تٷركييانىڭ شىعىپ قالاتىنىن ايتقان.
