انكارا كيەۆتٸڭ "قىرىم پلاتفورماسىن" قۇرۋ باستاماسىن قولدايدى. بۇل تۋرالى تٷركييا پرەزيدەنتٸ رەجەپ تايىپ ەردوعان ستامبۋلعا ساپارلاعان ۋكراينا پرەزيدەنتٸ ۆلاديمير زەلەنسكييمەن كەزدەسۋدەن كەيٸن مەلٸمدەدٸ. باستاما رەسەي اننەكسييالاعان قىرىمدى ۋكرايناعا قايتا قوسۋدى كٶزدەيدٸ, دەپ حابارلايدى ازاتتىق.
ەردوعان تٷركييانىڭ ۋكراينامەن ەرٸپتەستٸكتٸ قولدايتىنىن, مۇنىڭ ٶزگە ەلدەرگە قارسى باعىتتالماعانىن اتاپ ٶتتٸ. تٷركييا پرەزيدەنتٸ سونداي-اق ۋكراينا شىعىسىنداعى احۋالدىڭ ۋشىعۋىنا الاڭداۋشىلىق بٸلدٸرٸپ, جاعدايدىڭ وڭالاتىنىنا ٷمٸتتەنەتٸنٸن ايتتى.
ۆلاديمير زەلەنسكيي بۇعان جاۋاپ رەتٸندە تٷركييانىڭ ۋكراينا سۋۆەرەنيتەتٸنە قولداۋ بٸلدٸرۋٸ كيەۆ ٷشٸن اسا ماڭىزدى دەدٸ.
كەلٸسسٶزدەردەن كەيٸن ۋكراينا مەن تٷركييا اراسىنداعى ستراتەگييالىق كەڭەستٸڭ وتىرىسى ٶتتٸ. ونىڭ نەتيجەسٸ بويىنشا تاراپتار ورتاق دەكلاراتسييا جارييالادى. قۇجاتتا كيەۆ پەن انكارا ۋكراينانىڭ حالىقارالىق دەڭگەيدە مويىندالعان اۋماعىن قالپىنا كەلتٸرۋ بويىنشا جۇمىستاردى جالعاستىرا بەرەدٸ دەپ جازىلعان. سونىمەن قاتار ەكٸ ەل اننەكسييالانعان تٷبەكتەن كٶشۋگە مەجبٷر بولعان قىرىم تاتارلارىنىڭ ٶمٸرٸن جاقسارتۋ جۇمىستارىن جٷرگٸزەتٸن بولدى.
ۋكراينا پرەزيدەنتٸ ۆلاديمير زەلەنسكييدٸڭ تٷركيياعا ساپارى 9 سەۋٸردە باستالعان. سول كٷنٸ تٷركييا مەن رەسەي پرەزيدەنتتەرٸ تەلەفونمەن سٶيلەسكەن. رەسەي پرەزيدەنتٸ ۆلاديمير پۋتين ۋكراينانىڭ "تٷيٸسۋ سىزىعىندا قاۋٸپتٸ ارانداتۋ قيمىلدارىن جانداندىرۋىنا" الاڭدايتىنىن ايتتى.
كەيٸنگٸ ۋاقىتتا ۋكراينا شىعىسىنداعى دونباسستا جانجال تۇتانىپ, وسىعان دەيٸنگٸ بٸتٸمنٸڭ بەرٸ جوققا شىقتى. تٷرلٸ دەرەككە قاراعاندا, رەسەي ۋكراينامەن شەكارالاس اۋماققا ٶز ەسكەرٸن شوعىرلاندىرعان. مەسكەۋ ەسكەردٸڭ ەشكٸمگە قاۋٸپ تٶندٸرمەيتٸنٸن ايتادى.
