كوروناۆيرۋستىڭ تاراۋىن تەجەۋ ٷشٸن ەۋروپا ەلدەرٸ شەكتەۋ شارالارىن كٷشەيتٸپ جاتىر. 2 قاراشادان باستاپ گەرمانييادا كەمٸندە بٸر ايعا سوزىلاتىن جارتىلاي لوكداۋن ەنگٸزٸلدٸ.
ٸندەت باستالعالى بەرٸ كوروناۆيرۋستان قايتىس بولعاندار سانى 10 ميلليوننان استى.
اقش-تىڭ باس ينفەكتسيونيست دەرٸگەرٸ ەنتوني فاۋچي اقش-تى "ۇزاق تا قاھارلى قىس كٷتٸپ تۇر" دەپ مەلٸمدەدٸ.
"بٸزدٸ الدا ەلٸ تالاي اۋىرتپالىق كٷتٸپ تۇر. اسىلى, جۇلدىزىمىز وڭىنان تۋىپ تۇرعان جوق. كٷزگٸ ھەم قىسقى كەزەڭگە ٶتكەندە ادامدار ٷيدٸڭ, ياكي بٸر وبەكتتٸڭ ٸشٸنە شوعىرلانادى. بەلكٸم, سٸز بۇدان قيىن جاعدايعا تاپ بولماعان دا شىعارسىز" دەدٸ فاۋچي Washington Post گازەتٸنە بەرگەن سۇحباتىندا.
پرەزيدەنت سايلاۋىنا ساناۋلى كٷن قالعاندا دونالد ترامپ "اقش بەلكٸم, ٸندەتتٸڭ ٷشٸنشٸ تولقىنىن ٶتكەرٸپ جاتقان بولار, بٸراق قاۋٸپتٸ سەتتەردٸڭ بەرٸ ارتتا قالدى" دەپ سەندٸرۋگە تىرىستى.
اقش-تا ٸندەت باستالعالى بەرٸ 9,28 ملن ادامنان كوروناۆيرۋس انىقتالىپ, 230 937 ناۋقاس قايتىس بولعان. امەريكا كوروناۆيرۋس جۇقتىرعاندار مەن Covid-تەن قايتىس بولعاندار سانى جاعىنان دا ەلەمدە بٸرٸنشٸ ورىندا تۇر. ەلدە اۋرۋحاناعا تٷسكەندەر مەن ادام ٶلٸمٸ كٶبەيٸپ جاتىر.
ەۋروپادا ناۋقاستار سانىنىڭ جىلدام ارتۋى مەديتسينا مەكەمەلەرٸنە سالماق تٷسٸرٸپ, بيلٸكتٸ شارالاردى قاتاڭداتۋعا يتەرمەلەپ وتىر. ايماقتا كٷن سايىن 240 مىڭنان استام ناۋقاس تٸركەلٸپ جٷر. ەۋروپانىڭ وننان استام ەلٸندە اۋرۋحاناعا جاتقىزىلعاندار سانى رەكوردتىق كٶرسەتكٸشكە جەتكەن.
30 قازاندا فرانتسييا لوكداۋن ەنگٸزگەن.
