فوتو اشىق دەرەككٶزدەن الىندى
ٷكٸمەت جەڭٸلدەتٸلگەن نەسيەمەن كٶلٸك الۋ باعدارلاماسىنا ەندٸ قاراجات سالمايدى. بۇل تۋرالى پرەمەر-مينيستردٸڭ ورىنباسارى رومان سكليار سەناتتاعى پارلامەنتتٸك تىڭداۋدان كەيٸن مەلٸم ەتتٸ, دەپ حابارلايدى Azattyq Ruhy پورتالى.
ايتا كەتەيٸك, وسىعان دەيٸن ٷكٸمەت بۇل باعدارلاما ٷشٸن بيۋدجەتتەن - 88 ملرد تەڭگە, ۋتيليزاتسييالىق الىمنان جينالعان قاراجاتتان 100 ملرد تەڭگە سالعان ەدٸ.
«وسىلايشا, باعدارلامانىڭ اينالىمىندا 188 ملرد تەڭگە جاتىر. باعدارلاماعا دەگەن سۇرانىس ەرينە جوعارى, بٸراق وعان سالعان وسى 188 ملرد تەڭگە جەتكٸلٸكتٸ. الداعى ۋاقىتتا بٸز بۇل باعدارلاماعا اقشا قۇيمايمىز. ٶيتكەنٸ ٷكٸمەتتٸڭ اتقاراتىن باسقا دا ماڭىزدى مٸندەتتەرٸ بار. باعدارلاما ورىندالدى دەپ سانايمىن», - دەدٸ سكليار جۋرناليستەر سۇراعىنا جاۋاپ بەرە وتىرىپ.
ەستەرٸڭٸزگە سالا كەتەيٸك, بيىل 6 اقپاندا وسى باعلارلاماعا ٶتٸنٸش بەرۋ اشىلعان بولاتىن. بٸراق ٶكٸنٸشتٸسٸ, باعدارلاما باستالماي جاتىپ سىنعا ۇشىرادى. ٶيتكەنٸ جەڭٸلدەتٸلگەن اۆتونەسيە بەرۋ باعدارلاماسىنا ٶتٸنٸم بەرۋ نەبەرٸ 18 سەكۋندتا اياقتالىپ, كٶپ ازامات ٶتٸنٸش بەرٸپ ٷلگەرمەگەنٸن ايتادى.
