قازاقستاننىڭ اۆتوكٶلٸك ٶنەركەسٸبٸ قارقىندى دامىپ كەلەدٸ. سوڭعى التى ايدا ەلٸمٸزدە 94 400 اۆتوكٶلٸك ٶندٸرٸلٸپ, بۇل ٶتكەن كەزەڭمەن سالىستىرعاندا 35%-عا ارتىق كٶرسەتكٸشكە جەتتٸ. ٷكٸمەتتٸڭ جوسپارىنا سەيكەس, جىل سوڭىنا دەيٸن ٶندٸرٸس كٶلەمٸ 190 مىڭ اۆتوكٶلٸككە دەيٸن ۇلعايتىلماق, دەپ حابارلايدى Ult.kz.
نارىق كٶشباسشىلارى جەنە ٶندٸرٸس قۋاتىنىڭ ارتۋى
قازٸر قازاقستاندا جەڭٸل اۆتوكٶلٸك, اۆتوبۋس, جٷك جەنە ارنايى تەحنيكا شىعاراتىن 11 كەسٸپورىن جۇمىس ٸستەيدٸ. وتاندىق ٶندٸرٸستەگٸ ەڭ كٶپ سۇرانىسقا يە مودەلدەر قاتارىندا Chevrolet Cobalt, Hyundai Tucson جەنە Kia Sportage بار.
سالانى دامىتۋعا جاڭادان ٸسكە قوسىلعان جوعارى تەحنولوگييالىق كەسٸپورىندار - Kia Qazaqstan مەن Astana Motors Manufacturing Kazakhstan ايتارلىقتاي ٷلەس قوسىپ وتىر. بۇل جوبالارعا سالىنعان ينۆەستيتسييا كٶلەمٸ 346 ملرد تەڭگەدەن استى. جاڭا زاۋىتتار ٶندٸرٸس ٷدەرٸستەرٸنٸڭ كەڭٸنەن اۆتوماتتاندىرىلۋىمەن ەرەكشەلەنەدٸ. قازٸرگٸ تاڭدا وندا 135 ٶنەركەسٸپتٸك روبوت جۇمىس ٸستەيدٸ.
تەرەڭ ٶڭدەۋگە باسىمدىق
اۆتوكٶلٸك ٶندٸرٸسٸندەگٸ نەگٸزگٸ باعىتتاردىڭ بٸرٸ - ٸرٸ توراپتى قۇراستىرۋدان ۇساق توراپتى قۇراستىرۋعا (CKD)كٶشۋ جەنە جەرگٸلٸكتٸ ٶندٸرٸس ٷلەسٸن ارتتىرۋ.
قازاقستاندىق كەسٸپورىندار قازٸردٸڭ ٶزٸندە نەمەسە الداعى ۋاقىتتا مىناداي ٶنٸمدەردٸ شىعارۋدى قولعا الماق:
- قوزعالتقىشتار, اككۋمۋلياتورلار جەنە شينالار;
- اۆتوبۋستارعا ارنالعان ورىندىقتار, مۋلتيمەدييالىق جٷيەلەر مەن ينتەرەر بٶلشەكتەرٸ;
- بامپەرلەر, دوڭعالاق ديسكٸلەرٸ, ەلەكتر سىمدارى جەنە لاك-بوياۋ ماتەريالدارى.
قىتايلىق جاڭا برەندتەر مەن يننوۆاتسييالىق جوبالار
پرەزيدەنت قاسىم-جومارت توقاەۆتىڭ قىتايعا مەملەكەتتٸك ساپارى بارىسىندا قول جەتكٸزٸلگەن كەلٸسٸمدەر اۆتوكٶلٸك سالاسىنىڭ جاڭا كەزەڭٸنە جول اشتى. الداعى ۋاقىتتا قازاقستاندا Li Auto (Lixiang), Omoda جەنە Jaecoo برەندتەرٸنٸڭ ٶندٸرٸسٸ ٸسكە قوسىلادى.
سونىڭ ٸشٸندە قازاقستان Li Auto گيبريدتٸ كروسسوۆەرلەرٸن قىتايدان تىس جەردە شىعاراتىن العاشقى مەملەكەت بولماق.
بۇدان بٶلەك, 2028 جىلعا قاراي Sitrak ماركالى جٷرگٸزۋشٸسٸز ماگيسترالدىق تارتقىشتاردى ٶندٸرۋ جوباسىن جٷزەگە اسىرۋ جوسپارلانعان. سونىمەن قاتار ەلدە ەلەكتر كٶلٸكتەرٸنە ارنالعان جوعارى قۋاتتى زاريادتاۋ ستانتسييالارىنىڭ جەلٸسٸ كەزەڭ-كەزەڭٸمەن كەڭەيتٸلەدٸ.
ەكونوميكا مەن جۇمىسپەن قامتۋعا سەرپٸن
اۆتوكٶلٸك ٶنەركەسٸبٸنٸڭ دامۋى ەل ەكونوميكاسىنا جەنە ەڭبەك نارىعىنا وڭ ەسەرٸن تيگٸزٸپ كەلەدٸ. بٷگٸندە بۇل سالادا 10 مىڭنان استام ادام ەڭبەك ەتەدٸ.
ٷكٸمەتتٸڭ نەگٸزگٸ ماقساتى - ٶندٸرٸس كٶلەمٸن ارتتىرۋمەن قاتار, قازاقستاندا شىعارىلاتىن اۆتوكٶلٸكتەردٸڭ حالىق ٷشٸن قولجەتٸمدٸلٸگٸن قامتاماسىز ەتۋ.
