قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ دياس احمەتشەرٸپ بۇرىنعى ۆيتسە-مينيستر كامالجان نادىروۆتان ٶزگە قىزمەتكەرلەرگە كۆي جۇعۋى مٷمكٸن با دەگەن سۇراققا جاۋاپ بەردٸ, - دەپ حابارلايدى "ۇلت اقپارات".
«ٶزدەرٸڭٸزگە بەلگٸلٸ, 30 ناۋرىزدان باستاپ, دەنساۋلىق ساقتاۋ مينيسترلٸگٸ تولىقتاي قاشىقتان جۇمىسقا كٶشكەن بولاتىن. سوندىقتان, مينيسترلٸك ٸشٸندە دەرت جۇقتىرۋ قاۋپٸ مينيمالدى, قىزمەتكەرلەردٸڭ 90 پايىزى ٷيدەن جۇمىس ٸستەپ وتىر. جۇمىستا مينيستردٸڭ ٶزٸ (ەلجان بٸرتانوۆ - رەد.) جەنە 3-4 ادام عانا قالدى. ولاردىڭ دا ەرقايسىسى جەكە كابينەتتە بولعاندىقتان, جۇقتىرۋ قاۋپٸ از دەگەن ويدامىز. دەگەنمەن, بٷگٸن مينيستر ەلجان امانتاەۆ كوروناۆيرۋس ينفەكتسيياسىنا تەست تاپسىرادى. نەتيجەسٸ شىققان سوڭ, ەرينە حابارلايمىز», - دەدٸ دياس احمەتشەرٸپ.
ونىڭ ايتۋىنشا, ك.نادىروۆپەن جاقىن جەنە ىقتيمال بايلانىستا بولعاندار انىقتالىپ جاتىر. ەپيدەميولوگييالىق تەكسەرۋ باستالدى.
«سوڭعى كٷندەرٸ كامالجان نادىروۆ مينيستر تاپسىرماسىمەن الماتى وبلىسىندا بولدى. الماتى قالاسىندا ەمحانادان اۋرۋ وشاعى شىعىپ, دەرٸگەرلەردٸڭ اراسىندا تٷسٸنٸسپەۋشٸلٸك تۋعاندا دا, ك. نادىروۆ بارعان ەدٸ. ەرينە, قورعانىس كيٸمٸن كيٸپ, بارلىق تالاپتاردى ساقتادى. دەگەنمەن, اۋرۋدىڭ كٸمنەن, قاي جەردەن جۇققانىن انىقتاۋىمىز قاجەت. ول كٸسٸ قازٸر قاي كٷنٸ قايدا بولعانىن, كٸممەن كەزدەسكەنٸن تٸزبەكتەپ جازىپ وتىر. بايلانىستا بولعان بارلىق ادامدارعا پتر ارقىلى دياگنوستيكا جاسالادى», - دەدٸ رەسمي ٶكٸل.
ايتا كەتسەك, دەنساۋلىق ساقتاۋ ۆيتسە-مينيسترٸ بولعان كامالجان نادىروۆ كوروناۆيرۋس ينفەكتسيياسىن جۇقتىرىپ, اۋرۋحاناعا جاتقىزىلدى. ول الماتى قالاسى دەنساۋلىق ساقتاۋ باسقارماسىنىڭ باسشىسى قىزمەتٸنە كٸرٸسۋٸ كەرەك ەدٸ. بۇعان دەيٸن مينيسترلٸك ٶكٸلٸ د.احمەتشەرٸپ ك.نادىروۆتىڭ قانداي حالدە جاتقانىن ايتىپ بەرگەن ەدٸ.
