سۋرەت: قر قما باسپاسٶز قىزمەتٸ
ەلوردادا قارجىلىق مونيتورينگ اگەنتتٸگٸنٸڭ قولداۋىمەن ٶتكەن «افم online» كونفەرەنتسيياسى قارجى پيراميدالارىن تانۋ, دروپتارعا قارسى تۇرۋ, حالىقتىڭ قارجىلىق ساۋاتتىلىعىن ارتتىرۋ جەنە باسقا دا ٶزەكتٸ مەسەلەلەرگە ارنالدى. ٸس-شارانىڭ ماقساتى - جاستاردىڭ قارجىلىق ساۋاتتىلىعىن ارتتىرۋ جەنە بلوگوسفەرادا دۇرىس قۇقىقتىق اقپاراتتىق تسيفرلىق مەدەنيەتتٸ قالىپتاستىرۋ, دەپ حابارلايدى "ۇلت اقپارات" قر قما باسپاسٶز قىزمەتٸنە سٸلتەمە جاساپ.
ونلاين پٸكٸرتالاسقا ەلٸمٸزدٸڭ 35 جوعارى وقۋ ورنىنان 20 مىڭنان استام ستۋدەنت قاتىستى. كەزدەسۋ بارىسىندا سپيكەرلەر بلوگەرلەرمەن قىزىقتى كەيستەرٸن بٶلٸسٸپ, اۋديتوريياسىنا ماڭىزدى اقپارات جەتكٸزدٸ. مەديا تۇلعالار ٷشٸن ەلەۋمەتتٸك جەلٸلەردەگٸ مٸنەز-قۇلىق ەرەجەلەرٸ جەنە زاڭمەن قاراستىرىلعان جارنامالار تٷسٸندٸرٸلدٸ.
پانەلدٸك سەسسييالار بارىسىندا بەلگٸلٸ بلوگەرلەر, قارجى اناليتيكتەرٸ, قوعام قايراتكەرلەرٸ, دەپۋتاتتار مەن مەملەكەتتٸك ورگانداردىڭ ٶكٸلدەرٸ ينتەرنەت-گيگيەنا, الاياقتىق جوبالاردى جارنامالاعانى ٷشٸن جاۋاپكەرشٸلٸك, ەلەۋمەتتٸك جەلٸلەردە قۇقىققا قارسى كونتەنتتٸ تاراتۋ, جاستاردى قۇقىققا قارسى قىزمەتكە تارتۋ تۋرالى پٸكٸر تالاستى.
اگەنتتٸك تٶراعاسى دميتريي مالاحوۆ قۇتتىقتاۋ سٶزٸندە قما-نىڭ نەگٸزگٸ مٸندەتٸ – جاس ۇرپاققا قارجىلىق ساۋاتتىلىق نەگٸزدەرٸن تٷسٸندٸرۋ ەكەنٸن اتاپ ٶتتٸ.
«2021 جىلدان باستاپ بٸز قارجى پيراميدالارىنىڭ ٶمٸرلٸك تسيكلٸن جەنە ولاردىڭ سالىمشىلارىنىڭ سانىن قىسقارتۋعا باعىتتالعان ارنايى جوبا جٷرگٸزٸپ كەلەمٸز. ياعني, بٸز ولاردىڭ جۇمىسىن باستاپقى كەزەڭٸندە, حالىق اراسىنا تاراماي تۇرىپ, توقتاتۋ ٷشٸن جۇمىس ٸستەپ جاتىرمىز», - دەدٸ د.مالاحوۆ.
بٷگٸنگٸ تاڭدا اگەنتتٸك ينتەرنەتتە زاڭسىز مازمۇندى كونتەنتتٸ ٸزدەۋدٸ جەنە بۇعاتتاۋدى اۆتوماتتاندىردى. قازٸردٸڭ ٶزٸندە 10 مىڭعا جۋىق سايتتار مەن قارجى پيراميدالارىنىڭ بەلگٸلەرٸ بار اككاۋنتتار بۇعاتتالعان. سونداي-اق, الاياقتىق سحەمالارعا تارتىلعان سالىمشىلاردى ەرتە انىقتاۋ جٷيەسٸ جولعا قويىلعان. قابىلدانعان شارالاردىڭ نەتيجەسٸندە بٷگٸنگٸ تاڭدا 126 مىڭ جازىلۋشى الاياقتىق سحەمالاردى جارنامالايتىن اككاۋنتتاردان باس تارتتى.
ٸس-شارا بارىسىندا جوو ستۋدەنتتەرٸ ٷشٸن ەرتٷرلٸ الاياقتىق سحەمالاردىڭ الدىن الۋعا باعىتتالعان ٷزدٸك بەينەروليككە كونكۋرس جارييالاندى.
