Sýret: QR QMA Baspasóz qyzmeti
Elordada Qarjylyq monitoring agenttiginiń qoldaýymen ótken «AFM online» konferentsiiasy qarjy piramidalaryn taný, droptarǵa qarsy turý, halyqtyń qarjylyq saýattylyǵyn arttyrý jáne basqa da ózekti máselelerge arnaldy. Is-sharanyń maqsaty - jastardyń qarjylyq saýattylyǵyn arttyrý jáne blogosferada durys quqyqtyq aqparattyq tsifrlyq mádenietti qalyptastyrý, dep habarlaidy "Ult aqparat" QR QMA Baspasóz qyzmetine silteme jasap.
Onlain pikirtalasqa elimizdiń 35 joǵary oqý ornynan 20 myńnan astam stýdent qatysty. Kezdesý barysynda spikerler blogerlermen qyzyqty keisterin bólisip, aýditoriiasyna mańyzdy aqparat jetkizdi. Media tulǵalar úshin áleýmettik jelilerdegi minez-qulyq erejeleri jáne zańmen qarastyrylǵan jarnamalar túsindirildi.
Paneldik sessiialar barysynda belgili blogerler, qarjy analitikteri, qoǵam qairatkerleri, depýtattar men memlekettik organdardyń ókilderi internet-gigiena, alaiaqtyq jobalardy jarnamalaǵany úshin jaýapkershilik, áleýmettik jelilerde quqyqqa qarsy kontentti taratý, jastardy quqyqqa qarsy qyzmetke tartý týraly pikir talasty.
Agenttik Tóraǵasy Dmitrii Malahov quttyqtaý sózinde QMA-nyń negizgi mindeti – jas urpaqqa qarjylyq saýattylyq negizderin túsindirý ekenin atap ótti.
«2021 jyldan bastap biz qarjy piramidalarynyń ómirlik tsiklin jáne olardyń salymshylarynyń sanyn qysqartýǵa baǵyttalǵan arnaiy joba júrgizip kelemiz. Iaǵni, biz olardyń jumysyn bastapqy kezeńinde, halyq arasyna taramai turyp, toqtatý úshin jumys istep jatyrmyz», - dedi D.Malahov.
Búgingi tańda Agenttik internette zańsyz mazmundy kontentti izdeýdi jáne buǵattaýdy avtomattandyrdy. Qazirdiń ózinde 10 myńǵa jýyq saittar men qarjy piramidalarynyń belgileri bar akkaýnttar buǵattalǵan. Sondai-aq, alaiaqtyq shemalarǵa tartylǵan salymshylardy erte anyqtaý júiesi jolǵa qoiylǵan. Qabyldanǵan sharalardyń nátijesinde búgingi tańda 126 myń jazylýshy alaiaqtyq shemalardy jarnamalaityn akkaýnttardan bas tartty.
Is-shara barysynda JOO stýdentteri úshin ártúrli alaiaqtyq shemalardyń aldyn alýǵa baǵyttalǵan úzdik beinerolikke konkýrs jariialandy.
