بٷگٸن نۇر-سۇلتان قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ادام اعزاسىن زاڭسىز اۋىستىرۋعا قاتىستى ٸستٸ قارادى, دەپ حابارلايدى "ۇلت اقپارات".
نۇر-سۇلتان قالالىق سوتىنىڭ مەلٸمەتٸنشە, ب.تايسالوۆانىڭ 2017-2018 جىلدارى ارالىعىندا قازاقستانداعى شەتەلدٸك كومپانييانىڭ مٷددەلەرٸن بٸلدٸرە وتىرىپ, قازٸرگٸ ۋاقىتتا حالىقارالىق ٸزدەۋدە جٷرگەن ادامدارمەن الدىن الا سٶز بايلاسۋ ارقىلى ەرەكەت ەتكەنٸ انىقتالدى. ب.تايسالوۆا ولارعا تٸرٸ ادامداردىڭ ورگاندارىنا قاتىستى زاڭسىز مەمٸلەلەر جاساۋعا كٶمەكتەسكەن. بۇل رەتتە, دونور مەن رەتسيپيەنتتٸڭ تۋىستىق بايلانىستارى تۋرالى جالعان قۇجاتتاردى پايدالانىپ, نوتاريالدى رەسٸمدەلگەن كەلٸسٸم تۋرالى ٶتەۋسٸز مەلٸمدەمەلەردٸ قازاقستاننىڭ مەديتسينالىق مەكەمەلەرٸنە ۇسىنعان. سولاردىڭ نەگٸزٸندە اعزالاردى اۋىستىرىپ ورنالاستىرۋ جٷرگٸزٸلگەن.
سونداي-اق ترانسپلانتاتسييانى جٷزەگە اسىراتىن دەرٸگەرلەر گ. قۇتتىمۇراتوۆ پەن ا.دونباي قۇجاتتاردىڭ جالعاندىعى تۋرالى بٸلمەيتٸنٸ انىقتالدى. اعزالاردى اۋىستىرىپ ورنالاستىرۋ بويىنشا بارلىق وپەراتسييالار تيٸستٸ قۇجاتتاردى رەسٸمدەي وتىرىپ, رەسمي تٷردە جٷرگٸزٸلگەن. وپەراتسييالارعا اقى تٶلەۋ مەديتسينالىق مەكەمەنٸڭ بۋحگالتەريياسى ارقىلى ورىن العان.
وسىعان بايلانىستى قۇتتىمۇراتوۆ پەن دونباي اعزالاردى زاڭسىز اۋىستىرۋدا كٸنەسٸز دەپ تانىلدى. الايدا, قۇتتىمۇراتوۆ جٷرگٸزگەن اعزالاردى اۋىستىرىپ سالۋ وپەراتسيياسىنان كەيٸن پاتسيەنت ۆيچ جۇقتىرعان, ياعني سوڭعىسى ٶز مٸندەتتەرٸن تيٸسٸنشە ورىنداماعان.
تايسالوۆا قك-نٸڭ 28-بابى 5-بٶلٸگٸ, 116-بابىنىڭ 2-بٶلٸگٸ 3,4-تارماقتارى, 385-بابىنىڭ 3-بٶلٸگٸ بويىنشا 6 جىلعا باس بوستاندىعىنان ايىرىلدى (جازا 6 جىل 8 ايدان اسپاۋى كەرەك). قۇتتىمۇراتوۆ قك-نٸڭ 317-بابى 5-بٶلٸگٸ بويىنشا 2 جىل 6 ايعا باس بوستاندىعىنان ايىرىلدى (بارىنشا ەڭ جوعارى جازا).
ٷكٸم زاڭدى كٷشٸنە ەنگەن جوق.
