بٷگٸن ەلوردا تۇرعىندارىنىڭ ەسٸندە تەك رەسمي سالتاناتتى شارالارمەن عانا ەمەس, قالالىق الاڭداعى ەرەكشە اتموسفەرامەن دە ساقتالدى. مۇندا ۇلى وتان سوعىسى باتىرلارىنا ارنالعان «جەڭٸس 9/45» كونتسەرتٸ ٶتتٸ.
بۇل تاعىلىمدى مۋزىكالىق جوبانىڭ باستاماشىسى – «ەۋرازييالىق مونيتورينگ» ورتالىعى. ۇيىمداستىرۋشىلار كونتسەرتتٸ قالالىق مەرەكەلٸك ٸس-شارالار لەگٸنە ٷيلەستٸرە ەنگٸزٸپ, بٸرنەشە ساعات بويى الاڭدى ورتاق ەستەلٸك پەن تاعزىم كەڭٸستٸگٸنە اينالدىردى. مۇندا ارداگەرلەر مەن جاستار قاتار تۇرىپ, بٸر تولقىندا باس قوستى.
سوعىس جىلدارىنداعى جٷرەككە جەتەتٸن ەندەر مەن زاماناۋي پاتريوتتىق تۋىندىلار ە. راحماديەۆ اتىنداعى فيلارمونييانىڭ ٷرمەلٸ اسپاپتار وركەسترٸنٸڭ سٷيەمەلدەۋٸمەن ورىندالدى. جاندى داۋىس پەن تٸرٸ مۋزىكا شاراعا جازبا ارقىلى جەتكٸزۋ مٷمكٸن ەمەس ەرەكشە تەرەڭدٸك سىيلادى.
الايدا ەر ەننٸڭ ارتىندا ادام تاعدىرى تۇر. ساحنادان تالعات بيگەلدينوۆ, مەنشٷك مەمەتوۆا, ەلييا مولداعۇلوۆا, نۇركەن ەبدٸروۆ, باۋىرجان مومىشۇلى سىندى اڭىز تۇلعالاردىڭ ەسٸمدەرٸ قايتا-قايتا اتالدى. باتىرلىق پەن ەرلٸكتٸڭ بۇل تاريحى كونتسەرتتەگٸ ەربٸر نٶمٸردٸ بٸر ارناعا توعىستىردى.
كونتسەرت ۇيىمداستىرۋشىسى ەلٸبەك تەجٸباەۆتىڭ ايتۋىنشا, «جەڭٸس 9/45» – جاي عانا مەدەني شارا ەمەس, بۇل – ۇلى جەڭٸس پەن قازاقستاننىڭ بەيبٸتشٸلٸك جولىنداعى ورتاق ٸسكە قوسقان ٷلەسٸ تۋرالى تٸرٸ ەستەلٸك.
«مۋزىكا ارقىلى بٸز مايداندا شايقاسقان, تىلدا ەڭبەك ەتكەن جەنە بٸزگە بەيبٸت اسپان استىندا ٶمٸر سٷرۋ مٷمكٸندٸگٸن سىيلاعان بۋىندى ەسكە الامىز. باستى مٸندەتٸمٸز – وسى جادىنى كەلەر ۇرپاققا امان جەتكٸزۋ. ٶيتكەنٸ ٶتكەندٸ ۇمىتپاۋ – بەيبٸت بولاشاقتىڭ نەگٸزٸ. بۇل جوبا بٸز ٷشٸن ەۋرازييا حالىقتارىنىڭ قاھارماندىق ٶتكەنٸن بولاشاقپەن جالعايتىن رۋحاني كٶپٸرگە اينالدى», – دەدٸ ەلٸبەك تەجٸباەۆ.
كونتسەرت باعدارلاماسى شىن مەنٸندە ەسەرلٸ ەرٸ الۋان تٷرلٸ بولدى. ۆوكاليستەر مەن بي توپتارىنىڭ ٶنەرٸ تانىمال جۇلدىزداردىڭ ساحناعا شىعۋىمەن الماستى. مەرەكەلٸك كەشكە ەرەكشە سەرپٸن سىيلاعان مادي قادىروۆ پەن Argonya كٶرەرمەننٸڭ ىستىق ىقىلاسىنا بٶلەنٸپ, ولاردىڭ ٶنەرٸ كەشتٸڭ ەڭ ەسەرلٸ سەتتەرٸنٸڭ بٸرٸنە اينالدى.
كەش سوڭىندا ەرتٸستەر مەن وركەستر فينالدىق ەندەردٸ بٷكٸل الاڭمەن بٸرگە ورىندادى. «جەڭٸس 9/45» تاعى بٸر مەرتە دەلەلدەدٸ: مۇنداي اشىق فورماتتاعى شارالار – جاي عانا جوسپارداعى كونتسەرت ەمەس, مۋزىكا مەن ورتاق تاريح ارقىلى ۇرپاقتار ساباقتاستىعىن سەزٸنۋدٸڭ شىنايى مٷمكٸندٸگٸ.
