ۇلىتاۋدا ٶتكەن العاشقى ۇلتتىق قۇرىلتايدىڭ ماڭىزدىلىعى مەن الداعى جوسپارلارى جٶنٸندە قۇرىلتاي مٷشەلەرٸ پٸكٸر بٸلدٸردٸ, دەپ حابارلايدى El.kz پورتالى.
"ۇلتتىق قۇرىلتاي ٶتە جاقسى باستاما. كەرەمەت ٶتتٸ دەپ ويلايمىن, ٶيتكەنٸ مەسەلەلەر جاعىنان ەمەس, قازاقستاننىڭ بولاشاق باعىتى جاعىنان ەڭگٸمەلەر قوزعالدى. ەلدٸڭ قۇندىلىقتارى جٶنٸندە جەنە قازاقستاندىقتاردى قالاي ەڭبەككە تارتۋ تۋرالى سٶز تارقاتتى. وتاندىق سپورت پەن حالىقتىڭ دەنساۋلىعىنا قاتىستى ماڭىزدى فاكتورلاردى ەستەن شىعارمادى. سونىمەن قاتار, بٷگٸنگٸ ۇلتتىق قۇرىلتايدا ۇلتارالىق جاعىنان, ەتنوسارالىق جاعىنان اۋقىمدى تاقىرىپتاردى كٶتەردٸ. كٶتەرٸلگەن تاقىرىپتار بويىنشا پرەزيدەنتٸمٸز قاسىم-جومارت توقاەۆ قۇرىلتايدىڭ تٶراعاسى رەتٸندە بارلىعىن نازاردا ۇستايتىنىن اتاپ ٶتتٸ. بٸز ەلٸمٸزدٸڭ جارقىن بولاشاعى ٷشٸن قولدان كەلگەنشە ايانىپ قالماۋعا تىرىسامىز", - دەيدٸ قولدانبالى ەتنوساياسي زەرتتەۋلەر ينستيتۋتىنىڭ ديرەكتورى تالعات قاليەۆ.
ال بيولوگييالىق عىلىمدار دوكتورى, پروفەسسور كٷنسۇلۋ زاكاريانىڭ ايتۋىنشا, جاڭا قازاقستاننىڭ بولاشاعى جارقىن, باعىتى ايقىن. عالىمنىڭ قازاق ەلٸنٸڭ اتىن اسقاقتاتار بٸلٸمدٸ, سانالى ۇرپاق شىعاتىنىنا سەنٸمٸ مول.
"قۇرىلتايدىڭ مٷشەسٸ رەتٸندە ٷلكەن جاۋاپكەرشٸلٸك ارقالادىم. ۇلتتىق قۇرىلتايدا ەلدٸ تولعاندىراتىن وي-پٸكٸرلەر ايتىلدى. پرەزيدەنت قاسىم-جومارت توقاەۆتىڭ ادال ەڭبەكپەن جۇمىس جاساۋ, جاستاردى ەڭبەككە باۋلۋ تۋرالى ايتقان پٸكٸرٸ كٶڭٸلٸمٸزدٸ مارقايتتى. شىنىمەن دە, ەڭبەككە قۇشتار ۇرپاق قانا تۋعان وتانىن الپاۋىت ەلدەردٸڭ قاتارىنا قوسا الادى", – دەدٸ ول جيىننان سوڭ.
