قازاقستاندا جاز باستالعالى بەرٸ قايتا جاڭعىرتۋدان ٶتكەن 70 تەمٸرجول ۆوكزالى پايدالانۋعا بەرٸلدٸ. ونىڭ 40-ى شٸلدە ايىندا اشىلعان. جوبا مەملەكەت باسشىسىنىڭ تاپسىرماسىنا سەيكەس ەلدەگٸ 124 تەمٸرجول ۆوكزالىن رەكونسترۋكتسييالاۋ جەنە جاڭعىرتۋ باعدارلاماسى اياسىندا جٷزەگە اسىرىلىپ جاتىر, دەپ حابارلايدى ult.kz.
قايتا جاڭعىرتۋ جۇمىستارى ٸرٸ ۆوكزالدارمەن قاتار شاعىن ستانتسييالاردى دا قامتىدى. ەڭ اۋقىمدى جٶندەۋ اقمولا وبلىسىندا جٷرگٸزٸلٸپ, مۇندا 12 ۆوكزال جاڭارتىلدى. قاراعاندى وبلىسىندا 11 نىسان قايتا جاڭعىرتىلدى. سونداي-اق جۇمىستار اتىراۋ, اقتٶبە, قىزىلوردا, الماتى, شىعىس قازاقستان, سولتٷستٸك قازاقستان, باتىس قازاقستان, پاۆلودار, قوستاناي, ماڭعىستاۋ, تٷركٸستان, جامبىل, جەتٸسۋ جەنە ۇلىتاۋ وبلىستارىندا جٷزەگە اسىرىلدى.
جوبالار اياسىندا كەيبٸر ۆوكزالداردا كٷردەلٸ جٶندەۋ جٷرگٸزٸلسە, بٸرقاتار ستانتسييالاردا ەسكٸ عيماراتتاردىڭ ورنىنا جاڭا جولاۋشىلار كەشەندەرٸ سالىندى. سونىمەن قاتار ۆوكزالداردىڭ اۋماعى كەڭەيتٸلٸپ, جولاۋشىلار پلاتفورمالارى, كونكورستار, ايالداۋ پاۆيلوندارى مەن ينجەنەرلٸك ينفراقۇرىلىم تولىق جاڭارتىلدى.
بارلىق نىسانداردا شاتىرلار مەن قاسبەتتەر جٶندەلٸپ, سۋ, جىلۋ, ەلەكتر, كەرٸز جەنە بايلانىس جٷيەلەرٸ اۋىستىرىلدى. عيماراتتاردىڭ ٸشكٸ ەرلەۋٸ جاڭارتىلىپ, زاماناۋي جيھازدار, ناۆيگاتسييالىق جٷيەلەر, بەينەباقىلاۋ كامەرالارى, جەلدەتۋ جەنە كونديتسيونەرلەۋ جٷيەلەرٸ, ٶرت جەنە كٷزەت دابىلدارى, سونداي-اق قاۋٸپسٸزدٸككە ارنالعان ينتروسكوپتار مەن مەتالل ٸزدەگٸشتەر ورناتىلدى.
جاڭعىرتۋ بارىسىندا ەرەكشە قاجەتتٸلٸگٸ بار ازاماتتارعا قولايلى جاعداي جاساۋعا باسىمدىق بەرٸلدٸ. ۆوكزالدار پاندۋستارمەن, ليفتتەرمەن, كٶتەرگٸش قۇرىلعىلارمەن, تاكتيلدٸ ناۆيگاتسييامەن, اقپاراتتىق كٶرسەتكٸشتەرمەن جەنە ارنايى سانيتارلىق بٶلمەلەرمەن جابدىقتالدى.
بۇدان بٶلەك, بٸرقاتار ۆوكزالداردىڭ اۋماعى ايتارلىقتاي ۇلعايتىلدى. اتاپ ايتقاندا, ورال, شەتپە, شالقار, قازىبەك بەك جەنە جەتٸسۋ ستانتسييالارىندا جولاۋشىلارعا ارنالعان كەڭٸستٸكتەر كەڭەيتٸلدٸ. اقشى ستانتسيياسىندا جاڭا ايالداۋ پاۆيلونى بوي كٶتەرسە, تەمٸرتاۋ ستانتسيياسىندا جولاۋشىلار پلاتفورماسى تولىق قايتا جاڭعىرتىلدى.
بٷگٸندە جاڭارتىلعان ۆوكزالدار كٷن سايىن ونداعان مىڭ جولاۋشىعا قىزمەت كٶرسەتٸپ, قازاقستان ٶڭٸرلەرٸ اراسىنداعى, سونداي-اق رەسەي, ٶزبەكستان, قىرعىزستان جەنە تەجٸكستان باعىتتارىنداعى تەمٸرجول قاتىناسىنىڭ ساپاسىن ارتتىرۋعا مٷمكٸندٸك بەرٸپ وتىر. مامانداردىڭ ايتۋىنشا, جٷرگٸزٸلگەن جۇمىستار جولاۋشىلارعا جايلى ەرٸ قولجەتٸمدٸ ورتا قالىپتاستىرىپ, تەمٸرجول ينفراقۇرىلىمىنىڭ ساپاسىن جاڭا دەڭگەيگە كٶتەرەدٸ.
