Qazaqstanda jaz bastalǵaly beri qaita jańǵyrtýdan ótken 70 temirjol vokzaly paidalanýǵa berildi. Onyń 40-y shilde aiynda ashylǵan. Joba Memleket basshysynyń tapsyrmasyna sáikes eldegi 124 temirjol vokzalyn rekonstrýktsiialaý jáne jańǵyrtý baǵdarlamasy aiasynda júzege asyrylyp jatyr, dep habarlaidy ult.kz.
Qaita jańǵyrtý jumystary iri vokzaldarmen qatar shaǵyn stantsiialardy da qamtydy. Eń aýqymdy jóndeý Aqmola oblysynda júrgizilip, munda 12 vokzal jańartyldy. Qaraǵandy oblysynda 11 nysan qaita jańǵyrtyldy. Sondai-aq jumystar Atyraý, Aqtóbe, Qyzylorda, Almaty, Shyǵys Qazaqstan, Soltústik Qazaqstan, Batys Qazaqstan, Pavlodar, Qostanai, Mańǵystaý, Túrkistan, Jambyl, Jetisý jáne Ulytaý oblystarynda júzege asyryldy.
Jobalar aiasynda keibir vokzaldarda kúrdeli jóndeý júrgizilse, birqatar stantsiialarda eski ǵimarattardyń ornyna jańa jolaýshylar keshenderi salyndy. Sonymen qatar vokzaldardyń aýmaǵy keńeitilip, jolaýshylar platformalary, konkorstar, aialdaý pavilondary men injenerlik infraqurylym tolyq jańartyldy.
Barlyq nysandarda shatyrlar men qasbetter jóndelip, sý, jylý, elektr, káriz jáne bailanys júieleri aýystyryldy. Ǵimarattardyń ishki árleýi jańartylyp, zamanaýi jihazdar, navigatsiialyq júieler, beinebaqylaý kameralary, jeldetý jáne konditsionerleý júieleri, órt jáne kúzet dabyldary, sondai-aq qaýipsizdikke arnalǵan introskoptar men metall izdegishter ornatyldy.
Jańǵyrtý barysynda erekshe qajettiligi bar azamattarǵa qolaily jaǵdai jasaýǵa basymdyq berildi. Vokzaldar pandýstarmen, lifttermen, kótergish qurylǵylarmen, taktildi navigatsiiamen, aqparattyq kórsetkishtermen jáne arnaiy sanitarlyq bólmelermen jabdyqtaldy.
Budan bólek, birqatar vokzaldardyń aýmaǵy aitarlyqtai ulǵaityldy. Atap aitqanda, Oral, Shetpe, Shalqar, Qazybek bek jáne Jetisý stantsiialarynda jolaýshylarǵa arnalǵan keńistikter keńeitildi. Aqshy stantsiiasynda jańa aialdaý pavilony boi kóterse, Temirtaý stantsiiasynda jolaýshylar platformasy tolyq qaita jańǵyrtyldy.
Búginde jańartylǵan vokzaldar kún saiyn ondaǵan myń jolaýshyǵa qyzmet kórsetip, Qazaqstan óńirleri arasyndaǵy, sondai-aq Resei, Ózbekstan, Qyrǵyzstan jáne Tájikstan baǵyttaryndaǵy temirjol qatynasynyń sapasyn arttyrýǵa múmkindik berip otyr. Mamandardyń aitýynsha, júrgizilgen jumystar jolaýshylarǵa jaily ári qoljetimdi orta qalyptastyryp, temirjol infraqurylymynyń sapasyn jańa deńgeige kóteredi.
