فوتو: Depositphotos
قازاقستاندا سۋ تاريفٸ ٶزگەرۋٸ مٷمكٸن. اتالعان مەسەلە بويىنشا ەكولوگييا مينيسترلٸگٸ قۇزىرلى ورگاندارعا ۇسىنىس ەزٸرلەپ جاتىر. بۇل تۋرالى «قازسۋاشار» رمك باس ديرەكتورىنىڭ پايدالانۋ جەنە اۆتوماتيزاتسييا جٶنٸندەگٸ ورىنباسارى ەربول ساليحباەۆ مەلٸم ەتتٸ, دەپ حابارلايدى قازاقپارات.
«بٷگٸندە رەسپۋبليكاعا قاراستى 3440 سۋ كانالى جٷيەلەرٸ بار. شارۋالارعا سۋ سول جٷيەلەر ارقىلى جەتكٸزٸلەدٸ. سۋ كانالى جٷيەلەرٸ كەزٸندە كوممۋنالدىق مەنشٸكتە بولىپ, كٶبٸ قازٸرگٸ سۋ تاريفٸنە كٸرمەگەن. ياعني قازٸرگٸ تاريف بويىنشا ولاردى كٷتٸپ ۇستاۋعا قارجى قاراستىرىلماعان. وسى ورايدا بيىل بٸز مەملەكەتتٸك قۇزىرلى ورگاندارعا ٶز ۇسىنىسىمىزدى جولدايمىز. كەلەسٸ جىلى ەدٸلەتتٸ سۋ تاريفٸ بەكٸتٸلەدٸ دەپ ويلايمىز», - دەدٸ ەربول ساليحباەۆ «قازگيدرومەت» مەكەمەسٸندە ٶتكەن باسپاسٶز مەسليحاتىندا.
مينيسترلٸك ٶكٸلٸنٸڭ مەلٸمدەۋٸنشە, سۋ قويمالارىن كٷتٸپ ۇستاۋ - ٷلكەن مەسەلە.
سونداي-اق, سپيكەر سۋ سالاسى ماماندارىنىڭ جالاقىسى مەسەلەسٸن كٶتەردٸ.
«سۋ سالاسى قىزمەتكەرلەرٸ - ەلٸمٸزدەگٸ ەڭ تٶمەن جالاقى الاتىنداردىڭ بٸرٸ. سوندىقتان دا پروبلەمانى تاريف ارقىلى شەشپەسەك, باسقا جولى جوق. مەملەكەتتەن قارجى المايمىز, قانشا كٶلەمدە سۋ جەتكٸزەمٸز, سونى اقىسىن شارۋالاردان جيناپ الامىز», - دەيدٸ ول.
ەربول ساليحباەۆتىڭ دەيەگٸنشە, بٷگٸندە سۋ سالاسى ماماندارىنىڭ ورتاشا جالاقىسى 90 مىڭ تەڭگەدەن اسپايدى.
